"ძლიერი ხველა დაეწყო, გაუძნელდა სუნთქვა... თითქოს იხრჩობოდა" - ბაშარ ალ-ასადი მოწამლეს?

მედიაში გავრცელებული ინფორმაციით, სირიის ყოფილი პრეზიდენტი, მოსკოვში გაქცეული ბაშარ ალ-ასადი, სავარაუდოდ, მოწამლეს.

როგორც გამოცემა The Sun წერს, ასადი ჰაერის უკმარისობისა და ხველების სიმპტომებით კლინიკაში გადაიყვანეს, ანალიზებმა კი სისხლში მომწამვლელი ნივთიერების არსებობა გამოავლინა

• რა დეტალები ხდება ცნობილი?

გამოცემა ონლაინ რესურს General SVR-ზე დაყრდნობით წერს, რომ ასადი, სავარაუდოდ ,კლინიკაში კვირას გადაიყვანეს. მას შემდეგ, რაც თავი შეუძლოდ იგრძნო.

“59 წლის ასადმა სამედიცინო დახმარებას მაშინვე მიმართა, რაც "ძლიერი ხველა დაეწყო. გაუძნელდა სუნთქვა... თითქოს იხრჩობოდა", - წერს მედია.

გავრცელებული ინფორმაციით, ასადის მდგომარეობა ორშაბათს დასტაბილურდა.

შეგახსენებთ, სირიაში, 14-წლიანი მმართველობის შემდეგ ბაშარ ალ-ასადის რეჟიმი დაემხო. ასადი და მისი ოჯახის წევრები ქვეყნიდან გაიქცნენ და მოსკოვს შეაფარეს თავი.

იხილეთ ასევე:

• კიდევ ერთი დარტყმა, ამჯერად მეუღლისგან: ბაშარ ასადს ცოლი განქორწინებას სთხოვს - როგორია ასადების მოსკოვური ცხოვრება მკაცრი შეზღუდვების პირობებში
• "ეს ჯოჯოხეთია" - სირიაში მასობრივი საფლავები აღმოაჩინეს: ნაპოვნია 100 000-ზე მეტი ადამიანის ნეშტი: კიდევ 60,000 ადამიანი ციხეებში წამებით მოკლეს
• გზა დამასკოდან მოსკოვამდე: ოფთალმოლოგის დაუგეგმავი პრეზიდენტობა, რომელიც სასტიკ დიქტატურად იქცა - ბაშარ ალ-ასადის აღზევება და დაცემა