რუსეთის თავდაცვის სამინისტრომ 29 იანვარს დილით განაცხადა, რომ უკრაინული უპილოტო საფრენი აპარატები რუსეთის ტერიტორიას მთელი ღამის განმავლობაში უტევდნენ. უწყების ინფორმაციით, 104 უკრაინული თვითმფრინავი ჩამოაგდეს ქვეყნის ცხრა რეგიონში.
სამინისტროში აცხადებენ, რომ რეგიონების მიხედვით ჩამოგდებული დრონების რაოდენობა ასე განაწილდა:
იმავდროულად, ბრიანსკის ოლქის გუბერნატორმა, ალექსანდრე ბოგომაზმა, თავდაცვის სამინისტროს ამ მოხსენების პარალელურად გამოაქვეყნა პოსტი, რომლის თანახმადაც რეგიონში ღამით ჩამოაგდეს 33 დრონი (და არა 27, როგორც სამინისტრო აცხადებს), ხოლო ტვერის რეგიონის გუბერნატორი იგორ რუდენია წერს, რომ მის რეგიონში 20 საფრენი აპარატი ჩამოაგდეს, ეს მაშინ, როდესაც სამინისტრომ მხოლოდ შვიდი დაითვალა.
წუხელ, რუსეთიდან გავრცელდა ინფორმაცია ნიჟნი ნოვგოროდის რეგიონში, კერძოდ, ქალაქ კსტოვოში უკრაინული დრონის დარტყმისა და დიდი ხანძრის შესახებ, როგორც გაირკვა, ხანძარი "ლუკოილ-ნიჟნინოვგოროდნეფტეოსინთეზის“ ნავთობსაცავში გაჩნდა.
ნიჟნი-ნოვგოროდის ოლქის გუბერნატორის ცნობით, ხანძრის შედეგად არავინ დაშავებულა, ცეცხლის კერების ჩაქრობას კვლავ ცდილობენ მეხანძრეები.