“ფოტოებზე აღბეჭდილი ნაძვის ხეები, ას წელზე მეტი ხნის წინათ გადაიღეს საქართველოში“ - როგორ აღნიშნავდნენ ძველად ახალ წელს: ბრიტანეთის ბიბლიოთეკაში დაცული ქართული ოჯახის ისტორია
ფოტოგრაფი გოგა ჩანადირი ორი უნიკალური ნაძვის ხის ისტორიას მოგვითხრობს, რომლებიც ფოტოგრაფის მიერ, საქართველოში დაფიქსირებულ, ერთ-ერთ უძველეს ნაძვის ხეებად ითვლება.
“ფოტოებზე აღბეჭდილი ნაძვის ხეები ას წელზე მეტი ხნის წინათ გადაიღეს საქართველოში,“ - წერს ჩანადირი.
-
პირველი ფოტოზე აფხაზეთში, კუპერების ოჯახში გადაღებული ნაძვის ხეა და 1900 წლით თარიღდება. ეს კადრი ბრიტანეთის ბიბლიოთეკაშია დაცული.
-
მეორე ნაძვის ხე 1913 წლით არის დათარიღებული და თბილისში, სოლოლაკში გადაიღეს.
საახალწლოდ ქართულ ოჯახებში ჩიჩილაკი იდგმებოდა. ვინაიდან ნაძვის ხის წეს-ჩვეულება გერმანელებმა მე-16-მე-17 საუკუნეებში დაამკვიდრეს, სავარაუდოა, რომ მათვე შემოიტანეს ეს კულტურა ჩვენში 1818 წლიდან, როცა საქართველოში ჩამოასახლეს.
მაშინ ფოტოგრაფია არ იყო და კიდევ უფრო ძველი ნაძვის ხეების კადრებიც არ გვაქვს.
ყველაზე ძველად აღიარებული საახალწლო ნაძვის ხე 125 წლის არის. თუმცა, მისი ქართული ისტორია, შესაძლოა, 200 წლის იყოს,“ - წერს გოგა ჩანადირი.
იხილეთ ასევე