“დავდექით დილემის წინაშე: ფული თუ ფეხბურთი? ბუდუ ირჩევს ფეხბურთს...“ - ბუნდესლიგის რომელ გუნდში გადადის ბუდუ ზივზივაძე?

საქართველოს ეროვნული საფეხბურთო ნაკრების ფეხბურთელის, "კარლსრუეს" თავდამსხმელის - ბუდუ ზივზივაძის კარიერაში სიახლეა.

ამის შესახებ საზოგადოებას ფეხბურთელის მამამ ამცნო.

“პირველ რიგში, ბედობას გილოცავთ მეგობრებო! იყო ჩინური, ასევე კორეული გამოწვევები!

დავდექით დილემის წინაშე: ფული თუ ფეხბურთი? ბუდუ ირჩევს ფეხბურთს მივდივართ ბუნდესლიგაში! ბუდუმ აირჩია ბუნდესლიგა! მადლობა “კარლსრუეს“, მადლობა მენეჯერებს, მადლობა საქართველო, მადლობა გია ცეცაძეს, თეიმურაზ ლორთქიფანიძეს, მამუკა ხუნდაძეს ბუდუს გამოწვრთნისა და სიყვარულისთვის!

ჩვენ თქვენთან ვართ! წინ დიდი ბრძოლებია!“ - წერს კახა ზივზივაძე.

• Geo Team-ის ცნობით, ბუდუ ზივზივაძე ბუნდესლიგის "ჰაიდენჰაიმში" გადადის.

აღნიშნული გუნდი 15 ტურის შემდეგ გერმანიის ჩემპიონატზე 10 ქულით მეთექვსმეტე ადგილზეა და ბუნდესლიგაში ადგილის შენარჩუნებისთვის იბრძვის. გუნდს შეტევის ხაზში პრობლემები აქვს და გაძლიერებას საჭიროებს - ბომბარდირი 4 გოლით მარვინ პირინგერია.

"ჰაიდენჰაიმი" კონფერენს ლიგაზე მერვედფინალში გასასვლელ პლეი-ოფში "კოპენჰაგენს" დაუპირისპირდება.

ზივზივაძის ანგარიშზე მეორე ბუნდესლიგის 17 მატჩში 12 გოლი და 4 საგოლე გადაცემაა. ის ჩემპიონატის ბომბარდირია. ბუდუს "კარლსრუესთან" ხელშეკრულება ზაფხულამდე აქვს გაფორმებული. Transfermarkt-ის მიხედით 30 წლის ქართველი ფორვარდის ღირებულება 1.8 მილიონი ევროა.

იხილეთ ასევე:

• "ვგმობ ძალადობას და შეუძლებელია იმის ყურება, რაც დღეს საქართველოში ხდება" - ბუდუ ზივზივაძე