“ქალებს ხმა აქვთ, მოუსმინეთ!” - ორბელიანების სასახლესთან მისულ “ქალების მარშს” პრეზიდენტი მიესალმა (ფოტო/ვიდეო)

“ქალების მარში” მსვლელობით ფილარმონიიდან ორბელიანების სასახლესთან მივიდა.

პროტესტის მონაწილეები სკანდირებენ: “ სალომე, სალომე!”.

მათ საქართველოს პრეზიდენტი მიესალმა და მარშის წვერებთან ერთად რამდენიმე წუთი დაყო.

მანამდე მარში გაიმართა ფილარმონიიდან პარლამენტის მიმართულებით. მარშის მონაწილეებს გზის სავალი ნაწილის ერთი მხარე ჰქონდათ გადაკეტილი.

“საქართველო, საქართველო!”, “გამოდით, გამოდით!” -სკანდირებდნენ ისინი.

მათ გაშლილი აქვთ ბანერები წარწერით: “საქართველოს ქალები ვითხოვთ არჩევნებს!”, “ქალებს ხმა აქვთ, მოუსმინეთ!”.

საპროტესტო აქცია უკვე 27-ე დღეა უწყვეტ რეჟიმში გრძელდება. დღის განმავლობაში თბილისის სხვადასხვა ლოკაციაზე საპროტესტო მსვლელობები იმართება, საღამოს 20:00 საათიდან კი შეკრების ადგილი პარლამენტის მიმდებარე ტერიტორიაა.

ცნობისთვის, მოქალაქეების პროტესტი პრემიერ-მინისტრის, ირაკლი კობახიძის 28 ნოემბრის განცხადებას მოჰყვა, რომლის მიხედვითაც საქართველომ ევროკავშირში გაწევრიანებაზე მოლაპარაკებების გახსნა 2028 წლამდე გადადო.

ფოტო: გიორგი ნიკოლიშვილი/IPN