"ერთ დღეს აუზში ბანაობ და მეორე დღეს ყველაფერი ფერფლად იქცევა..." - ლოს ანჯელესში ხანძრის შედეგად ვარსკვლავების მრავალმილიონიანი სახლებიც დაიწვა

ლოს ანჯელესში კვლავ ხანძარი მძვინვარებს, ევაკუირებულია ათიათასობით ადამიანი. დაიწვა საცხოვრებელი სახლები, მათ შორის, ცნობილი ადამიანების მრავალმილიონიანი სასახლეები,

• ბილი კრისტალი და პერის ჰილტონი იმ ვარსკვლავებს შორის არიან, რომლებმაც ხანძრის შედეგად სახლები დაკარგეს.

მედიის ცნობით, ამ დროისთვის საერთო ჯამში, განადგურებულია ათასზე მეტი ნაგებობა. ცეცხლი გავრცელებულია იმ არეალში, სადაც კინოვარსკვლავების მდიდრული ვილები მდებარეობს.

• "ერთ დღეს აუზში ბანაობ და მეორე დღეს ყველაფერი ქრება“, - წერს სოციალურ ქსელში მსახიობი ჯეიმს ვუდსი, რომლის სახლიც ხანძრის შედეგად დაიწვა.

ფილმ "როცა ჰარი შეხვდა სალის" ვარსკვლავი, მსახიობი ბილი კრისტალი ამბობს, რომ გული სტკივა სახლის დაკარგვის გამო, რადგან მათთვის ეს სახლი ისტორია იყო. ბილი ამბობს, რომ სახლში რომელიც დაიწვა, ცოლთან ერთად 1979 წლიდან ცხოვრობდა.

"ჩვენ აქ გავზარდეთ ჩვენი შვილები და შვილიშვილები, ჩვენი სახლის თითოეული სანტიმეტრი სიყვარულით იყო სავსე, აქაურობასთან უამრავი მოგონება გვაკავშირებდა“, - ამბობს ბილი კრისტალი.

1. აღსანიშნავია, რომ იმ ადგილებში, სადაც ცეცხლია გავრცელებული სახლები აქვთ ჯენიფერ ენისტონს, ბრედლი კუპერს, ტომ ჰენკსს, რიზ უიზერსპუნს, ადამ სენდლერს, მაიკლ კიტონს და სხვა ვარსკვლავებს.

სასტუმროების ქსელის მემკვიდრემ პერიზ ჰილტონმა განაცხადა, რომ მისი სახლიც ხანძრის შედეგად დაიწვა.

"ოჯახთან ერთად პირდაპირ ეთერში უყურებდე, როგორ იწვის შენი სახლი, არის ის საშინელება, რაც არავინ არ უნდა გამოსცადოს. ეს ის სახლია, სადაც ამდენი ძვირფასი მოგონება შევაგროვეთ. ვლოცულობ ხანძრით დაზარალებული ოჯახებისთვის“, - წერს პერის ჰილტონი "ინსტაგრამზე".

გარდა ამისა, დაიწვა ლეიტონ მისტერის, ადამ ბროდისა და მენდი მურის სახლებიც.

• ნახეთ ასევე:
• ლოს ანჯელესში ხანძარი მძვინვარებს - ევაკუირებულია ათიათასობით ადამიანი, განადგურდა არაერთი ნაგებობა (ფოტოები)