უწყვეტი პროტესტის 29-ე დღე ფოტოებში - აქციის მონაწილეებმა რუსთაველის გამზირი გადაკეტეს
პარლამენტის წინ აქციის მონაწილეებმა საავტომობილო გზა გადაკეტეს.
უწყვეტი აქციის 29-ე დღეს დემონსტრანტები საკანონმდებლო ორგანოსთან თბილისის სხვადასხვა ლოკაციიდან საპროტესტო მსვლელობით მივიდნენ.
აქციის მონაწილეებს პარლამენტთან სხვადასხვა შინაარსის ბანერები აქვთ მიტანილი.
დემონსტრანტების მთავარი მოთხოვნები უცვლელია - ისინი აქციების პერიოდში დაკავებული პირების გათავისუფლებასა და ახალი არჩევნების ჩანიშვნას ითხოვენ. "თავისუფლება რეჟიმის პატიმრებს"; "არა რუსულ რეჟიმს" - სკანდირებენ ისინი.
-
განახლება 21:25
რუსთაველის გამზირზე აქციას "ზურაბ ჟვანიას მარში" ლოზუნგით - "მე ვარ ქართველი და მაშასადამე ვარ ევროპელი" - შეუერთდა
"მე ვარ ქართველი და მაშასადამე ვარ ევროპელი", - ამ შინაარსის ბანერით "ზურაბ ჟვანიას მარში", რომელშიც საქართველოს ყოფილი პრემიერ-მინისტრის ოჯახის წევრები, მეგობრები და თანამოაზრეები იღებენ მონაწილეობას, პარლამენტთან მსვლელობით მივიდა.
მარშის წევრები თბილისის სახელმწიფო უნივერსიტეტის წინ შეიკრიბნენ და რუსთაველის გამზირზე მიმდინარე აქციას შეუერთდნენ.
ცნობისთვის, მოქალაქეების პროტესტი პრემიერ-მინისტრ ირაკლი კობახიძის 28 ნოემბრის განცხადებას მოჰყვა, რომლის მიხედვითაც საქართველო ევროკავშირთან მოლაპარაკებების გახსნის საკითხს 2028 წლის ბოლომდე დღის წესრიგში არ დააყენებს.
ფოტო: ვანო გორგიშვილი/IPN
იხილეთ ასევე: