"საქართველოში დავიბადე და იქ წავალ" - არმან ცარუკიანის თქმით, ტიტულის მოგების შემთხვევაში, პირველ რიგში, ქამარს საქართველოში ჩამოიტანს

UFC-ის სომეხი მებრძოლი, არმან ცარუკიანი ამბობს, რომ ტიტულის მოგების შემთხვევაში, პირველ რიგში საქართველოში ჩამოვა და ქამარს აქ ჩამოიტანს. ამის შესახებ ცარუკიანმა ESPN MMA-სთან საუბრისას აღნიშნა და ისიც დასძინა, რომ საქართველოშია დაბადებული.

• ამ თემაზე მებრძოლმა მას შემდეგ ისაუბრა, რაც ჰკითხეს, თუ რა გეგმა ჰქონდა ტიტულის მოპოვების შემთხვევაში.

"პირველ რიგში,მინდა იქ წავიდე, სადაც დავიბადე, ეს საქართველოა, მე იქ დავიბადე. საქართველოში ჩავალ, საიდანაც შემდეგ წავალ სომხეთში, შემდეგ რუსეთში, სადაც ჩემი ოჯახია. გეგმა ჯერ ტიტულის მოპოვებაა", - ამბობს ცარუკიანი.

ცნობისთვის 19 იანვარს UFC 311-ზე არმან ცარუკიანი მსუბუქი წონის ჩემპიონს, ისლამ მახაჩევს დაუპირისპირდება.

ამავე ტურნირზე მერაბ დვალიშვილი ტიტულის დაცვას უმარ ნურმაგომედოვთან შეეცდება.

"საქართველოში დავიბადე და იქ წავალ" - არმან ცარუკიანის თქმით, ტიტულის მოგების შემთხვევაში, პირველ რიგში, ქამარს საქართველოში ჩამოიტანს

• ნახეთ ასევე:
• "მე საქართველოში დავიბადე, მაგრამ ხაჭაპური რუსეთში უფრო გემრიელია" - ვინ არის საქართველოში დაბადებული სომეხი მებრძოლი, არმან ცარუკიანი, რომლის ვიდეოც სკანდალად იქცა