მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კურორტი პარალიზებულია" - რა ხდება ბაკურიანში და რას პასუხობს დამსვენებლების პრეტენზიებს ბაკურიანის განვითარების სააგენტო
12:37 / 10-01-2025
ბოლო რამდენიმე დღეა ბაკურიანში ჩამსვლელი დამსვენებლები დაბაში მუდმივ საცობებზე, ყინულით დაფარულ საფეხმავლო ბილიკებზე, შეზღუდულ საპარკინგე სივრცეებსა და ნარჩენების მართვის პრობლემაზე საუბრობენ. ბაკურიანის პარალიზება, როგორც ამბობენ, კურორტის სატრანსპორტო და არათანაბარი განაშენიანების პოლიტიკის ერთმანეთთან აცდენამ განაპირობა.
- საპარკინგე ადგილების ნაკლებობა, გაუმართავი ინფრასტრუქტურა და სხვადასხვა სახის სოციალური ობიექტების ნაკლებობა ბაკურიანისთვის არახალი პრობლემაა და აქტიურ პერიოდში განსაკუთრებით თვალში საცემია. ამ პრობლემებზე საუბარი წლებია, სეზონურად აქტიურდება, თუმცა ჯერ-ჯერობით მათი დიდი ნაწილი გადაუჭრელი რჩება. ბაკურიანი რომ წლევანდელ სეზონსაც ბევრი პრობლემით შეხვდა, ამას აღიარებს ბაკურიანის განვითარების სააგენტოც.
AMBEBI.GE- სთან საუბრისას სააგენტოს თავმჯდომარე ეკატერინე ორჯონიკიძე აღნიშნავს, რომ წლევანდელი გრძელი საცობების მთავარი მიზეზი დამსვენებლების განსაკუთრებით დიდმა ნაკადმა განაპირობა. რესპონდენტი დაბის პრობლემებზე და მის გამომწვევ მიზეზებზე გვესაუბრება:
"ბაკურიანში გამოწვევები ზოგადად ბევრია, ეს არის ათწლეულობით დაგროვილი პრობლემები. ჩვენდა სამწუხაროდ, დამოუკიდებელი საქართველოს ისტორიის მანძილზე ბაკურიანის გარშემო ბევრი პრობლემა დავაგროვეთ, რაც ძალიან ცუდია. წელს რაც ხდება, დამსვენებელთა და ავტომობილების რა ნაკადიც გვაქვს, ასეთი არ ახსოვს ბაკურიანის ისტორიას. მოგეხსენებათ, რომ ბაკურიანი პატარა კურორტია, ქალაქი არ არის და ისეთი საცობია, ენით აუწერელი, კატასტროფა ხდება. ისიც მესმის, ადამიანებს ჩამოსვლას ვერ აუკრძალავ, არდადეგებია და აქ მოდის უმრავლესობა.
ბევრ ევროპულ ქვეყანაში არდადეგებიც კი ჯაჭვურად არის გადანაწილებული, რათა კოლაფსი არ მოხდეს, ან მერე ერთიანად არ დაიცალოს კურორტი, ანუ ყველაფერზე წინასწარაა ნაფიქრი. ჩვენთან ასე არ არის, სამწუხაროდ. დამსვენებლების უკმაყოფილება გამოიწვია საცობებმა, ზოგჯერ ოჯახიდან 5 მანქანით მოდიან დასასვენებლად და ამაზე თავად უნდა იფიქრონ. ამ ყველაფერმა გამოიწვია ის, რომ საფეხმავლო აღარ არსებობს, 100-200 მეტრშიც კი ყველა მანქანით გადაადგილდება, მანქანებს საფეხმავლოებზე აყენებენ. ყველაზე დიდი პრობლემაა საპარკინგე სივრცეების არქონა, ეს აუცილებლად მოსაწესრიგებელია. გაზი, წყალი და კომუნიკაციები წესრიგშია და ნორმაში, დებეტი იმაზე მეტია, ვიდრე საჭიროებაა.
გზები, რა თქმა უნდა, არ არის კარგ მდგომარეობაში, არის ორმოები, მოყინულ ტროტუარებზე მაქსიმალურად იყრება მარილი, მაგრამ ხშირად მაინც ვერ ვყრით, მანქანები გვიშლიან ხელს. ნარჩენები გაგვაქვს მარტო ღამის საათებში იმიტომ, რომ დღე ნაგავმზიდები ვერ გამოგვყავს, კიდევ საცობი გვინდა? ღამითაც რომ გამოგვყავს, ურნის გარშემო იმდენი მანქანა აყენია, პატრული მეხმარება, პატრონები ჩამოვიყვანოთ ბინებიდან, მანქანები რომ გაიყვანონ, მივიდე და ნაგავი გამოვიტანოთ, ამ კუთხითაც სრული კატასტროფაა. ხომ შეიძლება, მოქალაქეებმაც ხელი შეგვიწყონ? მარტო ლანძღვა-გინება და კრიტიკა მარტივია, თავიანთი მოვალეობებიც უნდა შეასრულონ - ნაგავი ურნაში ჩაყარონ და არა ფანჯრებიდან ისროლონ (აქ ვისაც სად უნდა, იქ ისვრის ნაგავს).
გამოწვევა ბევრია სამედიცინო კუთხითაც, გუშინ მქონდა კომუნიკაცია ჯანდაცვის სამინისტროს ხელმძღვანელობასთან და გადაწყდა, რომ კატასტროფის მანქანაც მუდმივად იდგება ქუჩაში (ვინაიდან ძალზე ხშირია მოტეხილობის შემთხვევები), სასწრაფოს ბრიგადები დამატებულია და სხვა. ვთვლი, რომ როგორც კი სეზონი ცოტა ჩაყუჩდება, ყველა უწყება ერთად უნდა დავსხდეთ, ძალიან ბევრი სამუშაო იქნება, სეზონს გამართულად რომ შევხვდეთ. ფაქტია, რომ ბაკურიანის მიმართ დიდი ინტერესია, დიდია დატვირთვა, ამიტომ ყველანი მაქსიმალურად უნდა ვმობილიზდეთ ბაკურიანის გარშემო, მარტო ჩვენი სააგენტო ვერაფერს გახდება.
უნდა აღინიშნოს ისიც, რომ ზეგადაჭარბებულია განაშენიანება, ეს იყო უდიდესი შეცდომა და დანაშაული ქვეყნის და ერის წინაშე. ბაკურიანში მრავალსართულიანი კორპუსების აშენება დაუშვებელია. ბაკურიანი უნდა იყოს მაგალითი იმისა, როგორ არ დავაზიანოთ ბახმარო, ანდეზიტი, ციხისჯვარი, ტაბაწყური და ა.შ. ამაზე ყველამ უნდა ამოვიღოთ ხმა. ინფრასტრუქტურას ზიანდება კი არა, კურორტზე თოვლიც აღარ ჩერდება ამდენი ადამიანი და მანქანა რომაა, ამდენი ფეჩია ჩართული. ხომ მიხვდნენ, რომ ეს კურორტი არ არის ამდენ ადამიანზე გათვლილი? არავინ ფიქრობს არც გამწვანებაზე, ყველა ორიენტირებულია მარტო ააშენოს ბინა, გაყიდოს და აკეთოს ბიზნესი. ასე არ შეიძლება, ყველამ ერთად სახელმწიფოებრივად უნდა ვიფიქროთ.
არსებობს 2019 წელს მიღებული ბაკურიანის გენგეგმა, ახლა, ამწუთას მისი რევიზია მიმდინარეობს. როცა მშენებლობის ნებართვას გავცემთ, 2+1-ია ჩვენი კოეფიციენტი, მაგრამ, სამწუხაროდ, ხშირად ირღვევა - ნებართვა გაიცემა 4-5 სართულიან შენობაზე, მშენებელი კი 8 სართულიანს აშენებს. დარღვევებისთვის სხვა მკაცრი ბერკეტი უნდა მუშაობდეს, თორემ ჩვენი ბერკეტი მარტო ის არის, რომ ჯარიმა გადავახდევინოთ. ადამიანები ჯარიმას იხდიან, ამიტომ ბერკეტი უნდა იყოს ისეთი, რომ უნებართვოდ აშენებულ ერთ კვადრატშიც კი არ შეუყვანო კომუნიკაცია - წყალი, გაზი, შუქი და უნებართვო მშენებლობებიც იქ დასრულდება. მე, როგორც ადგილობრივი, ერთი რიგითი მოქალაქე მორატორიუმს გამოვაცხადებდი იმიტომ, რომ ბაკურიანში უკვე აღარაფრის აშენება არ შეიძლება, აღარ ეტევა არც კაცი, არც - შენობა. ბაკურიანი, ეს მარგალიტი ბანგლადეშად გადავაქციეთ... ადრე კვების ობიექტებიც მოწესრიგებული იყო, მაგრამ როცა ის 50 კაცზეა გათვლილი და 500 კაცი შევა, ვეღარ აუდიან, პარალიზებულია სრულად კურორტი. ერთის მხრივ, კარგია ბევრი დამსვენებელი, მაგრამ დაბა ვეღარ იტევს და რა ქნას, გავწელოთ, გავჭიმოთ, თუ რა გავაკეთოთ?
კომპლექსურად არის პრობლემებზე დასაფიქრებელი და სამსჯელო, ყველა ერთად უნდა დავსხდეთ და ანალიზი გავაკეთოთ, ეს არის უმნიშვნელოვანესი. არა მარტო ბაკურიანშია პრობლემები, ზაფხულში ბათუმშიც იგივე ხდება. ამჟამად ბაკურიანში უცხოელი ტურისტებიც არიან და ოლიმპიადისთვის კიდევ უამრავ ტურისტსა და სპორტსმენს ველოდებით 43 ქვეყნიდან. ალბათ ის გვიშველის, რომ 9 თებერვლიდან დამსვენებელთა ამხელა ნაკადი აღარ იქნება, შემცირდება და მართვა აღარ გაგვიჭირდება“.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
