უწყვეტი პროტესტის 42-ე დღე - პარლამენტის წინ აქცია განახლდა, შეკრებილებმა რუსთაველის გამზირი გადაკეტეს (ფოტო/ვიდეო)
უწყვეტი პროტესტის 42-ე დღეს საკანონმდებლო ორგანოსთან მოქალაქეები უცვლელი მოთხოვნით შეიკრიბნენ.
“ჩატარდეს ახალი არჩევნები და გაათავისუფლონ აქციების მიმდინარეობისას დაკავებული პირები,“ - ითხოვენ აქციაზე შეკრებულები.
აქციის მონაწილეებს გზის გადაკეტვას საპატრულო პოლიციის წარმომადგენლები უშლიდნენ ხელს, თუმცა მათ მაინც შეძლეს.
სამართალდამცველებმა პარლამენტთან კორდონი გააკეთეს და დემონსტრანტებს საშუალებას არ აძლევდნენ, გზა გადაეკეტათ. თუმცა ამჟამად მაგისტრალზე აქციის მონაწილეები დგანან.
ადგილზე მობილიზებულია საპატრულო პოლიციაც.
ფოტო/ვიდეო: ვანო გორგიშვილი