მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დავით საყვარელიძისა და ჩან კვოკ უაი ბერნისის სამუშაო შეხვედრა - რეჟისორის მიმდინარე და საერთაშორისო პროექტები
14:43 / 25-12-2024
რეჟისორ დავით საყვარელიძისა და ჰონგ-კონგის ხელოვნების განვითარების საბჭოს ექსპერტის ჩან კვოკ უაი ბერნისისს შეხვედრა საერთაშორისო პროექტების ფარგლებში, 21 დეკემბერს, რუსთაველის ეროვნულ თეატრში შედგა. ჩან კვოკ უაი ბერნისი დავით საყვარელიძის მიერ აღმოსავლურ მოტოვებზე შექმნილ საბავშვო სპექტაკლის „სიზმრების ტბის საიდუმლო“ რეპეტიციას დაესწრო.
სოხუმის სამხატვრო ხელმძღვანელი და რუსთაველის ეროვნული თეატრის მთავარი რეჟისორი დავით საყვარელიძე არაერთ საერთაშორისო პროექტს ახორციელებს: მათ შორის აღსანიშნავია 2024 წლის 3 ნოემბერს გაფორმებული მემორანდუმი, რომლის მიხედვითაც კონსტანტინე გამსახურდიას სახელობის სოხუმის სახელმწიფო დრამატული თეატრი, IATL-ის - თეატრის ლიდერთა საერთაშორისო ასოციაციის პარტნიორი გახდა. 2025 წლის 30 იანვარს კი, სოხუმის თეატრი სპექტაკლით „იაკიში და პუპჩე“, ბერლინის ITO (Into the Open) ფესტივალზე მიიღებს მონაწილეობას.
ჩან კვოკ უაი ბერნისი საერთაშორისო თეატრალური კრიტიკოსების ასოციაციის (ჰონგ-კონგი) გენერალური მენეჯერი და ჰონგ-კონგის ხელოვნების განვითარების საბჭოს დრამის კომიტეტის ექსპერტია. ის ასევე გახლავთ ჰონგ-კონგის დრამის პრემიებისა და ჰონგ-კონგის IATC(HK)-ის კრიტიკოსთა პრემიების პანელის წევრი. ჩან კვოკ უაი ბერნისი საერთაშორისო ასოციაციის „ბიბლიოთეკების, მუზეუმების, არქივებისა და დოკუმენტაციის ცენტრების“ (SIBMAS) ვიცე-პრეზიდენტია. ბერნისი 50-ზე მეტი პუბლიკაციის რედაქტორია, რომლებიც ძირითადად სცენური ხელოვნების თემას ეხება. მისმა პროექტმა Ten Years of A City 2018 წელს ჰონგ-კონგის წიგნის პრემია მიიღო, ხოლო ნაშრომმა „კადრი საზღვრებს მიღმა: ჰონგ-კონგის თეატრისა და სპექტაკლის, ფოტოგრაფიის ონლაინ არქივი და საგანმანათლებლო პროექტი“, ჰონგ-კონგის ხელოვნების განვითარების ჯილდო დაიმსახურა.
რამდენიმე თვეა რეჟისორი დავით საყვარელიძე აღმოსავლური მითოლოგიის, ჩინური და იაპონური ზღაპრების მიხედვით შექმნილ საბავშვო სპექტაკლზე „სიზმრების ტბის საიდუმლო“ მუშაობს. ტრადიციულად, რუსთაველის ეროვნულ თეატრში საბავშვო წარმოდგენაზე დასწრება პატარებისთვის წინასაახალწლოდ და სადღესასწაულო დღეებში არის შესაძლებელი; პრემიერა 20 დეკემბერს იგეგმებოდა, თუმცა, ამჯერად, ჩვენს ქვეყანაში მიმდინარე პროცესების, აქციებზე დაკავებულ ხელოვანთა და გაფიცული მსახიობების სოლიდარობის გამო, პრემიერა იანვრისთვის გადაიდო.
აღმოსავლურ სიბრძნესა და ტრადიციულ ფოლკლორზე დაფუძნებული სიუჟეტის მიხედვით შექმნილი სპექტაკლი, 5-დან ზევით ასაკის მაყურებელზეა გათვლილი. მდიდარი ვიზუალური სანახაობითა და პერსონაჟების მრავალფეროვანი კოსტიუმების მეშვეობით, (მხატვარი ნინო კობიაშვილი), დარბაზში მყოფი საზოგადოება ისეთ მაგიურ სამყაროში აღმოჩნდება, სადაც „ცხოვრობენ“: მონაზონი - ტრიპიტაკა, მეფე მაიმუნი - ვუ კუნგი, გოჭუნა და ქვიშუნა...
ამასთან, შთამბეჭდავი მუსიკალური გაფორმება და ხელოვნური ინტელექტით შექმნილი გრაფიკული ვიზუალი, სპექტაკლს ახალი პერსპექტივით წარმოაჩენს, რაც ასე მნიშვნელოვანია თანამედროვე ბავშვებისა და მოზარდებისთვის. ამავდროულად, უძველესი მითოლოგიური პერსონაჟები, თანამედროვე ენით გადმოგვცემენ ზღაპრულ ამბავს, სადაც ისეთი მარადიული მორალური ღირებულებებია წარმოჩენილი, როგორიცაა: სიყვარული, ბედისწერა, ზნეობა, თანადგომა, ერთგულება და ა.შ.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
