OpenAI-ს ბოსს და გაუპატიურებაში ადანაშაულებს - სემ ალტმანი ბრალდებებს უარყოფს
OpenAI-ს გენერალური დირექტორის, სემ ალტმანის დამ, ენ ალტმანმა, სასამართლოში სარჩელი შეიტანა, რომელშიც ამტკიცებს, რომ 1997-დან 2006 წლამდე ძმა მასზე სექსუალურად რეგულარულად ძალადობდა.
სარჩელში, რომელიც აშშ-ს შტატ მისურის აღმოსავლეთ ოლქის რაიონულ სასამართლოში 6 იანვარს შეიტანა, ენ ალტმანი ამტკიცებს, რომ ძალადობა მაშინ დაიწყო, როდესაც ის 3 წლის იყო, ხოლო სემი - 12 - ის.
დედასთან და ორ ძმასთან ერთად, X-ზე გავრცელებულ ერთობლივ განცხადებაში ალტმანმა ბრალდებები უარჰყო და განაცხადა, რომ "ყველა ეს ბრალდება სრულიად უსაფუძვლოა".
"ოჯახის იმ წევრზე ზრუნვა, რომელსაც ფსიქიკური ჯანმრთელობის პრობლემები აქვს, უაღრესად რთულია... ეს სიტუაცია უზომო ტკივილს აყენებს მთელ ჩვენს ოჯახსა", - წერია განცხადებაში.
მოსარჩელე აცხადებს, რომ ძალადობა, რომელიც მრავალი წლის განმავლობაში გრძელდებოდა, გაუპატიურებასაც მოიცავდა. ასევე აღნიშნულია, რომ სავარაუდო ძალადობის ბოლო შემთხვევა მაშინ მოხდა, როდესაც სემ ალტმანი უკვე ზრდასრული იყო, მისი და კი - ჯერ კიდევ არასრულწლოვანი.
სარჩელში ნაფიც მსაჯულთა სასამართლო და ზიანის ასანაზღაურებლად 75 000 დოლარზე მეტი ოდენობის თანხაა მოთხოვნილი.
ენ ალტმანს თავისი ძმის წინააღმდეგ სოციალურ მედია პლატფორმებზე მსგავსი ბრალდებები ადრეც წამოუყენებია.
სემ ალტმანი ტექნოლოგიურ სამყაროში ერთ-ერთი ყველაზე ცნობილი ფიგურაა.
2022 წლის ბოლოს OpenAI-მ ChatGPT - ხელოვნური ინტელექტის ჩათბოტი გამოუშვა, რომელიც დღემდე უდიდესი პოპულარობით სარგებლობს.