ტემპერატურა -20-მდე დაეცემა, 190 სკოლა დაიხურა - დიდი ბრიტანეთი ანომალიურ ამინდებს ებრძვის: გამოცხადებულია განგაშის ყვითელი დონე

დიდი ბრიტანეთში ანომალიური ამინდებია. სინოპტიკოსებმა გარკვეულ რეგიონებში განგაშის ყვითელი დონე გამოაცხადეს. მოსალოდნელია ქარბუქი, ნისლი და "ყინულოვანი ლაქები".

• ქვეყნის ზოგიერთი ნაწილი დაიტბორა. ყინვამ გზებზე პრობლემები შექმნა.

ტემპერატურა სეზონის ყველაზე დაბალ ნიშნულამდე დაეცა. ქვეყნის ჩრდილოეთით ნაწილში ტემპერატურა -18 დაფიქსირდა და მოსალოდნელია, რომ ყინვა -20-მდე დაეცემა.

გზებზე პრობლემები შეიქმნა სასექსში, დასავლეთი იორკშირში და სხვა რეგიონებში.

განგაშის ყვითელი დონე გამოცხადდა სამხრეთ-დასავლეთ ინგლისში, სადაც თოვლის საფარმა 10 სმ-ს მიაღწია.

ამინდების გამო, ბრედფორდში 190 სკოლა დაიხურა. შეჩერდა სარკინიგზო მიმოსვლები.

დასავლეთი იორკშირში და ლესტერშირში დასახლებული ზონები დაიტბორა.

მეხანძრეებმა ლესტერშირში ათობით ადამიანი გადაარჩინეს, გამოცხადდა ევაკუაცია. ხოლო მანჩესტერში, ბრისტოლში, აბერდინში და ლივერპულში აეროპორტებმა ფრენები შეაჩერეს.

წყარო