“იპოვეს მანქანა რომელსაც აღენიშნება სისხლის კვალი - ნაპოვნია ცოლი, ქმარი ამ დრომდე დაკარგულად ითვლება“ - ზუგდიდი-მესტიის გზაზე უცხოელი ცოლ-ქმარი დააყაჩაღეს, პოლიცია ორ ახალგაზრდას ეძებს

“სვანეთის სათემო რადიო / Svaneti Community Radio“ -ს ინფორმაციით, ზუგდიდი-მესტიის გზაზე ყაჩაღობა მოხდა.

“მესტიის მუნიციპალიტეტში სოფელ ნაკრაში მიმდინარეობს სამძებრო-დაკავების ოპერაცია. პოლიცია ორ ახალგაზრდას ეძებს რომელთაც ბრალად ედებათ უცხოელ ცოლ -ქმარზე თავდასხმა.

არსებული ინფორმაციით სოფელ ნაკრას ასახვევთან იპოვეს გატაცებული მანქანა რომელსაც ადგილობრივების თქმით აღენიშნება სისხლის კვალი. ასევე ნაპოვნია ცოლი, რომელიც გადაყვანილია განყოფილებაში. ქმარი კი ამ დრომდე დაკარგულად ითვლება.

აღნიშნულ დანაშაულში ეჭვმიტანილებს პოლიცია სოფელ ნაკრაში ეძებს, რომელთა ვინაობა ამ ეტაპზე ჩვენთვის უცნობია,“ - წერს ადგილობრივი რადიო.

• არსებული ინფორმაციით, ორივე მათგანი რუსეთის მოქალაქეა.

როგორც "ინტერპრესნიუსს" შინაგან საქმეთა სამინისტროში განუცხადეს, მომხდარზე გამოძიება 179-ე და 236-ე მუხლით მიმდინარეობს, რაც ყაჩაღობასა და ცეცხლსასროლი იარაღის მართლსაწინააღმდეგოდ შეძენა-შენახვა-ტარებას გულისხმობს.

სხვა დამატებითი დეტალები ამ დროისთვის უცნობია.