მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ტრილოგიად ჩაფიქრებული და 1 წიგნად გამოცემული რომანი - ჭაბუა ამირეჯიბის „გიორგი ბრწყინვალე“ უკვე გაყიდვაშია
15:37 / 10-02-2025
დღეიდან, 10 თებერვლიდან ჭაბუა ამირეჯიბის რომანი „გიორგი ბრწყინვალე“ უკვე გაყიდვაშია. ეს გახლავთ „პალიტრა L-ის“ ახალი ხუთტომეულის რიგით მე-3 წიგნი, რომლის სპეციალური ღირებულებაც 1 კვირის განმავლობაში 14 ლარი იქნება.
ჭაბუა ამირეჯიბმა „გიორგი ბრწყინვალეზე“ მუშაობა 1970-იანი წლების ბოლოს დაიწყო და ის ტრილოგიად ჰქონდა ჩაფიქრებული, მაგრამ გარკვეული მიზეზების გამო პირვანდელი ჩანაფიქრი ვერ განახორციელა. ერთ წიგნად დაწერილი რომანი პირველად 2003 წელს გამოიცა და ფართო საზოგადოების დიდი დაინტერესება გამოიწვია. ეს ინტერესი დღემდე არ ნელდება, რადგან თავად რომანში განხილული თემები არ კარგავს აქტუალურობას.
„გიორგი ბრწყინვალე“ ასახავს საქართველოს რთულ პერიოდს, როდესაც ქვეყანა მონღოლთა ბატონობის ქვეშ იმყოფებოდა. რომანი დეტალურად გადმოსცემს მეფის ბრძოლას როგორც შინაური მოღალატეების, ისე გარეშე მტრების წინააღმდეგ.
საინტერესოა, რომ ამირეჯიბი ოსტატურად აღწერს იმდროინდელ პოლიტიკურ და სოციალურ კონტექსტს, რაც მკითხველს საშუალებას აძლევს, გაიგოს, რა სირთულეები ახლდა საქართველოს გაერთიანების პროცესს. ერთ-ერთი მთავარი თემა სწორედ პატრიოტიზმი, სიძლიერე და ხასიათის სიმტკიცეა.
რომანი რეალურ ისტორიულ მოვლენებს ემყარება, თუმცა ავტორი მასში გარკვეულ მხატვრულ ელემენტებსაც ამატებს. გიორგი ბრწყინვალემ მართლაც შეძლო საქართველოს გაერთიანება და მონღოლთა უღლისგან გათავისუფლება. მისი მმართველობა ქვეყნის აღორძინების და გაძლიერების პერიოდად მიიჩნევა, რის გამოც ხალხში „ბრწყინვალის“ სახელით არის ცნობილი. ჭაბუას მიერ შექმნილი გიორგი ბრწყინვალე ძლიერი, ჭკვიანი და შორსმჭვრეტელი მეფეა. მას არა მხოლოდ სამხედრო სტრატეგიაში, არამედ დიპლომატიაში უდიდესი ნიჭი აქვს. ავტორი მას წარმოაჩენს როგორც სამართლიან მმართველს, რომელიც იცავს თავის ხალხს და ცდილობს მათ კეთილდღეობას. მისი მეფობის პერიოდში საქართველო კვლავ ძლიერ სახელმწიფოდ იქცევა, რაც ისტორიულადაც დადასტურებულია.
როგორც უკვე აღვნიშნეთ, ეს გახლავთ სერიის მესამე ტომი. პირველ და მეორე ტომად უკვე გამოცემულია “დათა თუთაშხია“. პროექტის ფარგლებში, ასევე, შეგიძლიათ შეიძინოთ:
- ბრენდირებული მაისურები, ქუდები და ყაბალახები, გაფორმებული ჭაბუა ამირეჯიბის ფრაზებით.
- სპეციალური ყაბალახი, რომელზეც რევაზ თარხან-მოურავის უნიკალური ილუსტრაციაა დატანილი.
წიგნისა და აქსესუარების შეძენა შესაძლებელია „ბიბლუსის“ მაღაზიათა ქსელში მთელი საქართველოს მასშტაბით, „პალიტრა L-ის“ ვებგვერდზე ონლაინ და ცხელ ხაზზე დარეკვით 322 470045.
შეგახსენებთ, რომ წიგნის ღირებულება ერთი კვირის განმავლობაში 14 ლარი იქნება, შემდეგ კი სტანდარტულ ფასად, 20 ლარად გაიყიდება.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
