მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სკანდალური სასამართლო დავა, რომელიც ბადრი პატარკაციშვილის შვილმა მოიგო - რას წერს ბრიტანული მედია ია პატარკაციშვილზე
18:45 / 10-02-2025
მილიარდერის ქალიშვილმა, რომელმაც "ჩრჩილით სავსე“ სასახლე იყიდა, სასამართლო დავა მოიგო - წერს უცხოური მედია, ბადრი პატარკაციშვილის ქალიშვილზე, ია პატარკაციშვილზე.
ბრიტანული "დეილი მეილის" მიერ გამოქვეყნებულ სტატიაში ვკითხულობთ, რომ "ია პატარკაციშვილმა მეუღლესთან, სტომატოლოგ დოქტორ ევგენ ჰუნიაკთან ერთად, 2019 წლის მაისში ნოთინგ ჰილში, დასავლეთ ლონდონში მდებარე სახლი 32.5 მილიონი ფუნტად იყიდა.
მაგრამ მალევე აღმოაჩინეს, რომ სახლში უამრავი ჩრჩილი ცხოვრობდა. მალე წყვილმა აღმოაჩინა, რომ მწერებმა გაანადგურეს ტანსაცმელი, ღვინო და სხვა საოჯახო ნივთები.
წყვილმა მრავალმილიონიანი სასამართლო დავა მოუგო მაღალი კლასის უძრავი ქონების დეველოპერს, უილიამ ვუდვორდ-ფიშერს.
უმაღლესმა სასამართლომ დაადგინა, რომ ვუდვორდ-ფიშერმა წყვილს სახლის შეძენისას არ გაუმხილა ინფორმაცია, რომ უძრავ ქონებას, ჩრჩილებთან დაკავშირებით სერიოზული პრობლემები ჰქონდა და ბინასაც სწორედ ამ მიზეზით ყიდდა.
ია პატარკაციშვილმა ბინა 2019 წელს შეიძინა და 32.5 მილიონი ფუნტი გადაიხადა. მაღალი კლასის საცხოვრებელში იყო საცურაო აუზი, სპა, სპორტდარბაზი, ღვინის ოთახი, ბიბლიოთეკა და კინოთეატრი.
ბინაში გადასვლისას რამდენიმე დღის შემდეგ, იამ შენიშნა, როგორ გადაადგილდებოდნენ სახლში ჩრჩილები. ამის შესახებ მეუღლეს ესაუბრა. მალევე სახლი უამრავი ჩრჩილით აივსო და ოჯახი ყოველდღიურად 100-მდე ჩრჩილს ანადგურებდა.
სწორედ ეს გახდა მიზეზი სასამართლო დავისა, რომელსაც ბინის ძველი მფლობელი, დიდი ბრიტანეთის ყოფილი ჩემპიონი ვუდვორდ-ფიშერი, ვერ გადაურჩა.
სასამართლოში წყვილმა განაცხადა, რომ ჩრჩილები მიყენებული ზიანი იმდენად დიდი იყო, რომ მწერებმა გაანადგურეს მათი საყოფაცხოვრებო ნივთები.
წყვილი აცხადებდა, რომ ვუდვორდ-ფიშერმა გაყიდვის წინ მათ არ გაუმხილა, თუ რა პრობლემები არსებობდა სახლში.
10 თებერვალს მოსამართლემ განაჩენი გამოაცხადა, რომლის მიხედვითაც გადაწყვეტილება წყვილის სასარგებლოდ მიიღო.
წყვილის მოთხოვნებს, ბინისთვის გადახდილ თანხას, დაამატა დაახლოებით 4 მილიონი ფუნტი, რომელიც ითვალისწინებს ჩრჩილებისგან მიყენებული ზიანის ანაზღაურებას.
წყვილის თქმით, ბინის შეძენამდე მათ პერსონალთან ერთად მინიმუმ 11-ჯერ მოინახულეს სახლი, თუმცა მიუხედავად იმისა, რომ ყურადღებით დაათვალიერეს, მაშინ მწერები არსად შეუნიშნავთ.
მათმა ადვოკატმა ჯონ მაკგიმ სასამართლოზე განაცხადა, რომ დოქტორი ჰუნიაკი ყოველდღიურად 100-მდე ჩრჩილს ხოცავდა. მიუხედავად არაერთი სპეციალური საშუალების გამოყენებისა, მათი გაქრობა ვერ შეძლეს.
მოწინააღმდეგე მხარის ადვოკატი ამტკიცებდა, რომ ვუდვორდ-ფიშერი მართალი იყო, რადგან ჩრჩილები არ იყვნენ მავნებლები. ასევე აცხადებდა, რომ მის კლიენტს არ შეეძლო ქონების ხელახლა შეძენა.
"მე არ ვასკვნი, რომ მან გამიზნულად მოატყუა მომჩივნები.
მას უბრალოდ სურდა სახლის გაყიდვა და სხვაგან გადასვლა. როგორც მან დაკითხვისას აღიარა, პრობლემის შესახებ ინფორმაციის გამჟღავნება სავარაუდოდ გაყიდვას შეაფერხებდა.
ჩემი აზრით, ვუდვორდ-ფიშერი იმედოვნებდა, რომ პრობლემა გაქრებოდა, და ის მზად იყო, ამისთვის გაერისკა", - ამბობს მოსამართლემ.
მან აღნიშნა, რომ გადაწყვეტილების მიხედვით, ვუდვორდ-ფიშერმა ხელახლა უნდა გაიყიდოს ქონება და გადაუხადოს წყვილს ფული გაყიდვიდან მიღებული თანხით.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
