მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"პუტინი რეალური სამშვიდობო შეთანხმებით არ არის დაინტერესებული" - რას აჩვენებს დასავლური დაზვერვის მონაცემები?
12:54 / 19-02-2025
იმის ფონზე, რომ ტრამპის ადმინისტრაციამ წინასწარი მოლაპარაკებები დაიწყო რუს ოფიციალურ პირებთან უკრაინაში ომის დასრულების შესახებ, აშშ-სა და მისი მჭიდრო მოკავშირეების სადაზვერვო მონაცემები აჩვენებს, რომ რუსეთის პრეზიდენტს, ვლადიმირ პუტინს კვლავ მთელი უკრაინის კონტროლი სურს. ამას დასავლური დაზვერვის ოთხი და აშშ-ს კონგრესის ორი თანამდებობის პირი აცხადებს.
"ჩვენ არ გვაქვს არანაირი სადაზვერვო ინფორმაცია იმის შესახებ, რომ პუტინი ამჟამად რეალური სამშვიდობო შეთანხმებით არის დაინტერესებული", - განაცხადა კონგრესის ერთ-ერთმა ოფიციალურმა პირმა.
სამშაბათს, პუტინმა წარმომადგენლები გაგზავნა საუდის არაბეთში აშშ-სთან მოლაპარაკებებისთვის, რომლებიც ომის დასრულებას ისახავს მიზნად. თუმცა, ექვსი თანამდებობის პირის თქმით, როგორც არსებული სადაზვერვო მონაცემები აჩვენებს, პუტინს კვლავ სჯერა, რომ შეუძლია, უკრაინისა და ევროპის გადაღლას დაელოდოს, რათა საბოლოოდ მთელი უკრაინის კონტროლს მიაღწიოს.
"მას ჰგონია, რომ იგებს", - განაცხადა დასავლური დაზვერვის ერთ-ერთმა ოფიციალურმა პირმა და დაამატა, რომ ბრძოლის ველზე რუსეთის დანაკარგები პუტინისთვის ბრძოლის შეწყვეტის ბიძგს არ წარმოადგენს.
სადაზვერვო ინფორმაციის განსახილველად ყველა პირმა ანონიმურობის პირობით ისაუბრა.
ეროვნული უსაფრთხოების საბჭოს პრესმდივანმა, ბრაიან ჰიუსმა ამ საკითხზე კომენტარისას განაცხადა:
"პრეზიდენტ ტრამპის ლიდერობამ წლების განმავლობაში პირველად შექმნა მოლაპარაკებების შესაძლებლობა და მან ეს თანამდებობაზე მხოლოდ ოთხი კვირის ყოფნის შემდეგ გააკეთა. ტრამპის ადმინისტრაცია განაგრძობს ამერიკული ინტერესების წინ წამწევი და ამ კონფლიქტის სამუდამო გადაწყვეტისკენ მიმართული შეთანხმების მიღწევის მცდელობას".
პრეზიდენტმა დონალდ ტრამპმა განაცხადა, რომ პუტინმა მას გასულ ოთხშაბათს სატელეფონო საუბრისას უთხრა, რომ უკრაინაში ომის დასრულება სურს და ტრამპმა ეს კვირას, ჟურნალისტებთან საუბრისას გაიმეორა.
"მე მგონია, რომ მას ბრძოლის შეწყვეტა უნდა", - თქვა აშშ-ს პრეზიდენტმა. კითხვაზე, ფიქრობს თუ არა, რომ პუტინს მთელი უკრაინა სურს, ტრამპმა უპასუხა: "არა, მე ვფიქრობ, რომ მას ამის შეწყვეტა სურს. ეს იყო ჩემი კითხვა მისდამი, რადგან თუ ის გააგრძელებდა, ეს ჩვენთვის დიდი პრობლემა იქნებოდა, ჩემთვის დიდ პრობლემას შექმნიდა, რადგან, უბრალოდ, ვერ დავუშვებ ამის მოხდენას. მე მგონია, რომ მას დასრულება სურს. თანაც, მათ ამის სწრაფად შეწყვეტა სურთ".
ტრამპმა განაცხადა, რომ უკრაინის პრეზიდენტმა, ვოლოდიმირ ზელენსკიმაც მას უთხრა, რომ მას ომის დასასრულებლად სამშვიდობო შეთანხმების მიღწევა უნდა.
პუტინთან და ზელენსკისთან სატელეფონო საუბრებით, ტრამპმა, რომელმაც საარჩევნო კამპანიის დროს გასცა პირობა, რომ უკრაინაში ომის დასრულებას თანამდებობაზე ყოფნის პირველი 24 საათის განმავლობაში შეძლებდა, მოლაპარაკებების პროცესი ომის შესაჩერებლად დაიწყო. ეს ძალისხმევა დაემთხვა მისი ადმინისტრაციის მიერ რუსეთში დაკავებული ამერიკელი მასწავლებლის, მარკ ფოგელის გათავისუფლებას.
ტრამპის წარმომადგენელი ახლო აღმოსავლეთში, სტივ ვიტკოფი, ფოგელის წამოსაყვანად მოსკოვში თავისი კერძო თვითმფრინავით გაფრინდა, ტრამპმა კი ჟურნალისტებს კვირას განუცხადა, რომ ვიტკოფი იქ ყოფნისას, ის პუტინთან შეხვედრაზე დაახლოებით სამი საათის განმავლობაში იმყოფებოდა. ადმინისტრაციას ამ შეხვედრის დამატებითი დეტალები არ გაუზიარებია.
ვიტკოფი ახლა იმ მოლაპარაკებების გუნდის ნაწილია, რომელიც ტრამპმა გასულ კვირას გამოაცხადა, სახელმწიფო მდივან მარკო რუბიოსთან, CIA-ს დირექტორ ჯონ რატკლიფთან და ეროვნული უსაფრთხოების მრჩეველ მაიკლ უოლცთან ერთად. რუბიო, ვიტკოფი და უოლცი სამშაბათს რუსულ მხარეს ერ-რიადში შეხვდნენ.
სადაზვერვო სამსახურებთან დაკავშირებულმა ექვსმა ამერიკელმა ოფიციალურმა კი განაცხადა, რომ მათი აზრით, "პუტინი შეიძლება, ცეცხლის შეწყვეტას და უფრო ფართო სამშვიდობო შეთანხმებას დათანხმდეს, რადგან ეს მას სამხედრო გადაჯგუფებისა და ძალების აღდგენისთვის დროს მისცემს".
მათ განაცხადეს, რომ აშშ-სა და დასავლეთის ოფიციალურ პირებს შორის არსებობს სკეპტიციზმი იმის თაობაზე, რომ პუტინი საბოლოოდ კომპრომისზე წავა და რეალურ, გრძელვადიან სამშვიდობო შეთანხმებას დათანხმდება. თუმცა, არსებობს მოლოდინი, რომ ის შეიძლება, მოლაპარაკებების პროცესში იმის სანახავად ჩაერთოს, თუ რა დათმობებს მიიღებს, და ასევე, სცადოს მსოფლიო არენაზე დაბრუნება, სადაც ის უკრაინაში რუსეთის შეჭრიდან სამი წლის განმავლობაში დიდწილად იზოლირებული იყო.
დაზვერვის ოფიციალურმა პირებმა განაცხადეს, რომ პუტინი უკრაინიდან თავისი ჯარების გამოყვანას ან დასავლეთ რუსეთიდან რაიმე ფორმირებების თუ აღჭურვილობის უკან გამოტანას არ გეგმავს.
მათ ასევე აღნიშნეს, რომ ტრამპის ადმინისტრაციის ოფიციალური პირების ბოლოდროინდელი განცხადებების გამო, რომლებიც მიუთითებენ, რომ შეთანხმების მიღწევის რეალისტურ შედეგად აშშ უკრაინის ნატოში გაწევრებას არ განიხილავს, პუტინი თავს გაძლიერებულად გრძნობს.
"მისი მიზნები კვლავ მაქსიმალისტური რჩება", - განაცხადა დასავლური დაზვერვის ერთ-ერთმა თანამდებობის პირმა.
აშშ-ს ოფიციალურმა პირების განცხადებითვე, აშშ-ს სადაზვერვო შეფასებები პუტინის პოზიციის შესახებ ძალიან შეზღუდულია, მაგრამ აშშ-ს დაზვერვა და სხვა ქვეყნებიდან მიღებული სადაზვერვო ინფორმაცია დიდი ხანია, თანმიმდევრულად აჩვენებს, რომ პუტინს უკრაინის მიმართ ფართო ამბიციები აქვს. თანამდებობის პირებმა კონგრესიდან და ტრამპის ადმინისტრაციის ერთმა ყოფილმა მაღალჩინოსანმა განაცხადეს, რომ პუტინის ეს პოზიცია ბაიდენის ადმინისტრაციის დასასრულს უცვლელი რჩებოდა და არც ტრამპის თანამდებობაზე ყოფნის ერთი თვის განმავლობაში შეცვლილა.
როგორც აშშ-ს მოქმედი და ყოფილი ოფიციალური პირები აცხადებენ, უკრაინის მთავრობა მოლაპარაკებებიდან გამორიცხვის შესაძლებლობის გამო და იმის ფონზეა შეშფოთებული, რომ რუსეთი მოლაპარაკების მაგიდასთან მაქსიმალისტური მოთხოვნებით, კომპრომისის სურვილის გარეშე დაჯდება.
NBC News-ის Meet the Press-ის ექსკლუზიურ ინტერვიუში, რომელიც ეთერში კვირას გავიდა, ზელენსკიმ კრისტენ უელკერს უთხრა: "არასდროს არ მივიღებ უკრაინის შესახებ აშშ-სა და რუსეთს შორის მიღწეულ არანაირ შეთანხმებას. ეს არის ომი უკრაინაში, ჩვენ წინააღმდეგ, ეს ჩვენი ადამიანური დანაკარგებია", - აღნიშნა ზელენსკიმ.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
