მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კაცმა შვილი TikTok-ის გამო მოკლა - აშშ-ში მცხოვრები პაკისტანელი გოგონას მძიმე ამბავი: "დაიწყო მიუღებელი კონტენტის შექმნა"
11:51 / 31-01-2025
კაცმა, რომელიც ცოტა ხნის წინ თავის ოჯახთან ერთად აშშ-დან პაკისტანში ჩავიდა, თავისი თინეიჯერი ქალიშვილის მკვლელობა აღიარა, რაც მისი TikTok კონტენტის მიუღებლობით იყო მოტივირებული.
- მკვლელობა სამხრეთ-დასავლეთ ქალაქ კვეტას ქუჩაში სამშაბათს მოხდა. ეჭვმიტანილმა, ანვარ ულ-ჰაქმა, თავდაპირველად განაცხადა, რომ მისი ამერიკაში დაბადებული 15 წლის ქალიშვილი უცნობმა შეიარაღებულმა პირებმა მოკლეს, თუმცა შემდეგ დანაშაულზე პასუხისმგებლობა თავად აიღო. ამის შესახებ პოლიციის ოფიცერმა, ბაბარ ბალოჩმა განაცხადა.
"ჩვენმა გამოძიებამ აქამდე დაადგინა, რომ ოჯახს პრეტენზია ჰქონდა მისი ჩაცმულობის, ცხოვრების სტილისა და სოციალური შეკრებების მიმართ," - განაცხადა კიდევ ერთმა გამომძიებელმა, ზოჰაიბ მოჰსინმა.
ბალოჩის ცნობით, ამერიკაში 25-წლიანი ცხოვრების შემდეგ ოჯახი ცოტა ხნის წინ ბალოჩისტანის პროვინციაში, უპირატესად მუსლიმურ პაკისტანში დაბრუნდა, რომელიც კონსერვატიული სოციალური ნორმების მქონე ქვეყანაა.
ოფიცრის განცხადებით, ეჭვმიტანილს აშშ-ს მოქალაქეობა აქვს. მისი თქმით, ჰაქმა უთხრა, რომ აშშ-ში ცხოვრებისას მისმა ქალიშვილმა დაიწყო "მიუღებელი" კონტენტის შექმნა სოციალურ მედია პლატფორმა TikTok-ზე.
მისივე ინფორმაციით, ქალიშვილმა პაკისტანში დაბრუნების შემდეგაც გააგრძელა პლატფორმაზე ვიდეოების გაზიარება. ბალოჩმა განაცხადა, რომ მკვლელობასთან დაკავშირებით მთავარი ეჭვმიტანილის სიძეც დააკავეს.
პაკისტანში, 241 მილიონიანი მოსახლეობის ქვეყანაში, TikTok-ს 50 მილიონზე მეტი ადამიანი იყენებს. მთავრობამ ბოლო წლებში კონტენტის მოდერაციის გამო აპლიკაცია რამდენჯერმე დაბლოკა.
დამოუკიდებელი პაკისტანის ადამიანის უფლებათა კომისიის თანახმად, პაკისტანში, ყოველწლიურად 1000-ზე მეტ ქალს კლავენ თემის ან ოჯახის წევრები, "ღირსების" სავარაუდო შელახვის გამო.
ეს შეიძლება მოიცავდეს გაპარვას, სოციალურ მედიაში კონტენტის განთავსებას, მამაკაცებთან ურთიერთობას, ან ნებისმიერ სხვა დარღვევას ქალებთან დაკავშირებული კონსერვატიული ღირებულებების წინააღმდეგ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
