პრეზიდენტის უახლესი ინიციატივა - სალომე ზურაბიშვილმა დამოუკიდებელი ადვოკატებისა და იურისტების ჯგუფი წარადგინა: რა დატვირთვა აქვს გაერთიანებას, რომლის ერთ-ერთი ხელმძღვანელი ეკა ბესელიაა

საქართველოს პრეზიდენტმა, სალომე ზურაბიშვილმა დამოუკიდებელი ადვოკატებისა და იურისტების ჯგუფი წარადგინა.

• სალომე ზურაბიშვილის განცხადებით, ადვოკატებისა და იურისტების ჯგუფი დაიცავს მოქალაქეებს, რომელთაც სამართლებრივი დახმარება სჭირდებათ.

“მე დიდი იმედი მაქვს, რომ მალე ასეთი საჭიროება აღარ დადგება ქვეყანაში, მაგრამ დღეს გამომდინარე იმ მდგომარეობიდან, სადაც ვიმყოფებით და სადაც იმყოფებიან ახალგაზრდები, რომლებიც ყოველდღე სხვადასხვა მარშით, პროტესტით არიან ჩვენს ქუჩებსა და ქალაქებში, არიან დაპატიმრებულები, ძალიან მძიმე პიეროებში. ჩემთან გუშინ "ქალთა მარში" რომ მოვიდა, იქაც იყო ანგარიშსწორება, მიუღებელი ფორმით. ადამიანებს აპატიმრებენ მიუღებელი ფორმით, ამიტომ ადამიანებს სჭირდებათ ყველანაირი დაცვა. ასევე, ადამიანებს სჭირდებათ დაცვა, როდესაც სახლში მიდიან ჩხრეკისთვის, ისე რომ სამართლებრივი საფუძველი არ არსებობს. ჩვენს მოქალაქეებს ყოველდღიური და ყოველწუთიერი დაცვა სჭირდებათ. შეიქმნა ადვოკატებისა და იურისტების ჯგუფი. ისინი იმისთვის შეიკრიბნენ ერთად, რომ დაიცვან ჩვენი მოქალაქეები, მისცენ მათ პირველ ეტაპზე სამართლებრივი რჩევები, რისთვისაც ცხელი ხაზიც იქნება და მათ გაუწიონ დახმარება, რაც ესაჭიროებათ. ეს ყველაფერი იქნება უსასყიდლოდ. ეს არის ძალიან სამოქალაქო შეგრძნების გამოხატულება. ეს არის ის, რაც საზოგადოებას ქმნის. ჩვენს თვალწინ სხვადასხვა კუთხითა და მიმართულებით იქმნება ნამდვილი ქართული და თავისუფალი საზოგადოება. მე ამას არა მხოლოდ მივესალმები, ეს არის ჩვენი იმედის წყარო, რადგან ჩამოყალიბებულ საზოგადოებს ვერც ერთი რეჟიმი, ვერ დაუპირისპირდება და ვერ მოუგებს. ჩამოყალიბებული საზოგადოება შემართებული ადამიანებით ეს არის ის, რაც ყველაფერზე გაიმარჯვებს ყოველთვის.

მე მინდა ამ ადამიებს ვუთხრა, რომ ეს ჩვენგან დიდი მადლიერებას იწვევს, რადგან ჩვენ გვინდა, რომ ეს ადამიანები ვინც დღეს ციხეში არიან, ან ვისაც ხვალ დაემუქრებიან, იყვნენ დაცულები, უფრო მეტად გვინდა, რომ ისინი გამოვიდნენ ციხიდან, რაც შეიძლება სწრაფად.

მე დარწმუნებული ვარ, რომ ისინი ძალიან სწრაფად განთავისუფლდებიან, რადგან ამ რეჟიმს სხვა გზა არ ექნება. ძალიან მალე. სანამ ეს არ მოხდება, მანამდე თქვენი საქმე არის და ამისთვის ძალიან დიდი მადლობა ყველას“,- განაცხადა ზურაბიშვილმა.

• ეკა ბესელია:

“პირველივე ჯერზე, 35-ზე მეტი ადვოკატი და იურისტი გამოეხმაურა ინიციატივას და კიდევ უფრო იზრდება ჯგუფი“, - ამის შესახებ მართლმსაჯულების სახლის ხელმძღვანელმა, ეკა ბესელიამ პრეზიდენტისა და იურისტების ერთობლივ ბრიფინგზე განაცხადა.

• ეკა ბესელიას განცხადებით, შექმნილია ცხელი ხაზი, რომლის საშუალებითაც მოქალაქეებს შეუძლიათ იურისტების ჯგუფს დაუკავშირდნენ და ისინი მათ სამართლებრივ დახმარებას გაუწევენ.

“როგორც კი ინიციატივა გაჟღერდა და ადვოკატებს გავუზიარე, 35-ზე მეტი ადვოკატი და იურისტი პირველივე ჯერზე გამოეხმაურა ინიციატივას და კიდევ უფრო იზრდება ეს ჯგუფი. ბათუმში არიან ადვოკატები, ქუთაისში არიან ადვოკატები, რომლებიც ასევე შემოუერთდნენ ინიციატივას და ისინი მზად არიან უსასყიდლოდ აღმოუჩინონ მოქალაქეებს სამართლებრივი დახმარება. ყოველდღიურად იმართება პროცესები. ძალიან მნიშვნელოვანია, რომ ჩვენმა მოქალაქეებმა, რომლებიც ამდენი დღეა ქუჩაში დგანან საქართველოს ევროპული მომავლის დასაცავად, იცოდნენ, რომ გვაქვს ასეთი კარგი ინიციატივა, რომლითაც მათი კონსტიტუციური უფლებების დაცვის კუთხით ამდენი ადვოკატი, იურისტი და კიდევ უფრო მეტი, რომლებიც აქ არ არიან, მაგრამ მზად არიან, დაეხმარონ მათ, აღმოუჩინონ შესაბამისი სამართლებრივი დახმარება.

ჩვენ გვაქვს ცხელი ხაზი, ორი ნომერი, რომელიც ამისთვის გამოვყავით. ქალაქის ნომერია - 2 95 2826 და მობილური ნომერი - 599 99 69 58“, - განაცხადა ეკა ბესელიამ.