მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ჩემი ქვეყანა მენანება... უნდა მომხდარიყო ჩემი განეიტრალება, ეს იყო და ეს... ბევრისთვის შევქმენი პრობლემა“ - ინტერვიუ ქვეყნის დატოვებამდე: რა დეტალებზე ისაუბრა თეა გოდოლაძემ?
21:31 / 26-01-2025
დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორმა, თეა გოდოლაძემ საქართველო დატოვა.
გამგზავრებამდე რამდენიმე საათით ადრე მან ინტერვიუ “მთავარი არხის“ გადაცემა “Post Factum“ -ს მისცა.
“გამთენიისას მივდივარ... ჩემი ქვეყანა მენანება, არ შემიძლია ამ ქვეყნის გარეშე... მე მგონია, რომ ჯობია რომ ვიყო თავისუფლებაზე და ჩემი საქმე ვაკეთო აშშ-ში, ასე გამოვადგე ჩემს ქვეყანას, ვიდრე აქ პუტინის ციხეში ვიჯდე. ჩემს გამო პრობლემები არც ილიას [ილიაუნი] შეექმნას, არც ჩემს ოჯახს... ჯობია, რომ არ ვიყო აქ.
მან კიდევ ერთხელ განმარტა, თუ რატომ მიიღო აღნიშნული გადაწყვეტილება.
როგორც გოდოლაძე ამბობს, “ამ ხელისუფლების პირობებში, როდესაც ქვეყნის პრემიერ-მინისტრი ბოროტ, მატყუარა ადამიანს ეძახის. პარლამენტის თავმჯდომარე - ვიღაც გეოლოგს, რომელიც პანიკას ტეხს და არა სანდროა... ხოლო მამუკა მდინარაძე ამერიკის აგენტს უწოდებს. ამ ფონზე, შესაძლოა ციხეში არ ჩასვან.“
- “როგორ ფიქრობთ, 3- დან 6 წლამდე არ მომისჯიან და ციხეში არ ჩამსვამენ?“ - განაცხადა გოდოლაძემ და მიზეზად 3 წლის წინანდელი ძალადობის ფაქტი გაიხსენა. მან 2022 წელს 112-ს მიმართა და განაცხადა, რომ მასზე პარტნიორი ძალადობდა.
“დავრეკე 112-ში დააკავეს. შევიდა მასთან ადვოკატი და გამოვიდა ჩვენებით, რომ თურმე მე მის შვილზე ერთი წლის წინ ვიძალადე. ანუ, აბსოლუტურად საწინააღმდეგო ჩვენება, გაჯერებული ტყუილებით. მე წამიყენეს ბრალი მტკიცებულებების არ არსებობის ფონზე,“ - გაიხსენა სეისმური მონიტორინგის ეროვნული ცენტრის დირექტორმა.
მისი თქმით, იმის გამო, რომ სფეროში არსებულ დარღვევებს ღიად აკრიტიკებდა, ბევრი პიროვნებისთვის მიუღებელი აღმოჩნდა.
“მარტივია, უნდა მომხდარიყო ჩემი განეიტრალება, ეს იყო და ეს... და დაიწყო პირადი საკითხებით.
ამ გადასახედიდან, რაც ახლა ხდება, უფრო ნათელი გახდა სურათი, რაც ხდებოდა მანამდე. ჩემი აქტივობებიდან გამომდინარე, იმ პროექტებიდან გამომდინარე, რასაც ვახორციელებდი ქვეყანაში, ბევრი პრობლემა შევქმენი. ბევრისთვის შევქმენი პრობლემა... მე არ ვიცი როდის ჩამოვალ, ჯობია რომ წავიდე, ფიზიკური გადარჩენისთვისაც.
ძალიან ბევრი პროექტი გვქონდა, რომლებიც ჩააგდეს. ამერიკელ ბიზნესმენებთან ერთად შემოვდიოდით გეოთერმული ენერგიების წარმოებაზე საქართველოში.
აუცილებლად დავბრუნდები და ბევრ ძალიან მაგარ პროექტს გავაკეთებ,“ - განაცხადა თეა გოდოლაძე.
მანამდე დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის დირექტორმა, “ფეისბუქზე“ განმარტა თუ რატომ დატოვა ქვეყანა.
როგორც გოდოლაძე წერს, შექმნილი ვითარებიდან გამომდინარე, ქართველმა და უცხოელმა კოლეგებმა ურჩიეს, ფიზიკური უსაფრთხოების დასაცავად, დროებით განრიდებოდა სიტუაციას. ამასთან, გოდოლაძის განცხადებით, ქვეყნიდან დროებით მიდის და არც საქმიანობა მიუტოვებია.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
