მიმ­დი­ნა­რე წლის 25 დე­კემ­ბერს ყა­ზა­ხე­თის ქა­ლაქ აქთა­უ­ში “აზერ­ბა­ი­ჯა­ნის ავი­ა­ხა­ზე­ბის“ თვითმფრი­ნა­ვის ჩა­მო­ვარ­დნის შე­დე­გად 38 ადა­მი­ა­ნი და­ი­ღუ­პა. ბორტზე, რო­მე­ლიც ბაქო-გროზ­ნოს რე­ისს ას­რუ­ლებ­და, 67 ადა­მი­ა­ნი იმ­ყო­ფე­ბო­და, მათ შო­რის ეკი­პა­ჟის 5 წევ­რი და 62 მგზავ­რი.

• ავი­ა­კა­ტას­ტრო­ფის შე­დე­გად და­ი­ღუ­პა აზერ­ბა­ი­ჯა­ნის 23 მო­ქა­ლა­ქე, რუ­სე­თის 7 მო­ქა­ლა­ქე და ყა­ზა­ხე­თის 6 მო­ქა­ლა­ქე. ეკი­პა­ჟის 5 წევ­რი­დან 2 და­ი­ღუ­პა და 3 გა­დარ­ჩა.

მოგ­ვი­ა­ნე­ბით, მე­დი­ის მიერ გავ­რცე­ლე­ბუ­ლი ინ­ფორ­მა­ცი­ით, წი­ნას­წარ­მა გა­მო­ძი­ე­ბამ და­ა­დას­ტუ­რა, რომ “აზერ­ბა­ი­ჯა­ნის ავი­ა­ხა­ზე­ბის“ თვითმფრი­ნა­ვის ავი­ა­კა­ტას­ტრო­ფა რუ­სულ­მა მიწა-ჰა­ე­რის ტი­პის რა­კე­ტამ გა­მო­იწ­ვია.

მე­დი­ა­ში, კა­ტას­ტრო­ფამ­დე რამ­დე­ნი­მე წა­მით ადრე, უშუ­ა­ლოდ ბორტზე გა­და­ღე­ბუ­ლი ვი­დეო კად­რე­ბიც გავ­რცელ­და. კად­რებ­ში ჩანს და­ძა­ბუ­ლი ატ­მოს­ფე­რო სა­ლონ­ში, სა­დაც მგზავ­რე­ბი ლო­ცუ­ლო­ბენ და ჟანგბა­დის ნიღ­ბე­ბი უკვე გახ­სნი­ლია.

ერთ-ერთი გა­დარ­ჩე­ნი­ლი მგზავ­რის სუბხონ­კულ რა­ხი­მო­ვის გან­ცხა­დე­ბით, თვითმფრი­ნა­ვი სამ­ჯერ ეცა­და გროზ­ნოს აე­რო­პორ­ტში დაჯ­დო­მას, თუმ­ცა ყო­ველ ჯერ­ზე რა­ღაც ფეთ­ქდე­ბო­და.

ასევე დაგაინტერესებთ

09:58 / 26-12-2024

ვრცელდება ბაქო-გროზნოს ავიარეისის კატასტროფამდე რამდენიმე წამით ადრე ბორტზე გადაღებული უმძიმესი ვიდეო კადრები

“აფეთ­ქე­ბა იყო, ვერ ვი­ტყვი, რომ თვითმფრი­ნა­ვის შიგ­ნით... ჟი­ლე­ტი ავი­ღე და ვხე­დავ ჟი­ლეტ­ში ნახ­ვრე­ტია ნამ­სხვრე­ვე­ბის­გან. აფეთ­ქე­ბის შემ­დეგ სწო­რედ ფე­ხებ­ქვეშ გა­მი­ა­რა ნამ­სხვრე­ვებ­მა და ჟი­ლე­ტი დაფ­ლი­თა“.

• ვერ­სი­ე­ბი და ვა­რა­უ­დე­ბი - რა ხდე­ბა ცნო­ბი­ლი თვითმფრი­ნა­ვის ჩა­მო­ვარ­დნის მი­ზე­ზებ­ზე?

სა­ა­ვი­ა­ციო ექ­სპერ­ტე­ბის ვა­რა­უ­დით, თვითმფრი­ნავს რუ­სულ­მა სა­ჰა­ე­რო თავ­დაც­ვის სის­ტე­მამ ჩეჩ­ნე­თის თავ­ზე და­არ­ტყა, რაც კა­ტას­ტრო­ფის მი­ზე­ზი გახ­და.

აზერ­ბა­ი­ჯა­ნის ექ­სპერტთა გარ­კვე­უ­ლი ნა­წი­ლი თა­ვი­დან­ვე აცხა­დებ­და, რომ კა­ტას­ტრო­ფის მი­ზე­ზი რუ­სუ­ლი რა­კე­ტა იყო.

ტე­ლე­არხ AnewZ-ის ცნო­ბით, წი­ნას­წა­რი გა­მო­ძი­ე­ბის შე­დე­გად დად­გინ­და, რომ თვითმფრი­ნავს რუ­სუ­ლი თავ­დაც­ვის სის­ტე­მის Pantsir-S-ის ნამ­სხვრე­ვე­ბი და­ე­ჯა­ხა.

კი­დევ ერთი აზერ­ბა­ი­ჯა­ნუ­ლი პრო­სამ­თავ­რო­ბო ვებგ­ვერ­დი Caliber ცი­ტი­რებს სამ­თავ­რო­ბო წყა­რო­ებს და წერს: "არა­ვინ ამ­ტკი­ცებს რომ თვითმფრი­ნავს გან­ზრახ და­ესხნენ თავს, მაგ­რამ ბაქო რუ­სე­თის­გან ბო­დიშს ელო­დე­ბა".

• იყო მე­ო­რე ვერ­სი­ე­ბიც...

მომ­ხდარ­ზე რუ­სუ­ლი მე­დია აქ­ტი­უ­რად ავ­რცე­ლებ­და ვა­რა­უდს, რომ ავი­ა­კა­ტას­ტრო­ფის მი­ზე­ზი თით­ქოს თვითმფრი­ნა­ვის ფრინ­ვე­ლებ­თან შე­ჯა­ხე­ბა გახ­და.

თუმ­ცა, მოგ­ვი­ა­ნე­ბით ვერ­სია გა­ქარ­წყლდა. სა­ლო­ნი­დან გა­და­ღე­ბულ ვი­დე­ო­ზეც ჩანს, რომ ძრა­ვის უკა­ნა მხა­რე და­ზი­ა­ნე­ბუ­ლია, რა­საც ფრინ­ვე­ლე­ბი ვერ იზამ­დნენ.

კი­დევ ერთი ვერ­სი­ით, თვითმფრი­ნავ­ში აფეთ­ქდა ჟანგბა­დის ავზი.

ეს ინ­ფორ­მა­ცია ყა­ზა­ხურ წყა­რო­ებ­ზე დაყ­რდნო­ბით გა­ავ­რცე­ლეს რუ­სულ­მა სა­ინ­ფორ­მა­ციო სა­ა­გენ­ტო­ებ­მა.

აღ­ნიშ­ნუ­ლი ვერ­სი­ის შე­სა­ხებ ჯერ­ჯე­რო­ბით არა­ნა­ი­რი და­მა­ტე­ბი­თი ინ­ფორ­მა­ცია არ არის ცნო­ბი­ლი.

• უც­ნა­უ­რი მარ­შრუ­ტი

ვიდ­რე აზერ­ბა­ი­ჯა­ნის ავი­ა­ხა­ზე­ბის კუთ­ვნი­ლი თვითმფრი­ნა­ვი სა­ბო­ლო­ოდ ავა­რი­უ­ლად დაჯ­დე­ბო­და, საკ­მა­ოდ უც­ნა­უ­რი მარ­შრუ­ტი გა­ი­ა­რა.

Embraer 190 ბაქო-გროზ­ნოს რე­ისს ას­რუ­ლებ­და, რო­დე­საც გროზ­ნოს აე­რო­პორ­ტმა თვითმფრი­ნა­ვი ძლი­ე­რი ნის­ლის გამო ვერ მი­ი­ღო და გაგ­ზავ­ნა და­ღეს­ტნის დე­და­ქა­ლაქ მა­ხა­ჩყა­ლის­კენ. თვითმფრი­ნა­ვი “უა­მინ­დო­ბის გამო“ ვერც მა­ხა­ჩყა­ლა­ში დაჯ­და და დის­პეტ­ჩე­რებ­მა ის გა­ცი­ლე­ბით შორს, ყა­ზა­ხე­თის ქა­ლაქ აქთა­უს­კენ გა­ის­ტუმ­რეს.

თვითმფრი­ნავ­მა აქთა­უმ­დე მი­აღ­წია და იქ ჩა­მო­ვარ­და.

აზერ­ბა­ი­ჯა­ნუ­ლი მე­დია caliber.az წერ­და, რომ შე­საძ­ლოა რუ­სეთს სურ­და და­ნა­შა­უ­ლის კვა­ლის და­სა­ფა­რად თვითმფრი­ნავს ხმე­ლე­თამ­დე ვერ მი­ეღ­წია და კას­პი­ის ზღვა­ში ჩა­ვარ­დნი­ლი­ყო. სა­ვა­რა­უ­დოდ, სწო­რედ ამი­ტომ არ დარ­თეს პი­ლო­ტებს რუ­სე­თის აე­რო­პორ­ტებ­ში დაჯ­დო­მის ნება.

აღ­ნიშ­ნულს მა­ლე­ვე გა­მო­ეხ­მა­უ­რა კრემ­ლის სპი­კე­რი დმიტ­რი პეს­კო­ვი და ყვე­ლას მო­უ­წო­და, გა­მო­ძი­ე­ბის დას­რუ­ლე­ბამ­დე ჰი­პო­თე­ზე­ბის­გან თავი შე­ი­კა­ვონ.

• რა მოხ­და შემ­დეგ?

28 დე­კემ­ბერს რუ­სე­თის ფე­დე­რა­ცი­ის პრე­ზი­დენ­ტმა ვლა­დი­მერ პუ­ტინ­მა აზერ­ბა­ი­ჯა­ნის პრე­ზი­დენტს ილ­ჰამ ალი­ევს ბო­დი­ში მო­უ­ხა­და იმის გამო, რომ აზერ­ბა­ი­ჯა­ნის ავი­ა­ხა­ზე­ბის “ტრა­გი­კუ­ლი ინ­ცი­დენ­ტი რუ­სე­თის სა­ჰა­ე­რო სივ­რცე­ში მოხ­და“.

• მან ახ­სე­ნა რუ­სუ­ლი სა­ჰა­ე­რო თავ­დაც­ვის მუ­შა­ო­ბა, მაგ­რამ არ უღი­ა­რე­ბია, რომ სწო­რედ ეს გახ­და თვითმფრი­ნა­ვის ჩა­მო­ვარ­დნის მი­ზე­ზი.

კრემ­ლის ვებგ­ვერ­დზე აღ­ნიშ­ნუ­ლი ინ­ფორ­მა­ცია ტრა­გე­დი­ი­დან მე­სა­მე დღეს გა­მოქ­ვეყ­ნდა. რო­გორც BBC წერს, სა­ტე­ლე­ფო­ნო სა­უ­ბა­რი რუ­სუ­ლი მხა­რის ინი­ცი­ა­ტი­ვით შედ­გა.

“აზერ­ბა­ი­ჯა­ნის სამ­გზავ­რო თვითმფრი­ნავ­მა, რო­მე­ლიც მკაც­რად გრა­ფი­კის მი­ხედ­ვით მოძ­რა­ობ­და, არა­ერ­თხელ სცა­და დაშ­ვე­ბა გროზ­ნოს აე­რო­პორ­ტში. ამ დროს გროზ­ნოს, მოზ­დოკ­სა და ვლა­დი­კავ­კაზს თავს და­ესხნენ უკ­რა­ი­ნუ­ლი საბ­რძო­ლო უპი­ლო­ტო საფ­რე­ნი აპა­რა­ტე­ბი და რუ­სე­თის სა­ჰა­ე­რო თავ­დაც­ვის სის­ტე­მებ­მა აღ­ნიშ­ნუ­ლი თავ­დას­ხმე­ბი მო­ი­გე­რი­ეს“, - წე­რია კრემ­ლის ვებგ­ვერ­დზე.

აზერ­ბა­ი­ჯა­ნის პრე­ზი­დენ­ტის პრეს­სამ­სა­ხუ­რის ცნო­ბით, ალი­ევ­მა სა­უბ­რი­სას გა­ნა­ცხა­და, რომ აზერ­ბა­ი­ჯა­ნის ავი­ა­ხა­ზე­ბის (AZAL) თვითმფრი­ნავ­ზე არ­სე­ბუ­ლი მრავ­ლო­ბი­თი ხვრე­ლე­ბი და მგზავ­რე­ბი­სა და ეკი­პა­ჟის წევ­რე­ბის უცხო ფრაგ­მენ­ტე­ბით და­ზი­ა­ნე­ბე­ბი ადას­ტუ­რებს ფაქტს, რომ თვითმფრი­ნავ­ზე გან­ხორ­ცი­ელ­და “გარე ფი­ზი­კუ­რი და ტექ­ნი­კუ­რი ზე­მოქ­მე­დე­ბა“.

“ავა­რი­უ­ლი დაშ­ვე­ბა შე­საძ­ლე­ბე­ლი გახ­და მხო­ლოდ პი­ლო­ტე­ბის გამ­ბე­და­ო­ბი­სა და პრო­ფე­სი­ო­ნა­ლიზ­მის წყა­ლო­ბით,“ - გა­ნა­ცხა­და სა­ტე­ლე­ფო­ნო სა­უბ­რი­სას ილ­ჰამ ალი­ევ­მა. მი­სი­ვე თქმით, მხო­ლოდ პი­ლო­ტე­ბის სი­ცო­ცხლის რის­კის ფა­სად გახ­და შე­საძ­ლე­ბე­ლი ავა­რი­უ­ლი დაშ­ვე­ბა და მგზავ­რთა ნა­წი­ლის გა­დარ­ჩე­ნა.

• ალი­ე­ვი არა­ვის ენ­დო­ბა...

აზერ­ბა­ი­ჯა­ნის ინი­ცი­ა­ტი­ვით სა­ერ­თა­შო­რი­სო ექ­სპერტთა ჯგუ­ფი შე­იქ­მნა, რო­მე­ლიც Embraer E190-ის ჩა­მო­ვარ­დნას გა­მო­ი­ძი­ებს. ჯგუფ­მა უკვე და­ი­წყო მუ­შა­ო­ბა.

აღ­სა­ნიშ­ნა­ვია, რომ ალი­ევ­მა უარი გა­ნა­ცხა­და სა­ხელ­მწი­ფო­თა­შო­რი­სი სა­ა­ვი­ა­ციო კო­მი­ტე­ტის (IAC) წი­ნა­და­დე­ბა­ზე ავა­რი­ის გა­მო­ძი­ე­ბის ჩა­ტა­რე­ბის შე­სა­ხებ. მისი თქმით, არ არის დარ­წმუ­ნე­ბუ­ლი IAC-ის ობი­ექ­ტუ­რო­ბა­ში, რად­გან მას­ში რუ­სე­თის წარ­მო­მად­გენ­ლე­ბი დო­მი­ნი­რე­ბენ.

“რუ­სულ­მა მხა­რემ ოფი­ცი­ა­ლუ­რად შე­მოგ­ვთა­ვა­ზა, რომ ეს სა­კი­თხი სა­ხელ­მწი­ფო­თა­შო­რი­სი სა­ა­ვი­ა­ციო კო­მი­ტეტ­მა გა­მო­ი­ძი­ოს. ჩვენ ამა­ზე კა­ტე­გო­რი­უ­ლი უარი ვთქვით და მი­ზე­ზი გა­სა­გე­ბია. სა­ი­დუმ­ლო არ არის, რომ ეს სტრუქ­ტუ­რა ძი­რი­თა­დად რუსი ჩი­ნოვ­ნი­კე­ბის­გან შედ­გე­ბა და ამ სტრუქ­ტუ­რის სა­თა­ვე­ში რუ­სე­თის მო­ქა­ლა­ქე­ე­ბი არი­ან. აქ ობი­ექ­ტუ­რო­ბის ფაქ­ტო­რე­ბი შე­საძ­ლოა სრუ­ლად არ ყო­ფი­ლი­ყო უზ­რუნ­ველ­ყო­ფი­ლი“, - გა­ნა­ცხა­და ალი­ევ­მა.

• მისი თქმით, რომ არა რუ­სე­თის გა­ურ­კვე­ვე­ლი პო­ზი­ცია კა­ტას­ტრო­ფის შემ­დეგ პირ­ველ დღე­ებ­ში, შე­საძ­ლოა წი­ნა­და­დე­ბა მი­ე­ღო.

“ჩვენ ვნა­ხეთ, ამ სა­კი­თხის და­ხურ­ვის აშ­კა­რა მცდე­ლო­ბე­ბი. ამი­ტომ, ყა­ზა­ხურ მხა­რეს­თან მჭიდ­რო კავ­შირ­ში, გა­მოვ­თქვით პო­ზი­ცია, რომ შექ­მნი­ლი­ყო სა­ერ­თა­შო­რი­სო ექ­სპერ­ტე­ბის­გან ჩა­მო­ყა­ლი­ბე­ბუ­ლი სა­მუ­შაო ჯგუ­ფი და ის შე­იქ­მნა,“ - აღ­ნიშ­ნა ალი­ევ­მა.

• “სამ­წუ­ხა­როდ, პირ­ვე­ლი სამი დღე რუ­სე­თი­დან აბ­სურ­დუ­ლი თე­ო­რი­ე­ბის გარ­და არა­ფე­რი გვსმე­ნია“ - ილ­ჰამ ალი­ე­ვი

მოგ­ვი­ა­ნე­ბით აზერ­ბა­ი­ჯა­ნის პრე­ზი­დენ­ტმა ავი­ა­კა­ტას­ტრო­ფის შე­სა­ხებ მე­დი­ას­თან ვრცე­ლი კო­მენ­ტა­რიგა­ა­კე­თა.

"ჩვენ­თვის კი­დევ ერთი სამ­წუ­ხა­რო და გა­საკ­ვი­რი მო­მენ­ტი იყო ის, რომ რუ­სე­თის ოფი­ცი­ა­ლურ­მა უწყე­ბებ­მა წა­მო­ა­ყე­ნეს თე­ო­რი­ე­ბი თვითმფრი­ნავ­ში გა­ზის ბა­ლო­ნის აფეთ­ქე­ბის შე­სა­ხებ. ანუ ამან ნათ­ლად აჩ­ვე­ნა, რომ რუ­სულ მხა­რეს სურ­და ამ სა­კი­თხის გა­და­ფარ­ვა, რაც, რა თქმა უნდა, არა­ვის ეკად­რე­ბა. რა თქმა უნდა, ჩვენს თვითმფრი­ნავს შემ­თხვე­ვით და­არ­ტყეს. რა თქმა უნდა, აქ მი­ზან­მი­მარ­თულ ტე­რო­რის­ტულ აქ­ტზე სა­უ­ბა­რი არ შე­იძ­ლე­ბა. ამი­ტომ, და­ნა­შა­უ­ლის აღი­ა­რე­ბა, მე­გო­ბარ ქვეყ­ნად მიჩ­ნე­უ­ლი აზერ­ბა­ი­ჯა­ნის­თვის დრო­უ­ლი ბო­დი­შის მოხ­და და ამის შე­სა­ხებ სა­ზო­გა­დო­ე­ბის ინ­ფორ­მი­რე­ბა - ეს ყვე­ლა­ფე­რი იყო ზო­მე­ბი და ნა­ბი­ჯე­ბი, რაც უნდა გა­დად­გმუ­ლი­ყო. სამ­წუ­ხა­როდ, პირ­ვე­ლი სამი დღე რუ­სე­თი­დან აბ­სურ­დუ­ლი თე­ო­რი­ე­ბის გარ­და არა­ფე­რი გვსმე­ნია“, - გა­ნა­ცხა­და ალი­ევ­მა.

მისი თქმით, აზერ­ბა­ი­ჯან­მა რუ­სულ მხა­რეს მკა­ფიო მო­თხოვ­ნე­ბი წა­რუდ­გი­ნა.

“ეს მო­თხოვ­ნე­ბი მათ ოფი­ცი­ა­ლუ­რად 27 დე­კემ­ბერს ეც­ნო­ბათ. პირ­ველ რიგ­ში, რუ­სულ­მა მხა­რემ აზერ­ბა­ი­ჯანს ბო­დი­ში უნდა მო­უ­ხა­დოს. მე­ო­რე, მან უნდა აღი­ა­როს თა­ვი­სი და­ნა­შა­უ­ლი. მე­სა­მე, პა­სუ­ხის­მგე­ბე­ლი პი­რე­ბი უნდა და­ი­სა­ჯონ, სის­ხლის სა­მარ­თლის პა­სუ­ხის­მგებ­ლო­ბა უნდა და­ე­კის­როთ და აზერ­ბა­ი­ჯა­ნის სა­ხელ­მწი­ფოს, ასე­ვე და­შა­ვე­ბულ მგზავ­რებ­სა და ეკი­პა­ჟის წევ­რებს კომ­პენ­სა­ცია გა­და­უ­ხა­დონ. ეს არის ჩვე­ნი პი­რო­ბე­ბი. პირ­ვე­ლი მათ­გა­ნი გუ­შინ შეს­რულ­და. იმე­დია სხვა პი­რო­ბებ­საც მი­ი­ღე­ბენ. ყვე­ლა ეს მო­თხოვ­ნა სა­მარ­თლი­ა­ნია. აქ არ არის სა­გან­გე­ბო მო­თხოვ­ნე­ბი და სა­კი­თხე­ბი; ეს ყვე­ლა­ფე­რი ეფუძ­ნე­ბა სა­ერ­თა­შო­რი­სო გა­მოც­დი­ლე­ბას და ნორ­მა­ლურ ადა­მი­ა­ნურ ქცე­ვას“, - აღ­ნიშ­ნა ალი­ევ­მა.

მი­უ­ხე­და­ვად ყვე­ლაფ­რი­სა, ჯერ კი­დევ არ­სე­ბობს პა­სუ­ხგა­უ­ცე­მე­ლიკი­თხვე­ბი:

• და­ი­ბომ­ბა თუ არა თვითმფრი­ნა­ვი ხმე­ლე­თი­დან?

გა­მო­ძი­ე­ბამ სწო­რედ ამ უმ­თავ­რეს კი­თხვას უნდა გას­ცეს სა­ბო­ლოო პა­სუ­ხი. მა­ნამ­დე კი და­ბომბვის ვერ­სი­ას უფრო ლო­გი­კურს ხდის თვითმფრი­ნა­ვის კუ­დის და­ზი­ა­ნე­ბა.

ფრთე­ბი­სა და ლიფ­ტე­ბის სიბ­რტყე­ებ­ზე აშ­კა­რად ჩანს მრა­ვა­ლი ხვრე­ლი, რო­მე­ლიც სა­ზე­ნი­ტო რა­კე­ტის ქო­ბი­ნის ელე­მენ­ტებ­თან კონ­ტაქ­ტის შე­დე­გად წარ­მოქ­მნი­ლი ხვრე­ლე­ბის მსგავ­სია.

• რა­ტომ არ დარ­თო გროზ­ნოს აე­რო­პორ­ტმა თვითმფრი­ნავს დაშ­ვე­ბის ნება?

ავი­ა­კა­ტას­ტრო­ფის შემ­დეგ, სა­ჰა­ე­რო ტრან­სპორ­ტის ფე­დე­რა­ლურ­მა სა­ა­გენ­ტომ გა­ავ­რცე­ლა გან­ცხა­დე­ბა, სა­დაც აღ­ნიშ­ნუ­ლია, რომ დრო­ის იმ მო­ნაკ­ვეთ­ში, რო­დე­საც აზერ­ბა­ი­ჯა­ნის თვითმფრი­ნა­ვი ნე­ბარ­თვას ითხოვ­და, აე­რო­პორ­ტში “უკ­რა­ი­ნუ­ლი სა­ჰა­ე­რო ტე­რო­რის­ტუ­ლი თავ­დას­ხმე­ბის გამო, რო­მე­ლიც ქა­ლაქ გროზ­ნო­სა და ვლა­დი­კავ­კაზ­ში გა­ნა­ხორ­ცი­ე­ლეს, შე­ნო­ბა­ში მოქ­მე­დებ­და ე.წ. ხა­ლი­ჩის რე­ჟი­მი.

რე­ჟი­მი ით­ვა­ლის­წი­ნებს ყვე­ლა თვითმფრი­ნა­ვის და­უ­ყოვ­ნებ­ლივ გა­და­მი­სა­მარ­თე­ბას გამ­გზავ­რე­ბას მი­თი­თე­ბუ­ლი ტე­რი­ტო­რი­ი­დან.

გარ­და ამი­სა, “გროზ­ნოს აე­რო­პორ­ტის ტე­რი­ტო­რი­ა­ზე იყო ძლი­ე­რი ნის­ლი და არ იყო ხილ­ვა­დო­ბა“, - გა­ნა­ცხა­და სა­ა­გენ­ტოს ხელ­მძღვა­ნელ­მა დი­მიტ­რი იად­როვ­მა.

• მისი თქმით, თვითმფრი­ნა­ვის მე­თა­ურ­მა გროზ­ნო­ში თვითმფრი­ნა­ვის დაშ­ვე­ბა ორ­ჯერ სცა­და, თუმ­ცა წა­რუ­მა­ტებ­ლად...

“კა­პი­ტანს სხვა აე­რო­პორ­ტე­ბი შეს­თა­ვა­ზეს. მან გა­და­წყვი­ტა აქ­ტა­უს აე­რო­პორ­ტში წას­ვლა", - აღ­ნიშ­ნავს იად­რო­ვი.

თუმ­ცა, 25 დე­კემ­ბერს გროზ­ნო­ში “ხა­ლი­ჩის“ გეგ­მის და­ნერგვის შე­სა­ხებ ინ­ფორ­მა­ცია არ გავ­რცე­ლე­ბუ­ლა.

რო­გორც ტე­ლეგ­რა­მარ­ხი VChK-OGPU იტყო­ბი­ნე­ბა, მან მო­ი­პო­ვა ეკი­პა­ჟის სა­უბ­რე­ბის ჩა­ნა­წე­რი დის­პეტ­ჩერ­თან. არხი ირ­წმუ­ნე­ბა, რომ თვითმფრი­ნავ­მა გროზ­ნო­ში სამ­ჯერ სცა­და დაშ­ვე­ბა, მაგ­რამ ვერ შეძ­ლო.

• რა­ტომ წა­ვი­და თვითმფრი­ნა­ვი ყა­ზა­ხეთ­ში?

სა­ა­გენ­ტო Regnum-ის ინ­ფორ­მა­ცი­ით, გროზ­ნოს შემ­დეგ ეკი­პაჟს ბა­ქო­ში სურ­და გაფ­რე­ნა, თუმ­ცა შემ­დეგ მი­მარ­თუ­ლე­ბა აქთა­უს­კენ შე­იც­ვა­ლა - ეს ინ­ფორ­მა­ცია VChK-OGPU არ­ხის ან­გა­რიშს ადას­ტუ­რებს.

არ­ხმა დის­პეტ­ჩერ­თან სა­უბ­რის ტექ­სტი გა­მო­აქ­ვეყ­ნა, რო­მელ­შიც ეკი­პა­ჟი ითხოვს ინ­ფორ­მა­ცი­ას სხვა აე­რო­პორ­ტებ­ში ამინ­დის პი­რო­ბე­ბის შე­სა­ხებ.

“ეკი­პა­ჟი ჯერ ეკი­თხე­ბა “მი­ნე­რალ­ნიე ვო­დის“ აე­რო­პორ­ტში არ­სე­ბულ მდგო­მა­რე­ო­ბას, შემ­დეგ კი ამ­ბობს, რომ მა­ჰა­ჩყა­ლა­ში აპი­რე­ბენ წას­ვლას.

• ამავდრო­უ­ლად, ეკი­პა­ჟი ახა­ლი გა­უ­მარ­თა­ო­ბის შე­სა­ხებ აც­ნო­ბებს დის­პეტ­ჩერს - ეს არის ჰიდ­რავ­ლი­კის გა­უ­მარ­თა­ო­ბა, რო­მე­ლიც გა­დამ­წყვე­ტია თვითმფრი­ნა­ვის კონ­ტრო­ლის­თვის.

გარ­კვე­უ­ლი პე­რი­ო­დის შემ­დეგ პი­ლო­ტებ­მა დო­ნის როს­ტოვ­ში და­ი­წყო დის­პეტ­ჩერ­თან ურ­თი­ერ­თო­ბა. რა მოხ­და შემ­დეგ, უც­ნო­ბია. “ირ­გვლივ, მა­ჰა­ჩყა­ლას და "მი­ნე­რალ­ნიე ვო­დის" აღ­ნიშ­ნუ­ლი აე­რო­პორ­ტე­ბის გარ­და, არის აე­რო­პორ­ტე­ბი ვლა­დი­კავ­კაზ­ში, ნალ­ჩიკ­ში და ნაზ­რან­ში", - წერს გა­მო­ცე­მა.

გა­უ­გე­ბა­რია თვითმფრი­ნა­ვის მე­თა­ურს რა­ტომ უნდა აერ­ჩია ეს გზა - კას­პი­ის ზღვის გა­დაფ­რე­ნა და 400 კი­ლო­მეტრში მდე­ბა­რე აქ­ტა­უ­ში გაფ­რე­ნა?

• ამ­ჟა­მად თვითმფრი­ნა­ვის ნამ­სხვრე­ვებს შო­რის უკვე ნა­პოვ­ნია ორი­ვე “შავი ყუთი“ - ერთი მათ­გა­ნი ფრე­ნის სხვა­დას­ხვა პა­რა­მეტრს აღ­რი­ცხავს, ​​მე­ო­რე კი ეკი­პა­ჟის სა­უბ­რებს კა­ბი­ნა­ში.

ყა­ზა­ხე­თის ტრან­სპორ­ტის სა­მი­ნის­ტროს გან­ცხა­დე­ბით, ქვე­ყა­ნა “აზერ­ბა­ი­ჯა­ნის ავი­ა­ხა­ზე­ბის“ ჩა­მო­ვარ­დნი­ლი თვითმფრი­ნა­ვის შავ ყუ­თებს ბრა­ზი­ლი­ის სა­ა­ვი­ა­ციო ავა­რი­ე­ბის გა­მო­ძი­ე­ბი­სა და პრე­ვენ­ცი­ის ცენ­ტრს გა­უგ­ზავ­ნის.

უწყე­ბის გან­მარ­ტე­ბით, გა­და­წყვე­ტი­ლე­ბა სა­ა­ვი­ა­ციო ინ­ცი­დენ­ტის გა­მომ­ძი­ე­ბელ­მა კო­მი­სი­ამ მი­ი­ღო, რო­მელ­საც ყა­ზა­ხე­თის ტრან­სპორ­ტის მი­ნის­ტრი მა­რატ კა­რა­ბა­ე­ვი ხელ­მძღვა­ნე­ლობს.

“ჩი­კა­გოს კონ­ვენ­ცი­ის მე-13 და­ნარ­თის სტან­დარ­ტე­ბის შე­სა­ბა­მი­სად, სა­ხელ­მწი­ფო, რო­მე­ლიც აწარ­მო­ებს გა­მო­ძი­ე­ბას, პა­სუ­ხის­მგე­ბე­ლია ფრე­ნის ჩა­ნა­წე­რე­ბის გა­ა­ნა­ლი­ზე­ბის უზ­რუნ­ველ­ყო­ფა­ზე და იმ ქვეყ­ნის შერ­ჩე­ვა­ზე, რო­მე­ლიც მათ წა­ი­კი­თხავს და გა­შიფ­რავს“, - აღ­ნიშ­ნუ­ლია ყა­ზა­ხე­თის ტრან­სპორ­ტის სა­მი­ნის­ტროს გან­ცხა­დე­ბა­ში.

იხი­ლეთ ასე­ვე:

• რუ­სუ­ლი კვა­ლი ბაქო-გროზ­ნოს ავი­ა­რე­ი­სის კა­ტას­ტრო­ფა­ში? - "მას რუ­სუ­ლი თავ­დაც­ვის სის­ტე­მის ნამ­სხვრე­ვი მოხ­ვდა": რა ხდე­ბა ცნო­ბი­ლი თვითმფრი­ნა­ვის ჩა­მო­ვარ­დნის მი­ზე­ზებ­ზე?