მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჩინეთის ძალის დემონსტრირება - როგორ მუშაობს ჩინური ჩათბოტი, DeepSeek AI, რომლის გამოჩენამაც ამერიკის ტექნოლოგიური ინდუსტრია "შეარყია"?
13:14 / 28-01-2025
სიჩქარე, რომლითაც ახალმა ჩინურმა AI აპლიკაციამ, DeepSeek-მა ტექნოლოგიური ინდუსტრია, ბაზრები და ხელოვნური ინტელექტის (AI) სფეროში ამერიკის თავდაჯერებული უპირატესობის განცდა შეარყია, შთამბეჭდავია.
"DeepSeek-R1 არის AI-ში სპუტნიკის მომენტი," - თქვა ბიზნესმენმა მარკ ანდრისენმა და მიუთითებდა თანამგზავრზე, რომელმაც "კოსმოსური კონკურენცია" დაიწყო.
- DeepSeek არის ხელოვნური ინტელექტი, რომლის ქცევა ნებისმიერი სხვა ჩათბოტისას ჰგავს, თუმცა მეტი “საუბრისკენაა” მიდრეკილი.
OpenAI-ის ChatGPT-ის ან Google-ის Gemini-ს მსგავსად, თქვენ ხსნით აპლიკაციას (ან ვებსაიტს) და უსვამთ მას კითხვებს ნებისმიერ საკითხზე, ის კი შესაბამის პასუხებს გცემთ.
DeepSeek გრძელ პასუხებს იძლევა და საკუთარ აზრს არ გამოხატავს, რამდენადაც არ უნდა სთხოვოთ ამის გაკეთება.
ჩათბოტი ხშირად პასუხის გაცემას იმაზე ხაზგასმით იწყებს, რომ თემა "მეტად სუბიექტურია" - იქნება ეს პოლიტიკა (“არის თუ არა დონალდ ტრამპი კარგი პრეზიდენტი?”) თუ გაზიანი სასმელები (“რომელია უფრო გემრიელი, პეპსი თუ კოკა-კოლა?”).
მას არც იმის თქმა “სურს”, არის თუ არა უკეთესი, ვიდრე OpenAI-ის ChatGPT, მაგრამ ორივეს დადებით და უარყოფით მხარეებს განიხილავს - ChatGPT ზუსტად იმავეს აკეთებს და მსგავს ენას იყენებს.
DeepSeek ამბობს, რომ ის 2023 წლის ოქტომბრამდე არსებული მონაცემების მიხედვით არის "გაწვრთნილი". აპლიკაციას, როგორც ჩანს, მიმდინარე ინფორმაციაზეც აქვს წვდომა, როგორიცაა დღევანდელი თარიღი, თუმცა ვებსაიტის ვერსიას ეს არ შეუძლია.
ის პასუხებს სწრაფად სცემს, მაგრამ ამჟამად შენელებულია, რადგან ვირუსულად გავრცელდა და მის გამოცდას უამრავი ადამიანი ერთდროულად ცდილობს.
მაგრამ არის ერთი სფერო, რომელშიც ის არაფრით ჰგავს თავის ამერიკელ მეტოქეს - DeepSeek საკუთარ თავს ცენზურას უწესებს, როდესაც საქმე ჩინეთში აკრძალულ თემებზე კითხვებს ეხება.
“მოდი, სხვა რამეზე ვილაპარაკოთ”. - წერს ასეთ შემთხვევებში ხელოვნური ინტელექტი.
Apple-ის აშშ-ის App Store-ში უქმეებზე სწორედ DeepSeek-ი იყო ის უფასო აპლიკაცია, რომელიც ყველაზე მეტმა ადამიანმა გადმოწერა. ორშაბათისთვის, ახალმა AI ჩათბოტმა ამ სექტორში ამერიკის ლიდერობაზე კითხვის ნიშნები გააჩინა.
- AI ჩიპების დიზაინერისა და Wall Street-ის ახალი ფავორიტის, Nvidia-ს აქციების ფასი ორშაბათს, აშშ-ის ბაზრების დახურვის დროისთვის 17%-ით დაეცა. სხვაგვარად რომ ვთქვათ, კომპანიამ თითქმის 600 მილიარდი დოლარის საბაზრო ღირებულება დაკარგა, რაც Bloomberg-ის თანახმად, აშშ-ს საფონდო ბაზრის ისტორიაში უდიდესი ვარდნაა.
BBC-ის რეპორტიორის ცნობით, სანამ ეს დრამატული მოვლენები ვითარდებოდა, სიჩუმე იყო ჩამოვარდნილი იმ ადამიანებს შორის, ვინც, ჩვეულებრივ, მზად არიან ასეთ თემებზე სასაუბროდ. ბევრი დამკვირვებელი, ინვესტორი და ანალიტიკოსი გაოგნებული ჩანდა.
ზოგიერთმა ეჭვქვეშ დააყენა ინფორმაცია, რომელსაც მათ DeepSeek აწვდიდა.
"ჩათბოტი გასაკვირად კარგია, რაც უბრალოდ, რთულს ხდის მისი ინფორმაციების დაჯერებას", - ამბობს ანალიტიკოსი, ჯონ მენსტერი.
- მიუხედავად ამისა, მისი სიტყვებით, DeepSeek-ის მოულოდნელი გამოჩენა ჩინეთის მხრიდან "ძალის დემონსტრირება" და "შავი ლაქაა აშშ-ის ტექნოლოგიური ინდუსტრიისთვის".
აშშ-მ შეიძლება კვლავ გააგრძელოს სექტორზე კონტროლი, მაგრამ არსებობს განცდა, რომ DeepSeek-მა ამერიკელების თავდაჯერებულობა შეარყია.
დონალდ ტრამპმა ბაზარზე DeepSeek-ის გამოჩენას "გამოფხიზლების ზარი" უწოდა ამერიკული ტექნოლოგიური ინდუსტრიისთვის.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
