საპროტესტო აქციების აქტიური მონაწილე, ბათუმის დრამატული თეატრის მსახიობი მეგი კობალაძე სოციალურ ქსელში აქვეყნებს ვიდეო კადრებს და წერს, რომ დღეს სამხატვრო ხელმძღვანელი თეატრიდან მის გაგდებას აპირებდა.
საუბარია ნუკრი ქანთარიაზე. კადრებში ისმის ქანთარიას და კობალაძის კამათი.
"კამერას რომ გავთიშავ რას იზამ? რადგან ვუთხარი, რომ ჯაბა იოსელიანის ძმაკაცია, თავისი იდეოლოგიით. ვუთხარი, რომ თეატრი არ უყვარს, ვუთხარი რომ არის "ოცნების" იდეოლოგიის გამტარი. მითხრა, რომ ამის გამო დამაკლებდა ხელფასს და გამაგდებდა თეატრიდან. გაძლევთ ხელშეკრულებას, რას აპირებთ? მიდი დახიეთ, როგორც დამემუქრეთ, გამაგდეთ თეატრიდან" - მიმართავს კობალაძე ქანთარიას.
ამის შემდეგ კობალაძემ დაწერა:
"ჩემი სამხატვრო ხელმძღვანელი დღეს აპირებდა ჩემს გაგდებას და მემუქრებოდა, გადაგიხევ ხელშეკრულებასო. კამერამ მიხსნა. კოლეგები მყავს მოწმეებად".