მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ვინ ოხერია ეს ალი ბაბაევი... მას რომ შემოვცხე, რადგან რამდენჯერმე შემაგინა, თურმე პოლიტიკურად ვდევნი" - ელისაშვილი
13:54 / 23-01-2025
როგორი აბსურდია შეხედეთ, გიორგი გახარია, რომელიც პრემიერ-მინისტრი იყო, ათმა კაცმა წიხლქვეშ გაიგდო, ცემა და პოლიტიკური დევნით კი არ აღძრეს საქმე, არამედ ცემის, 126–ე მუხლით აღძრეს და მე აღმიძრეს პოლიტიკური დევნით - ნებისმიერმა მითხარით, ვინ იცით, ვინ ოხერია ალი ბაბევი?! - ამის შესახებ „ძლიერი საქართველოს“ ერთ-ერთმა ლიდერმა ალეკო ელისაშვილმა, ჟურნალისტებს საქალაქო სასამართლოში განუცხადა.
როგორც მან სხდომის დასრულების შედეგ აღნიშნა, მის მიმართ წარდგენილი ბრალი აბსურდია, რომელსაც ხელისუფლება მის დასაჭერად იყენებს, ამიტომ არ გამორიცხავს, რომ დააკავონ.
"ფაქტია, რომ დღეს, არ დამიჭირეს. 6 თებერვალს გაიმართება მომდევნო სხდომა, არსებითი განხილვა, სამწლიანი მუხლია. აბსოლუტურად აბსურდია, რომ მე ვიღაც ალი ბაბაევი [ვცემე]. ნებისმიერს რომ ჰკითხოთ, ვინ ოხერია ალი ბაბაევი, რომელიც თურმე ისეთი პოლიტიკური მოღვაწე ყოფილა, რომ მისი პოლიტიკური მოღვაწეობით გადავრეულვარ, ქუჩაში ვეტაკე და არიქა… შემაგინა და მაგაზე მქონდა რეაქცია. თან, როგორი აბსურდია შეხედეთ, გიორგი გახარია, რომელიც პრემიერ-მინისტრი იყო, ათმა კაცმა წიხლქვეშ გაიგდო, სცემა და პოლიტიკური დევნით კი არ აღძრეს საქმე, არამედ ცემის, 126–ე მუხლით აღძრეს და მე აღმიძრეს პოლიტიკური დევნით. წარმოიდგინეთ, ანუ გიორგი გახარია პოლიტიკოსი არ არის და მას პოლიტიკურად არ გაუსწორდნენ და პოლიტიკოსია თურმე ალი ბაბევი. ნებისმიერმა მითხარით, ვინ იცით, ვინ ოხერია ალი ბაბევი?! შესაბამისად, ამას ხელისუფლება იყენებს იმისთვის, რომ დამიჭიროს. მინდა ვუთხრა „ჯიგრებს“, რომ მე არ მეშინია, ვიყავი, ვნახე, დიდი არაფერი საშიში იქ არ არის. დაჭერისთვისაც და ციხეში წასვლისთვისაც მზად ვარ. არ ვიცი, ამათ თავში რა იხარშება, ამას ღმერთმა უწყის, ფაქტია, რომ არასწორი მუხლი მაქვს წარდგენილი.
გახარია სცემეს, თურმე ის არ ყოფილა პოლიტიკური დევნა და სხვა მუხლით არის აღძრული საქმე და მე რომ ვიღაცა ქეციანი, კაციშვილმა რომ არ იცის, ვინ ოხერია ეს ალი ბაბაევი და მას რომ შემოვცხე, რადგან რამდენჯერმე შემაგინა - ამის გამო თურმე პოლიტიკურად ვდევნი მას. ალი ბაბაევია თურმე პოლიტიკოსი და გახარია არაა პოლიტიკოსი. რა თქმა უნდა, აბსურდია. ჩემი დაჭერა თუ უნდათ, დამიჭირონ, არ მეშინია, აგერ ვარ”, - განაცხადა ელისაშვილმა.
ალეკო ელისაშვილს აღკვეთის ღონისძიების სახით შეფარდებული პატიმრობა 4000-ლარიანი გირაოს სანაცვლოდ პროკურატურის შუამდგომლობის შემდეგ შეეცვალა.
ცნობისთვის, ალეკო ელისაშვილს ბრალდება საქართველოს სისხლის სამართლის კოდექსის 156-ე მუხლის მე-2 ნაწილის „ა“ ქვეპუნქტით (ადამიანის დევნა პოლიტიკურ მოღვაწეობასთან დაკავშირებით, ჩადენილი ძალადობით) წარედგინა, რაც სასჯელის სახედ და ზომად სამ წლამდე თავისუფლების აღკვეთას ითვალისწინებს.
შემთხვევა 2 დეკემბერს მოხდა. პროკურატურის ინფორმაციით, ალეკო ელისაშვილმა თბილისში, კოსტავას ქუჩის მიმდებარე ტერიტორიაზე, აზერბაიჯანელთა ეროვნული კონგრესის თავმჯდომარეს და პარტია „ქართული ოცნება დემოკრატიული საქართველოს“ ერთ-ერთ დამფუძნებელს, ალი ბაბაევს პოლიტიკური ნიშნით სიტყვიერი და ფიზიკური შეურაცხყოფა მიაყენა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
