მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დოისგან" განსხვავებით რას აკეთებს ნატო? ნატო დუმს" - რატომ აკრიტიკებენ ნატო მეტონიძეს და რა ამბავს იხსენებს ნანუკა ჟორჟოლიანი
20:58 / 06-01-2025
ბოლო ორ დღეში, ნატო მეტონიძის შესახებ ალბათ არაერთი სტატუსი შეგხვდათ. მომღერალს სოციალურ ქსელში, არაერთი ცნობილი სახე, მისი დუმილის გამო აკრიტიკებს. შეგახსენებთ, რომ ნატო მეტონიძე ერთ-ერთია იმ ცნობილი ადამიანებიდან, რომელსაც გასულ თვეში, რუსთაველის გამზირზე მიმდინარე აქციებთან და ქვეყანაში მიმდინარე პროცესებთან დაკავშირებით საკუთარი პოზიცია არ დაუფიქსირებია.
- 31 დეკემბერს მერიის ყოველწლიური საახალწლო კონცერტი, რომელიც ღია ცის ქვეშ ტარდებოდა, გაუქმდა და მის მაგიერ, ექსპრეზიდენტ სააკაშვილის სასახლის ეზოში, ჩაწერილი მზა კონცერტი შესთავაზეს საზოგადოებას. მონაწილეები ძირითადად ფოლკლორული ანსამბლები იყვნენ. წამყვანები ლიზა ბაგრატიონი და კახა მიქიაშვილი. კონცერტზე გამომსვლელებს შორის იყო ნატო მეტონიძეც, რომელმაც ანსამბლ "შვიდკაცასთან“ ერთად იმღერა.
გუშინ, ტელეწამყვანმა ვიკა ბუკიამ სოციალურ ქსელში მეტონიძის შესახებ დაწერა: "რატომღაც ნატო მეტონიძე ყოველთვის მეგონა ღირსეული ადამიანი. რა ამაზრზენია მისი სიჩუმე და რა საზარელია მისი კონცერტი. როგორ არ უტყდება?“ - ჟურნალისტის სტატუსს ასობით კომენტარი და სიცილის რეაქცია მოჰყვა. როგორც ბუკიამ მოგვიანებით აღნიშნა, მის სტატუსს ტროლები შეესივნენ და "აჰაჰავებდნენ...“
მოგვიანებით კიდევ ერთი სტატუსი ნატო მეტონიძეზე, ამჯერად ნანუკა ჟორჟოლიანმა დაწერა. ჟურნალისტმა წლების წინანდელი ამბავი გაიხსენა, როდესაც მიხეილ სააკაშვილის ხელისუფლებაში ყოფნისას "რუთავი 2“-ის ეთერიდან მომღერლის ნამღერი ამოჭრეს. მაშინ მომხდარი, რეჟისორმა დავით დოიაშვილმა ხმამაღლა გააპროტესტა, თუმცა ახლა, როდესაც "იმედის“ ეთერიდან "დოის ჭრიან, ნატო დუმს" - წერს ჟორჟოლიანი.
ნანუკა ჟორჟოლიანი:
- ახლა რომ რუსთაველზე ბავშვები დგანან მათ არ ემახსოვრებათ ეს ამბავი, ამიტომ მოვყვები.
წლების წინ, ნაცების დროს, მაშინდელი "რუსთავი 2“-ის ეთერიდან, ოღონდ რაღა მაშინდელი იმ დროშიც იგივე ხალხი მუშაობდა უბრალოდ სხვა უფროსები ჰყავდათ. მოკლედ, რ2-ის კონცერტიდან ამოჭრეს ნატო მეტონიძის სიმღერა. დაიქცა ქვეყანა. ნატოო, ლიზაა, სახე ჩამოიხოკეს. (სამართლიანადაც ) “ეს რა იკადრა არხმა” იყო მთავარი წუხილი.
ნატოს მაშინ განსაკუთრებული სოლიდარობა გამოუცხადა დოიმ. თვლიდა რომ ეს უსამართლო და არასწორი საქციელი იყო და თუ რამე როლი ჰქონდა თეატრში, ყველა ნატოს მისცა (ნახევრად ხუმრობით).
გავიდა წლები და ახლა ნატო მეტონიძე აღმოჩნდა სახელისუფლებო ლოჟაში და რა ხდება? მისი ხელისუფლება ჭრის "დოის" კონცერტიდან.
იმედზე გავიდა კონცერტი რომლის რეჟისორი იყო "დოი" და ამოიღეს ყველაფრიდან. აქვე ანდრო ჭიჭინაძის დაკავების ამბავსაც შევახსენებ დღეს უკვე სამთავრობო მომღერალს.
"დოისგან" განსხვავებით რას აკეთებს ნატო? ნატო დუმს. ნუ, თუ მისი ხმა გვესმის მხოლოდ სახელისუფლებო კონცერტებზე სიმღერის დროს.
ნატო იცით ვინაა? აი მისი დაქალი ლიზა ხომ იცით, ბაგრატიონი, ქოცების პრეზიდენტის ცოლის დაა გოგო. აი, რაზე გადის დღეს ამათი მორალი.
მორალი, რომელიც გულისხმობდა და გულისხმობს მხოლოდ კონფორმიზმს", - წერს ნანუკა ჟორჟოლიანი.
ნანუკა ჟორჟოლიანის გაბრაზება რეჟისორ დავით გერსამიას სტატუსს მოჰყვა, რომლის თქმითაც, იმედზე გასული პროექტიდან "საუკუნის ავტოგრაფი“, რომლის რეჟისორიც თავად არის და 2006 წელს გადაიღო, არხმა დაამონტაჟა და სანდრა რულოვსისას და დავით დოიაშვილის კადრები ამოჭრეს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
