მარგარიტა სიმონიანის ქმარმა კლინიკური სიკვდილი განიცადა და კომაშია - რას წერს სიმონიანი მეუღლის შესახებ?
კრემლის პროპაგანდისტის, მარგარიტა სიმონიანის ქმარმა, რეჟისორმა და ტელეწამყვანმა ტიგრან კეოსაინმა კლინიკური სიკვდილი განიცადა და კომაშია. ამის შესახებ ინფორმაცია მარგარიტა სიმონიანმა გაავრცელა.
- "ბოლომდე არ მინდოდა ამბის გამხელა, მაგრამ რადგან ჟურნალისტებმა უკვე დაიწყეს დარეკვა, მე თვითონ დავწერ. ჩემმა მეუღლემ, ტიგრან კეოსაიანმა განიცადა კლინიკური სიკვდილი და კომაშია. როგორც ბევრმა იცით, მას დიდი ხანია გულის დაავადება აქვს", - წერს "ტელეგრამის" არხზე სიმონიანი.
ტელეგრამ არხის, "ბაზას" ინფორმაციით, კეოსაიანი კლინიკაში დეკემბრის ბოლოს მოათავსეს. ექიმები მის მდგომარეობას უკიდურესად მძიმედ აფასებენ. მედიისთვის ცნობილია, რომ 2008 და 2010 წლებში კეოსაიანმა ორჯერ გაიტანა გულის შეტევა.
ტიგრან კეოსაიანი 59 წლისაა. 2016 წლიდან რუსულ ტელეარხ NTV-ზე პროპაგანდისტულ გადაცემის Международная пилорама-ის წამყვანია. უკრაინაში რუსეთის სრულმასშტაბიანი შეჭრის დაწყების შემდეგ, ევროკავშირმა, დიდმა ბრიტანეთმა, კანადამ და ავსტრალიამ მის წინააღმდეგ სანქციები დააწესეს.