მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა არის ცნობილი ვენაში დაკავებულ ქართველ კაცზე, რომელიც პლასტიკურ პროცედურებს არალეგალურად ატარებდა - "ყურებისა და ნიკაპის არეში ჭრილობები მიაყენა"
11:11 / 14-02-2025
ავსტრიის დედაქალაქ ვენაში, კერძოდ ლანდშტრასეს რაიონში, ერთ-ერთ ბინაში, 35 წლის მამაკაცის მიერ არალეგალურად ჩატარებული სილამაზის ოპერაციის შედეგად, 58 წლის ქალი მძიმედ დაშავდა. ქალი ბინაში ნიკაპის გასამკვრივებელი პროცედურის ჩასატარებლად მივიდა, თუმცა ოპერაციის დროს მისი მდგომარეობა საგრძნობლად გაუარესდა. ავსტრიის პოლიციის ცნობით, ქალი სასწრაფოდ გადაიყვანეს საავადმყოფოში, სადაც გადაუდებელი ოპერაცია ჩაუტარდა. კაცი, რომელიც ექიმის სტატუსით პროცედურას ატარებდა სხეულის მძიმე დაზიანების ბრალდებით დააკავეს.
ვინ არის ეჭვმიტანილი?
35 წლის ეჭვმიტანილი წარმოშობით საქართველოდანაა და საკუთარ თავს პლასტიკურ ქირურგად მოიხსენიებს. როგორც გამოძიებამ დაადგინა, მან ვენაში ბინა ონლაინ პლატფორმის საშუალებით იქირავა და არალეგალური ოპერაციებისთვის სისტემატურად იყენებდა.
სამშაბათს, 58 წლის ქალი მეგობართან ერთად, პროცედურის ჩასატარებლად აღნიშნულ ბინაში მივიდა. პოლიციის ცნობით, მას ნიკაპის ლიფტინგი ჰქონდა დაგეგმილი. ოპერაციის პროცესში ეჭვმიტანილმა ქალს ყელის, ყურებისა და ნიკაპის არეში რამდენიმე ჭრილობა მიაყენა. ამის შემდეგ პაციენტს მოულოდნელად სუნთქვის პრობლემები დაეწყო. მამაკაცმა, სავარაუდოდ, მდგომარეობის გამოსასწორებლად მედიკამენტი გაუკეთა, თუმცა ამის შემდეგ ქალის მდგომარეობა კიდევ უფრო დამძიმდა. პაციენტის შეშინებულმა მეგობარმა და ეჭვმიტანილის ნაცნობმა – სასწრაფო დახმარებას მიმართეს, რომელიც ადგილზე 17:45 საათისთვის მივიდა.
სამართალდამცველების რეაგირება
სასწრაფო დახმარების ბრიგადამ ადგილზე მისვლისას დააფიქსირა, რომ ქალს სახის არეში ძლიერი სისხლდენა აღენიშნებოდა. ვენის სასწრაფო დახმარების წარმომადგენლის, ანდრეას ჰუბერის თქმით, მათ ეჭვმიტანილი ჰკითხეს, თუ რა მედიკამენტი შეუყვანა პაციენტს, მაგრამ მან თანამშრომლობაზე უარი განაცხადა. ამის შემდეგ საქმეში პოლიცია ჩაერთო.
ბინის ჩხრეკისას სამართალდამცველებმა აღმოაჩინეს საოპერაციო ინსტრუმენტები, სამედიცინო მოწყობილობები, დეზინფექციისა და სტერილიზაციის საშუალებები, ასევე ოპერაციების ფასების ჩამონათვალი და საინფორმაციო მასალები. პოლიციის ინფორმაციით, ეჭვმიტანილი სთავაზობდა პაციენტებს სხვადასხვა პროცედურას, მათ შორის ქუთუთოების ლიფტინგსა და სახის სრულ ლიფტინგს. ფასები 500-დან 2500 ევრომდე მერყეობდა.
გამოძიება გრძელდება
35 წლის ეჭვმიტანილი გამოძიების ფარგლებში თანამშრომლობაზე უარს აცხადებს. პოლიციის ინფორმაციით, მას ავსტრიაში ექიმის ლიცენზია არ გააჩნდა, ხოლო მისი განცხადებები საქართველოში ქირურგად მუშაობის შესახებ ჯერ კიდევ შემოწმების პროცესშია. ამ დროისთვის იგი დაკავებულია და სამართალდამცველები საქმესთან დაკავშირებულ ყველა დეტალს იკვლევენ.
გამოძიების ფარგლებში დაკითხეს მისი ნაცნობიც, რომელმაც აღნიშნული ბინა იქირავა. მან პოლიციას განუცხადა, რომ ეჭვმიტანილი საქართველოში სამედიცინო ფაკულტეტზე სწავლისას გაიცნო და ბინა მისი თხოვნით იქირავა. ამ ეტაპზე მისი როლი ჯერ კიდევ გაურკვეველია. ორივე მამაკაცს ავსტრიაში ოფიციალური საცხოვრებელი მისამართი არ გააჩნია, ხოლო მათი ვიზისა და ბინადრობის სტატუსი კვლავ შემოწმების პროცესშია.
ავსტრიის პოლიციამ მოსახლეობას სიფრთხილისკენ მოუწოდა და გააფრთხილა, რომ სამედიცინო და ესთეტიკური პროცედურები მხოლოდ ლიცენზირებულ ექიმებთან ჩაიტარონ, რათა თავიდან აიცილონ მსგავსი სარისკო შემთხვევები.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
