ნიკოლა სარკოზი წარდგება სასამართლოს წინაშე, რომელმაც უნდა გაარკვიოს იღებდა თუ არა საფრანგეთის ექსპრეზიდენტი ლიბიელი დიქტატორის, კადაფისგან უკანონო დაფინანსებას?

საფრანგეთის ყოფილი პრეზიდენტი, ნიკოლა სარკოზი თანამედროვე საფრანგეთის ისტორიაში უდიდესი პოლიტიკური დაფინანსების სკანდალის გამო სასამართლოს წინაშე წარდგება. მას ბრალად გარდაცვლილი ლიბიელი დიქტატორის, მუამარ კადაფის რეჟიმისგან საარჩევნო კამპანიისთვის მილიონობით ევროს მიღება ედება.

10-წლიანი ანტიკორუფციული გამოძიების შემდეგ, სასამართლო განიხილავს ბრალდებებს იმის შესახებ, რასაც გამომძიებელი მაგისტრატები სარკოზისა და ლიბიის რეჟიმს შორის "კორუფციულ შეთანხმებას" უწოდებდნენ. აღნიშნული შეთანხმების ფარგლებში, სავარაუდოდ, სარკოზის 2007 წლის საპრეზიდენტო კამპანიის უკანონოდ დასაფინანსებლად შუამავლებს პარიზის სამინისტროებში ფულით სავსე ჩემოდნები მიჰქონდათ.

სარკოზი, რომელიც საფრანგეთის პრეზიდენტი 2007-დან 2012 წლამდე იყო, ყველა ბრალდებას უარყოფს.

3-თვიანი სასამართლო პროცესის ფარგლებში კადაფისთან სარკოზის ურთიერთობას გამოიძიებენ.

2007 წელს პრეზიდენტად არჩევის შემდეგ, სარკოზიმ ლიბიის ლიდერი პარიზში სახელმწიფო ვიზიტით მიიწვია. უკვე 2011 წელს კი, კადაფის ჯარების წინააღმდეგ NATO-ს საჰაერო თავდასხმებს სწორედ საფრანგეთი მიუძღოდა წინ.

თუ კორუფციაში დამნაშავედ ცნობენ, სარკოზის 10 წლამდე პატიმრობა ემუქრება. მასთან ერთად სასამართლოს წინაშე წარდგებიან სხვა ყოფილი მაღალჩინოსნებიც.

წყარო