მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსულ-ამერიკული მოლაპარაკებების პირველი რაუნდის შედეგები და სამეტაპიანი სამშვიდობო გეგმა - რა ხდებოდა დახურულ კარს მიღმა: მედია კულუარულ დეტალებზე წერს
14:21 / 19-02-2025
ერ-რიადში, აშშ-სა და რუსეთის წარმომადგენლებს შორის მოლაპარაკებები გაიმართა. ეს ის თემაა, რომელსაც მთელი მსოფლიო ინტერესით აკვირდება, რადგან ამ მოლაპარაკებებზე და მის შემდგომ განვითარებაზე არის დამოკიდებული ბევრი რამ, მათ შორის, უკრაინაში ომის საკითხი.
- უკრაინაში რუსეთის შეჭრის შემდეგ, ეს იყო პირველი უმაღლესი დონის დიპლომატიური შეხვედრა ამერიკის შეერთებული შტატებისა და რუსეთის წარმომადგენლებს შორის.
მოლაპარაკების ეს რაუნდი შეგვიძლია მივიჩნიოთ როგორც საფუძვლის მომზადება შემდეგში უფრო ნაყოფიერი მოლაპარაკებებისთვის.
აშშ-ის სახელმწიფო მდივანმა, მარკო რუბიომ შეხვედრის დასრულების შემდეგ თქვა, რომ უნდა შეისწავლონ ის შესაძლებლობები, რომლებიც არსებობს რუსეთთან პარტნიორობისთვის.
როგორც ოფიციალური განცხადებებით ირკვევა, ჯერჯერობით, ეს შესაძლებლობები მოიცავს შესაბამის საელჩოებში პერსონალის გაზრდას, ეკონომიკურ ინვესტიციებზე თანამშრომლობის გზების მოძიებას, მათ შორის, პოტენციურ ენერგეტიკულ პროექტებს არქტიკაში და უმაღლესი გუნდების შექმნას სამშვიდობო მოლაპარაკებებისთვის უკრაინასთან დაკავშირებით.
თეთრი სახლი და კრემლი ირწმუნებიან, რომ შეხვედრამ ნაყოფიერად ჩაიარა, პარალელურად კი ევროპელი ლიდერები და ასევე უკრაინა კრიტიკულად არიან განწყობილები, რადგან ისინი დიალოგის ოთახის კარს მიღმა დატოვეს.
- "იყო ძალიან სერიოზული საუბარი ყველა იმ საკითხზე, რომელთა დაყენებაც გვინდოდა“, - განაცხადა ვლადიმერ პუტინის მთავარმა თანაშემწემ, იური უშაკოვმა მოლაპარაკებების დასრულების შემდეგ. უშაკოვის თქმით, მხარეები შეთანხმდნენ ერთმანეთის ინტერესების გათვალისწინებაზე და ორმხრივი ურთიერთობების გაღრმავებაზე და რომ მოსკოვი8 და ვაშინგტონი იმუშავებენ ლიდერებს შორის შეხვედრის მოწყობაზე.
როგორც Politico წერს, ნაკლებად სავარაუდოა, რომ მომავალ კვირაში პუტინისა და ტრამპის უშუალო შეხვედრა ვიხილოთ, რადგან უშაკოვის თქმით, პირველ რიგში, საჭიროა "ინტენსიური მუშაობა“.
- აშშ-ის სახელმწიფო დეპარტამენტში შეხვედრას უწოდეს "მნიშვნელოვანი წინ გადადგმული ნაბიჯი", რადგან ლავროვი და რუბიო შეთანხმდნენ, რომ შექმნან მაღალი დონის მოლაპარაკებებისთვის საფუძველი, რომელიც თავის მხრივ, შედეგს მოიტანს უკრაინაში ომის დასასრულებლად.
"შეერთებულ შტატებს სურს, შეაჩეროს მკვლელობები და იყენებს თავის ძალას მსოფლიოში ქვეყნების დასაკავშირებლად“, - განაცხადა აშშ-ის სახელმწიფო დეპარტამენტის წარმომადგენელმა ტემი ბრიუსმა მოლაპარაკებების შემდეგ.
გარდა ამისა, ვაშინგტონი და მოსკოვი შეთანხმდნენ შექმნან საკონსულტაციო მექანიზმი ორმხრივ ურთიერთობებში "გამაღიზიანებლების“ აღმოსაფხვრელად.
თუმცა როგორც Politico წერს, ეს ასე მარტივი არ იქნება, რადგან რეალობა საკმაოდ რთულია. მაგალითად, ის ფაქტი, რომ აშშ-ის მიერ არაერთი რუსი პოლიტიკოსი თუ ბიზნესმენია დასანქცირებული, მათ შორის, რუსეთის საგარეო საქმეთა მინისტრი სერგეი ლავროვი, ამ დროისთვის მოლაპარაკებების წარმატებისთვის ხელის შემშლელ ფაქტორად მოჩანს.
თეთრი სახლი და კრემლი ირწმუნებიან რომ შეხვედრამ ნაყოფიერად ჩაიარა. ამავდროულად ევროპელი ლიდერები და ასევე უკრაინა კრიტიკულად არიან განწყობილები რადგან ისინი მოლაპარაკებების ოთახის გარეთ დატოვეს.
- გარდა ოფიციალური განცხადებებისა, ვრცელდება კულუარული ინფორმაციაც იმის შესახებ, თუ რის შესახებ ისაუბრეს მხარეებმა ერ-რიადში.
3-ეტაპიანი სამშვიდობო გეგმა
საუდის არაბეთში მოლაპარაკებებთან დაკავშირებული მრავალი უცხოური დიპლომატიური წყაროს თქმით, აშშ და რუსეთი სამეტაპიან სამშვიდობო გეგმაზე მუშაობენ, გეგმაში შედის ცეცხლის შეწყვეტა, უკრაინაში არჩევნების ჩატარება და შემდეგ საბოლოო შეთანხმებაზე ხელმოწერა. ამის შესახებ FoxNews-ის კორესპონდენტი ჟაკ ჰეინრიხი დიპლომატიურ წყაროებზე დაყრდნობით წერს.
- მისი ინფორმაციით, რამდენიმე წყარო FOX-სთან ამბობს, რომ აშშ და რუსეთი უკრაინაში ახალი არჩევნების ჩატარებას განიხილავენ პროცესის წარმატების მთავარ პირობად. როგორც ჟაკ ჰენრიხი წერს, ეს საკითხი აუცილებლად იქნება საკამათო, რადგან უკრაინელები ერიდებიან რომელიმე პრორუსი მარიონეტული პოლიტიკოსის გაპრეზიდენტების პერსპექტივას.
აშშ-ის წყარო, რომელიც იცნობს მოლაპარაკებების დეტალებს ამბობს რომ არჩევნების საკითხი შეიძლება გახდეს შემდგომი მოლაპარაკებების საკითხი, მაგრამ არა დღეს.
Fox-ის კორესპონდენტის ინფორმაციით, მრავალი უცხოური დიპლომატიური წყარო მათ ეუბნება, რომ "პუტინს მოსწონს მარიონეტული პრეზიდენტის არჩევის ალბათობა და ასევე დარწმუნებულია, რომ უკრაინის ამჟამინდელი პრეზიდენტის გარდა, ნებისმიერი კანდიდატი იქნება უფრო მოქნილი და მზად მოლაპარაკებებისა და დათმობებისთვის. თავის მხრივ, ტრამპი მზადაა მიიღოს არჩევნების ნებისმიერი შედეგი, მათ შორის პრორუსი პრეზიდენტის არჩევის შესაძლებლობაც".
გარდა ამისა, წყარო ამბობს, რომ ტრამპი და პუტინი მიიჩნევენ, რომ უკრაინის ამჟამინდელი პრეზიდენტის ხელახლა არჩევის შანსები დაბალია.
იხილეთ ასევე:
- "პუტინი რეალური სამშვიდობო შეთანხმებით არ არის დაინტერესებული" - რას აჩვენებს დასავლური დაზვერვის მონაცემები?
- 4-საათნახევრიანი მოლაპარაკება, ლანჩი, შესვენება და სხვა დეტალები - აშშ-ისა და რუსეთის დელეგაციების შეხვედრა დასრულდა: რას აცხადებენ მხარეები?
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
