მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ის, რომ "ფორმულა" იხურება, სპეციალურად აგორებული ჭორია" - ვინ წავიდა არხიდან და რა ცვლილებებია მოსალოდნელი?
11:41 / 30-12-2024
ორი კვირის წინ, სოციალურ ქსელში გავრცელდა ინფორმაცია, რომ 31 დეკემბრიდან ტელეკომპანია "ფორმულა“ იხურებოდა. ჟურნალისტები კულუარებში საუბრობდნენ, რომ არხი თანამშრომლების ნაწილთან, ნელ-ნელა წყვეტდა კონტრაქტებს.
ერთი კვირის წინ, არხი რეორგანიზაციის დაწყებამდე დატოვა, ერთ-ერთმა წამყვანმა ჟურნალისტმა ელისო ჯარიაშვილმა. ამის შესახებ სოციალურ ქსელში დაწერა. თავად „ფორმულადან“ წამოსვლის მიზეზებზე ამ დრომდე არ უსაუბრია.
"ჩემთვის სამწუხაროდ და ამავე დროს მოულოდნელად, ჩემი და "ფორმულას" გზები გაიყო. რუსული რეჟიმის წინააღმდეგ ბრძოლაში ვრჩები ბოლომდე.
წარმატებას და გაძლიერებას ვუსურვებ თავისუფალ მედიას და განსაკუთრებით ფორმულას ჟურნალისტებს!"
გუშინ, გადაცემა "მე-17 სართულის" წამყვანებმა არხის დატოვების შესახებ დაწერეს, მათ შორის იყო, სოფიო ხუნწარია. როგორც ხუნწარიამ აღნიშნა, გადაცემა "მე-17 სართული" იხურება, მაგრამ ტელეკომპანია "ფორმულა" აგრძელებს მაუწყებლობას. მისივე თქმით, ტელეეთერის მიღმა დარჩენილი გადაცემის წამყვანები სოციალურ ქსელში გააგრძელებენ აქტიურობას და იმსჯელებენ სხვადასხვა საკითხებზე.
"დადგა დრო ჩვენი დამშვიდობების. პირველი, რომ უნდა გისურვოთ გამარჯვება და ბრძოლის ჟინი. ჩვენ ყველა ერთად აუცილებლად შევხვდებით ერთმანეთს 31-ში ღამით. ჩვენ დროებით ვეღარ მოგესალმებით "მე-17 სართულიდან“, თუმცა იქამდე სანამ შევძლებთ ტელეეთერით ვიყოთ თქვენთან ერთად, ისევ გპირდებით, რომ ჩვენ სოციალურ ქსელში "ფეისბუქზე" ვიქნებით ძალიან აქტიურები და ისევ ძალიან ბევრს ვისაუბრებთ და ვიმსჯელებთ ერთად იმ თემებზე რაც თქვენთვის და ჩვენთვის სულერთი არ არის.
ბუნებრივია "ფორმულა" მაუწყებლობას გააგრძელებს და არ გეგონოთ, რომ "ფორმულა" ტელეეკრანებიდან გაქრება, მაგრამ ცოტახანს ჩვენ გვექნება წყვეტა "მე-17 სართულს" და ამიტომ მინდა ჩვენს მაყურებელს, რომელიც ამდენი წლის განმავლობაში ჩვენთან ერთად იყო ვუთხრა ძალიან დიდი მადლობა იმისთვის, რომ იყავით ჩვენთან ერთად და გულით მიყვარხართ. ეს ჩემგან სათქმელი და აუცილებლად ისევ შევხვდებით...“
არხზე რეორგანიზაციას დაემთხვა "ნიუსის" პროდიუსერის, ლექსო ნაბახტეველის წამოსვლა. თუმცა როგორც ჩვენთან საუბარში ამბობს, ის შემცირებაში არ მოყოლილა და „ფორმულა“ საკუთარი ნებით დატოვა.
"დიდი მადლობა "ფორმულას"! ეს იყო საუკეთესო 5 წელი... ძალიან დიდი სატელევიზიო გამოცდილება მივიღე ამ წლების განმავლობაში, შევიძინე უმაგრესი ადამიანები, ვისთვისაც სამშობლო და ჟურნალისტიკა უპირველესია და ამისთვის მუხლჩაუხრელად იბრძვიან და მუშაობენ. ახალი გამოწვევების და ახალი ეტაპის დროა“, - წერს ის სოციალურ ქსელში.
რა ხდება არხზე, გვემშვიდობება თუ არა "ფორმულა" 31 დეკემბერს და რა გამოწვევების წინაშე დგას ტელევიზია, კომენტარზე მიშა მშვილდაძეს დავუკავშირდით.
- არხი ჩვეულებრივად გააგრძელებს ფუნქციონირებას, დატვირთული საეთერო ბადით. ახლა გვექნება რეორგანიზაცია და პატარა შემცირება. ყველაფერს მალე გაიგებთ დაზუსტებულ ინფორმაციას. ამ მომენტისთვის მინდა გითხრათ, რომ "ფორმულა" არ დაიხურება და გააგრძელებს მუშაობას. ის, რომ "ფორმულა" იხურება, სპეციალურად აგორებული ჭორია.
- არადა, გავრცელდა ინფორმაცია, რომ არხი 31 დეკემბრიდან წყვეტდა მაუწყებლობას.
- კი, იყო ასეთი ინფორმაცია და პირველ იანვარს რომ არ დაიხურება, ნახავთ.
- არაერთმა ჟურნალისტმა, გადაცემების წამყვანებმა არხის დატოვების შესახებ სოციალურ ქსელში სტატუსები დაწერეს...
- სამწუხაროდ, შემცირებები გვაქვს არხზე, უნდა გადავეწყოთ ახალ რეალობაზე და ახალ ბიუჯეტზე. როდესაც პროცესი მორჩება, დაწვრილებით ეთერიდან გეტყვით. იქამდე კი ეს პროცესი მიმდინარეობს, საკმაოდ მტკივნეული, მაგრამ აუცილებლად გასავლელი იმისათვის, რომ გადავრჩეთ და გავზარდოთ დამოუკიდებლობის ხარისხი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ვაშაძე დააკავეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
