მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“მზად ვართ, 29 დეკემბრის შემდეგაც დავრჩეთ ორბელიანების სასახლეში...“ - დასრულდა პრეზიდენტისა და ოპოზიციის მორიგი დახურული შეხვედრა: რა გადაწყდა დიალოგისას?
21:25 / 25-12-2024
“ჩვენ მზად ვართ, დავრჩეთ 29 დეკემბრის შემდეგაც სასახლეში და ის გამოვაცხადოთ ერთადერთ ადგილად, სადაც საქართველოს ლეგიტიმური პრეზიდენტი იქნება“, - ამის შესახებ “ძლიერის აქართველოს“ ერთ-ერთმა ლიდერმა, ანა დოლიძემ პრეზიდენტისა და ოპოზიციის შეხვედრის დასრულების შემდეგ განაცხადა.
ანა დოლიძის განცხადებით, ასევე განხილვაშია ის დოკუმენტი, რომელიც იქნება წარდგენილი და ეხება არჩევნებს, საარჩევნო ადმინისტრირებას და პირობებს, რომლის მიხედვითაც შეიძლება საქართველოში ჩატარდეს ახალი, ლეგიტიმური არჩევნები.
“ეს არის მიმდინარე სამუშაო პროცესი. ბარიერგადალახული პოლიტიკური პარტიები ვთათბირობთ საქართველოს პრეზიდენტთან. განხილვაშია ის დოკუმენტი, რომელიც იქნება წარდგენილი და ეხება არჩევნებს, საარჩევნო ადმინისტრირებას და პირობებს, რომლის მიხედვითაც შეიძლება საქართველოში ჩატარდეს ახალი, ლეგიტიმური არჩევნები. ჩვენი მთავარი მოთხოვნა, რა თქმა უნდა, ახალი არჩევნებია პოლიტპატიმრების გამოშვებასთან ერთად.
მინდა გითხრათ, რომ მე შევთავაზე სრული მხარდაჭერა საქართველოს პრეზიდენტს დამოუკიდებლობისთვის ბრძოლაში. ჩვენ მზად ვართ დავრჩეთ 29 დეკემბრის შემდეგაც სასახლეში და ის გამოვაცხადოთ ერთადერთ ადგილად, სადაც საქართველოს ლეგიტიმური პრეზიდენტი იქნება. ეს არის ჩვენი ერთ-ერთი შეთავაზება, ეს არის მხარდაჭერის ფორმა სხვა ყველა ფორმასთან ერთად, რომელსაც ჰქვია ლეგიტიმური, სამართლიანი და არაძალადობრივი“, - განაცხადა ანა დოლიძემ.
“კოალიცია ცვლილებისთვის“ ერთ-ერთი ლიდერი, ნიკა გვარამია:
“ჩვენ ვისაუბრეთ საბჭოზე, რომელიც პოლიტიკოსებისგან იქნება დაკომპლექტებული და ასევე, პრეზიდენტი სავარაუდოდ, შექმნის საზოგადოებრივ საბჭოს, ეს საბჭო იქნება გადაწყვეტილებების მიღების ავანგარდში“, - ამის შესახებ ნიკა გვარამიამ პრეზიდენტისა და ოპოზიციის შეხვედრის დასრულების შემდეგ მედიასთან განაცხადა.
ნიკა გვარამიას განცხადებით, დღეს გარკვეული წარმოდგენები საბჭოზე და სადამფუძნებლო დოკუმენტზე უკვე შეიქმნა.
“29 დეკემბრამდე ჩვენ სავარაუდოდ, გვექნება გარკვეული შეთანხმებები იმასთან დაკავშირებით, რას ვგულისხმობთ დემოკრატიულ არჩევნებში და რა არის ის პირობები, რომელიც არცერთ შემთხვევაში არ გადაიხედება. არჩევნების შედეგები უნდა იყოს ლეგიტიმური და არა რაღაც ხაფანგი, გადმოგდებული ბიძინა ივანიშვილის მხრიდან, რომელშიც ჩვენ გავებმებით, ეს ვერ მოხდება და ამაზე ლიდერობას საქართველოს პრეზიდენტი თავის თავზე აიღებს.
ჩვენ ვისაუბრეთ საბჭოზე, რომელიც პოლიტიკოსებისგან იქნება დაკომპლექტებული და ასევე, პრეზიდენტი სავარაუდოდ შექმნის საზოგადოებრივ საბჭოს, მაგრამ ეს ამ წუთში ჩვენი განსახილველი არ არის, სრულად მისი საქმეა. ეს საბჭო იქნება ავანგარდში გადაწყვეტილებების მიღების. თავისთავად ცხადია, რომ ჩვენ ამაზე მუშაობა ისედაც დაწყებული გვქონდა აქამდე, ისევე როგორც პრეზიდენტს და ამასთან დაკავშირებით შეთანხმებები შედგება. გარკვეული წარმოდგენები საბჭოზე და სადამფუძნებლო დოკუმენტზე უკვე შეიქმნა დღეს“, - განაცხადა ნიკა გვარამიამ.
რაც შეეხება ანა დოლიძის განცხადებას, რომ “მზად ვართ, 29 დეკემბრის შემდეგაც დავრჩეთ ორბელიანების სასახლეში და გამოვაცხადოთ ერთადერთ ადგილად, სადაც საქართველოს ლეგიტიმური პრეზიდენტი იქნება“, ნიკა გვარამია აცხადებს, რომ სრულად ეთანხმება ანა დოლიძის განცხადებას.
“ძალიან მასშტაბური იქნება მხარდაჭერა პრეზიდენტის მიმართ, ამაში ვარ სრულიად დარწმუნებული. მისი გადასაწყვეტია როგორ წავა ეს ყველაფერი, მე პირადად მხარს ვუჭერ ყველაფერ იმას, რაც ანა დოლიძემ თქვა“, - განაცხადა გვარამიამ.
კითხვაზე, საუბარია 29 დეკემბერს ორბელიანების სასახლეში მხოლოდ პოლიტიკოსების ყოფნაზე, თუ სხვა სფეროს წარმომადგენლებსაც უნდა ველოდოთ, ნიკა გვარამია პასუხობს: “ამ წუთში პოლიტიკურმა პარტიებმა მივიღეთ წინადადება, მაგრამ ჩვენთვის ცნობილია,რომ ყველა სფეროს წარმომდგენელი იქნება მოწვეული“.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
