ვრცელდება ბაქო-გროზნოს ავიარეისის კატასტროფამდე რამდენიმე წამით ადრე ბორტზე გადაღებული უმძიმესი ვიდეო კადრები

ყაზახეთის ქალაქ აქთაუში "აზერბაიჯანის ავიახაზების“ თვითმფრინავის ჩამოვარდნის შედეგად 38 ადამიანი დაიღუპა, - აზერბაიჯანული მედიის ინფორმაციით, ამის შესახებ ყაზახეთის ვიცე-პრემიერმა, კატასტროფის შემსწავლელი კომისიის ხელმძღვანელმა კანატ ბოზუმბაევმა განაცხადა.

მისი თქმით, თვითმფრინავის ბორტზე, რომელიც ბაზო-გროზნოს რეისს ასრულებდა, 67 ადამიანი იმყოფებოდა, მათ შორის ეკიპაჟის 5 წევრი და 62 მგზავრი. ავარიის შედეგად 38 ადამიანი დაიღუპა, 29 კი გადარჩა.

• გადარჩენილები სხვადასხვა დაზიანებებით საავადმყოფოში გადაიყვანეს. დაშავებულებს შორის ზოგიერთის მდგომარეობა მძიმეა.

თვითმფრინავის მგზავრებიდან დაღუპულია აზერბაიჯანის 23 მოქალაქე, რუსეთის 7 მოქალაქე და ყაზახეთის 6 მოქალაქე. ეკიპაჟის 5 წევრიდან 2 დაიღუპა და 3 გადარჩა.

მედიაში ვრცელდება უშუალოდ ბორტზე გადაღებული ვიდეო კადრები, რომელიც კატასტროფამდე რამდენიმე წამით ადრეა გადაღებული. რუსული მედიის ცნობით, ეს ვიდეო მგზავრმა მეუღლეს გაუგზავნა, როგორც კი მიხვდა რომ თვითმფრინავი უკონტროლოდ ეშვებოდა. კადრებში ჩანს დაძაბული ატმოსფერო სალონში, სადაც მგზავრები ლოცულობენ და ჟანგბადის ნიღბები უკვე გახსნილია.

<iframe width="560" height="315" src="https://www.youtube.com/embed/dpICUJ6S9VQ?si=9TRCWlmEWqxzTnxG" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>