ახალი ჰოლივუდური რომანი? - პაპარაცებმა ჯენიფერ ლოპესი და კევინ კოსტნერი რომანტიკულ გარემოში გადაიღეს (ფოტოები)
დასავლური ყვითელი პრესა წერს, რომ 55 წლის ჯენიფერ ლოპესს 69 წლის კევინ კოსტნერთან რომანი აქვს. ვარსკვლავები შობას კოლორადოში, ასპენში ერთად ატარებენ და პაპარაცების ობიექტივში მოხვდნენ.
ასპენი ჰოლივუდის ვარსკვლავების საყვარელი სამთო-სათხილამურო კურორტია. ერთ-ერთ ადგილობრივ მაღაზიაში, სადაც ვესტერნის სტილში ტანსაცმელი იყიდება, რეპორტიორებმა ჯენიფერი და კევინი შენიშნეს. წყვილი ახალ სამოსს ეძებდა. ფოტოებიდან ჩანს, რომ მშვენიერ განწყობაზე იყვნენ.
აღსანიშნავია, რომ ლოპესი დიდი ხანია სერიალ "Yellowstone“-ის ფანია, სადაც მთავარ როლს სწორედ კევინ კოსტნერი ასრულებს. ვარსკვლავის ყოფილმა ქმარი, 52 წლის ბენ აფლეკმა ერთხელ ბილ საიმონსის პოდკასტში თქვა, რომ მას აწუხებდა ის ფაქტი, თუ რამდენად მოსწონდა ჯენიფერს ეს სერიალი. მისი თქმით, ლოპესი ძალიან იყო ჩართული კოულ ჰაუზერისა და კელი რაილის პერსონაჟების ეკრანულ რომანში. თუმცა ახლა ფანებს ეჭვი აქვთ, რომ შოუ შესაძლოა, კიდევ სხვა მიზეზით მოსწონდა.
შეგახსენებთ, რომ ჯენიფერ ლოპესმა და ბენ აფლეკმა 20-წლიანი განშორების შემდეგ კვლავ მოაწერეს ხელი, თუმცა მათი მეორე ცდა წარუმატებელი აღმოჩნდა. ამ ზაფხულს წყვილი დაშორდა. ერთ-ერთ მიზეზად საჯარო ცხოვრების მიმართ განსხვავებული დამოკიდებულება სახელდება: ბენს არ უყვარდა ყურადღება და პაპარაცებისგან თავის არიდებას ცდილობდა, ხოლო ჯენიფერს, პირიქით, მოსწონდა ყურადღების ცენტრში ყოფნა. დაშორებამდე ბოლო თვეებში აფლეკი ხშირად გამოიყურებოდა რეპორტიორების ფოტოებში გაღიზიანებულად.
ამჟამად, ბენ აფლეკი ახალ სიყვარულს ეძებს. როგორც ინსაიდერები ამბობენ, მას სურს, რომ ამაში ყოფილი ცოლი, 52 წლის ჯენიფერ გარნერი დაეხმაროს.
ბოლო დროს იმასაც წერდნენ, ორმ ჯენიფერ ლოპესს პირადი დაცვის თანამშრომელთან ჰქონდა რომანი. ერთ-ერთი ვერსიით, მსახიობმა ეს ხმები სპეციალურად გაავრცელა, რათა ყოფილი ქმარი გაეღიზიანებინა. ასევე ტაბლოიდების ცნობით, განქორწინების შემდეგ ლოპესი "ახალგაზრდა ბიჭებთან" ატარებდა დროს და "ვალდებულებების გარეშე ურთიერთობებს" ანიჭებდა უპირატესობას.
კევინ კოსტნერი, რომელიც გასულ წელს კრისტინ ბაუმგარტნერთან 9-წლიანი ქორწინების შემდეგ განქორწინდა, თავისუფალია. ამიტომ, ბევრი ფიქრობს, რომ მასა და ჯენიფერს შორის რომანტიკული ურთიერთობა შესაძლოა მართლაც განვითარდეს.
წაიკითხეთ ასევე: