მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ასტეროიდი დედამიწისკენ მოემართება - როდის მოუახლოვდება პლანეტას და რომელი ქვეყნები არიან რისკის ქვეშ
10:56 / 01-02-2025
უზარმაზარი ასტეროიდი შეიძლება, დედამიწას დაეჯახოს - თუმცა მის ჩამოსვლამდე დაცდა მოგვიწევს.
- მკვლევარები აცხადებენ, რომ "2024 YR4"-ის სახელით ცნობილი ასტეროიდი, რომელიც თითქმის 60 მეტრის სიგანის არის შეიძლება, 2032 წლის შობამდე ცოტა ხნით ადრე დაგვეჯახოს.
გასულ შობას არიზონას კატალინას ცის კვლევით აღმოჩენილი ასტეროიდი ამჟამად ერთადერთი დედამიწასთან ახლოს მყოფი ობიექტია, რომელიც ტორინოს ზემოქმედების საფრთხის სკალაზე მესამე დონეზეა განთავსებული, რაც მას NASA-ს და სხვა კოსმოსური სააგენტოების მიერ დაკვირვების ქვეშ მყოფ სხვა დიდ ობიექტებთან შედარებით დაჯახების ყველაზე მაღალ ალბათობას ანიჭებს. ეს სკალა დედამიწაზე პოტენციური გავლენის მქონე მოვლენებს ახარისხებს.
"ეს ერთ-ერთი ყველაზე მაღალი ალბათობაა მნიშვნელოვანი ზომის ქვის დაჯახებისა, რაც კი ოდესმე ყოფილა," - დაწერა დევიდ რანკინმა, კატალინას ცის კვლევიდან, BlueSky-ზე.
თუმცა, საჭიროა მეტი დაკვირვება იმის გასაგებად, თუ რამდენად ახლოს შეიძლება აღმოჩნდეს 2024 YR4 დედამიწასთან.
"ახლახან აღმოჩენილმა ასტეროიდმა შეიძლება, 8 წელიწადში დედამიწას ძალიან ახლოს ჩაუაროს," - თქვა ტონი დანმა, მოყვარულმა ასტრონომმა, რომელმაც X-ზე (ყოფილ Twitter-ზე) ასტეროიდის ვიზუალიზაცია გააზიარა.
დანის ანიმაცია ასტეროიდზე აჩვენებს, რომ ის დედამიწას 485 კილომეტრში ჩაუვლის, მისი ტრაექტორია კი პლანეტის გრავიტაციული მიზიდულობითაა შეცვლილი.
- დაჯახების "რისკის არეალი" გადაჭიმულია სამხრეთ ამერიკიდან, ცენტრალური აფრიკის გავლით, ინდოეთისა და სამხრეთ-აღმოსავლეთ აზიისკენ. თუმცა, ეს არეალი შეიძლება, ახალი მონაცემების გამოჩენასთან ერთად შეიცვალოს.
რამდენად კატასტროფული იქნება პოტენციური დაჯახება, დამოკიდებულია არა მხოლოდ ასტეროიდის ზომაზე, არამედ მის შემადგენლობაზეც. შედარებისთვის, ასტეროიდი, რომელმაც დინოზავრების ეპოქას დაუსვა წერტილი, სავარაუდოდ, 10-დან 15 კილომეტრამდე სიგანის უნდა იყო.
თუმცა, ასტრონომები ამბობენ, რომ შეჯახების შანსები დაახლოებით 1-ია 83-დან.
"ჩვენ საერთოდ არ ვღელავთ, რადგან 99%-ია იმის შანსი, რომ ასტეროიდი აგვცდება," - განუცხადა პოლ ჩოდასმა, NASA-ს დედამიწასთან ახლოს მყოფი ობიექტების კვლევის ცენტრის დირექტორმა The Associated Press-ს, - "მაგრამ ის ყურადღებას იმსახურებს."
NASA-ს Eyes on Asteroid-ის მონაცემებით, 2024 YR4 ამჟამად კოსმოსში დედამიწიდან დაახლოებით 44 მილიონი კილომეტრის დაშორებით მიქრის და 13.5 კმ/წმ სიჩქარით მოძრაობს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
