“გადავწყვიტე, საქართველოში ვიზიტი გადავდო“ - პია კაუმა

“დისკუსიებისა და მჭიდრო განხილვის შემდეგ, გადავწყვიტე საქართველოში ვიზიტი იმ დრომდე გადავდო, როცა ეუთოს საპარლამენტო ასამბლეის ჩართულობა ყველაზე ეფექტური იქნება“, - ამის შესახებ ეუთოს საპარლამენტო ასამბლეის პრეზიდენტი, პია კაუმა X-ზე წერს.

“ჩვენ მზად ვართ მოვუსმინოთ ყველა ხმას და შევთავაზოთ დახმარება ეუთო/ოდირის საარჩევნო რეკომენდაციების განხორციელებაში“, - წერს პია კაუმა.

შეგახსენებთ, ევროპარლამენტარმა, რიჰარდ კოლსმა გუშინ განაცხადა, რომ მისი ინფორმაციით, ეუთო-ს საპარლამენტო ასამბლეის პრეზიდენტი პია კაუმა 8-10 იანვარს, დელეგაციასთან ერთად საქართველოში ვიზიტს გეგმავს.

კაუმას აღნიშნულ გადაწყვეტილებას საქართველოს ოპოზიციური პარტიებისა და კოალიციების მხრიდან კრიტიკა მოჰყვა.

იხილეთ ასევე:

• “პია კაუმას საქართველოში დაგეგმილი ვიზიტი შეურაცხყოფს ხალხს, რომელიც 40 ღამის განმავლობაში დგას თბილისის ქუჩებში“- სალომე ზურაბიშვილი
• “მოგიწოდებთ, გადახედოთ თბილისში თქვენი ვიზიტის დროს და მიზანს“ - გიორგი გახარია ეუთო-ს საპარლამენტო ასამბლეის პრეზიდენტს მიმართავს