მნიშვნელოვანი ინფორმაცია
5
ივლისიდღის ზოგადი ასტროლოგიური პროგნოზი
მთვარის მეთერთმეტე დღე დაიწყება 17:23-ზე, მთვარე მორიელშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. არ არის რეკომენდებული ფოკუსირება მხოლოდ მატერიალურ ფასეულობებზე. დაასრულეთ რაც დაიწყეთ. ჯობია გამოიჩინოთ მზრუნველობა და სიყვარული საყვარელი ადამიანის მიმართ, მიართვათ საჩუქარი. დღის საუკეთესო საკვებად ითვლება წვენები და ხილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მასკი სახელმწიფო სამსახურს სკანდალურად იწყებს - ბრალდებები USAID - ის წინააღმდეგ: "ეს კრიმინალური ორგანიზაციაა, დროა, მოკვდეს“
10:42 / 03-02-2025
Tesla-ს და SpaceX-ის მფლობელი, მილიარდერი ილონ მასკი, რომელიც აშშ-ის ახლად არჩეულმა პრეზიდენტმა - დონალდ ტრამპმა მთავრობის ეფექტიანობის დეპარტამენტის ერთ-ერთ ხელმძღვანელად დანიშნა, ამ თანამდებობაზე მუშაობას სკანდალურად იწყებს და საჯარო სივრცეში USAID-ს უმწვავესად აკრიტიკებს.
მან 2 თებერვალს X-ზე გამოაქვეყნა პოსტი, რომელშიც USAID-ს “კრიმინალური ორგანიზაცია“ უწოდა.
“USAID-ი არის კრიმინალური ორგანიზაცია. დროა, რომ მოკვდეს“, - წერს მასკი.
მან კონსერვატორი მაიკ ბენცის ვიდეო გააზიარა, რომელშიც USAID-ზე, ინტერნეტ ცენზურასა და პოლიტიკური კონტროლის სტრუქტურების შექმნის მიმართულებებზეა საუბარი.
Freedom Online-ის ფონდის დირექტორის, ყოფილი სახელმწიფო დეპარტამენტის თანამშრომლის ვიდეოში თბილისში გამართული აქციებიც ჩანს.
“ჩემს X-ის ანგარიშზე გავმართე 50-საათიანი ლაივ სტრიმ ლექციები, რომელშიც გამომწერებს ინტერნეტ ცენზურისა და საზოგადოებაზე გათვლილი პოლიტიკური კონტროლის სტრუქტურების შექმნაში, USAID-ის მთავარი როლის შესახებ ვესაუბრე.
როდესაც ამ კვირაში სახლში დავბრუნდები, დავდებ ამ ჩანაწერებს“, - წერს ბენცი.
გარდა ამისა, მასკმა გააკრიტიკა "დემოკრატიის ეროვნულ ფონდი"(NED).
"დემოკრატიის ეროვნულ ფონდი" კორუფციაშია ჩაძირული... დიდია იმ ბოროტებათა ჩამონათვალი, რაც NED-ს გაუკეთებია", - წერს მასკი X-ზე.
NED-ი 1983 წელს დაარსებული ამერიკული საერთაშორისო ორგანიზაციაა, რომელიც, როგორც თავად ორგანიზაციაში აცხადებენ, მსოფლიოში დემოკრატიის გავრცელებას ემსახურება.
ილონ მასკის X-ის ანგარიშზე, ორგანიზაციის შესახებ ონლაინ “დებატები“ ამ წუთებშიც გრძელდება. მილიარდერი სხვადასხვა ადამიანების მოსაზრებებს აზიარებს და მათ მოკლე ციტატებით ეხმაურება - ეთანხმება ან დასმულ კითხვებს იწონებს.
Did you know that USAID, using YOUR tax dollars, funded bioweapon research, including COVID-19, that killed millions of people? https://t.co/YVwyKA7ifs
— Elon Musk (@elonmusk) February 2, 2025
დონალდ ტრამპის თქმით, სააგენტოს “რადიკალი გიჟები“ მართავენ და ორგანიზაციის მომავალზე მას შემდეგ იფიქრებს, რაც მის ხელმძღვანელებს გაათავისუფლებს.
Associated Press-ის ინფორმაციით, ტრამპის ადმინისტრაციამ გაათავისუფლა USAID -ის ორი მაღალი თანამდებობის პირი მას შემდეგ, რაც მათ უარი თქვეს ილონ მასკის წარმომადგენლებისთვის საიდუმლო მასალები გადაეცათ.
“მასკის DOGE გუნდს არ გააჩნდა ნებართვა ამ ინფორმაციაზე წვდომისთვის. ამიტომ USAID-ის უსაფრთხოების ორმა თანამშრომელმა, ჯონ ვურჰესმა და მისმა მოადგილემ ბრაიან მაკგილმა იურიდიულად ვალდებულებად მიიჩნიეს უარი ეთქვათ აღნიშნულ ინფორმაციაზე წვდომაზე,“ - აღნიშნავს სააგენტო, თუმცა სტატიაშივე წერს, რომ DOGE-მ აღნიშნულ ინფორმაციაზე წვდომა საბოლოოდ მიიღო.
აშშ-ის საერთაშორისო განვითარების სააგენტოს (USAID) ვებგვერდი და სოციალური ქსელის ოფიციალური გვერდები ამ დროისთვის მიუწვდომელია.
“როიტერის“ ინფორმაციით, ორგანიზაციის ვებგვერდი მას შემდეგ გაითიშა, რაც ტრამპის ადმინისტრაციაში განაცხადეს, რომ სააგენტოს სახელმწიფო დეპარტამენტის დაქვემდებარებაში გადაყვანას გეგმავენ.
აღსანიშნავია, რომ ბოლო დღეებში USAID-ის ათეულობით თანამშრომელი შვებულებაში გაუშვეს.
დემოკრატმა სენატორმა ჯინ შაჰინმა დეპარტამენტის წარმომადგენელთა ქმედებებს უპრეცედენტო უწოდა და მოითხოვა დაუყოვნებლივ რეაგირება ეროვნული უსაფრთხოებისთვის მოსალოდნელ შედეგებზე. შაჰინის ინფორმაციით, 3 თებერვალს სენატორების ორპარტიული ჯგუფის შეხვედრას მოიწვევენ.
- შეგახსენებთ, რომ 2025 წლის იანვარში დონალდ ტრამპმა USAID-ის პროგრამები 90 დღით, აშშ-ის საგარეო პოლიტიკურ კურსთან მათი შესაბამისობის დადგენამდე შეაჩერა.
ორგანიზაციის წლიური ბიუჯეტი თითქმის 43 მილიარდი დოლარია. ის პასუხისმგებელია უცხოეთის ქვეყნებისთვის აშშ-ის დახმარების მართვასა და განვითარების სფეროში თანამშრომლობაზე.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
