მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მუდმივი შიმშილობა და წონის მოსამატებლად ცენტრებში გადაყვანილი ჯარისკაცები - რას ჰყვებიან ჩრდ.კორეიდან გამოქცეული სამხედროები, რომლებიც ბრინჯზე ოცნებობდნენ
10:52 / 23-12-2024
ჩრდილოეთ კორეა რუსეთში დამატებითი ჯარებისა და სამხედრო აღჭურვილობის, მათ შორის “კამიკაძე დრონების“ გასაგზავნად ემზადება. უკრაინული მედიის ცნობით, ამის შესახებ გამოცემა Yonhap-ი სამხრეთ კორეის დაზვერვის მონაცემებზე დაყრდნობით იუწყება.
“სადაზვერვო მონაცემების ყოვლისმომცველი შეფასება აჩვენებს, რომ ჩრდილოეთ კორეა ემზადება რუსეთში განლაგებული ჯარების როტაციისთვის ან მათი რაოდენობის გაზრდისთვის“, - აცხადებენ სამხრეთ კორეის დაზვერვის სამსახურში.
გარდა ამისა, დაზვერვის ოფიციალური პირები აღნიშნავენ, რომ ჩრდილოეთ კორეა იწყებს იმ “კამიკაძე დრონების“ წარმოებას და მიწოდებას, რომელიც პირველად ნოემბერში წარმოადგინეს. დაზვერვის წარმომადგენლები განმარტავენ, რომ ამის მიზეზი არის ჩრდილოეთ კორეის სურვილი, მოიპოვოს პრაქტიკული გამოცდილება საომარ მოქმედებებში და განაახლოს თავისი შეიარაღების სისტემა.
საინტერესოა, როგორ წვრთნებს გადიან და იბრძვიან ჩრდილოეთ კორეელი სამხედროები რუსეთში? - ამის შესახებ ვრცელ ანალიტიკურ მასალას BBC ავრცელებს.
“ჩრდილოეთ კორეის ჯარში გატარებულ წლების გახსენებისას, პირველი, რაზეც ჰან ეული საუბრობს, არის შიმშილის გრძნობა - მუდმივი და დამღლელი. მსახურობის პირველი თვის განმავლობაში მან 10 კგ დაიკლო: ჯარისკაცები იკვებებოდნენ მხოლოდ სიმინდითა და დაფქული კომბოსტოთი.
ჰან ეულის თქმით, სამთვიანი ვარჯიშის შემდეგ თითქმის მთელი ბატალიონი იმდენად დაღლილი იყო, რომ ჯარისკაცები სპეციალურ სარეაბილიტაციო ცენტრში უნდა გაეგზავნათ, რათა წონაში მოემატებინათ,“ - წერს გამოცემა.
მოგვიანებით ბატალიონი სამხრეთ კორეასთან საზღვრის დასაცავად გაგზავნეს. მაშინ სიმინდი ბრინჯით შეიცვალა, თუმცა სხვა დანაყოფები ამასაც იპარავდნენ და სამხედროებს ქვიშით გაზავებული ბრინჯის ჭამა უწევდათ.
მისი თქმით, ქვედანაყოფი, სადაც მსახურობდა, სხვებზე უკეთ იკვებებოდა - ეს არის ტაქტიკა, რომელსაც ჩრდილოეთ კორეის სარდლობა დეზერტირების თავიდან ასაცილებლად იყენებს. თუმცა 2012 წელს ჰან ეულმა მაინც გადაწყვიტა და სასიკვდილო რისკზე წასვლა - ის დემილიტარიზებული ზონიდან სამხრეთ კორეაში გადავიდა.
ჰანის მონათხრობი კი ათასობით ჩრდილოეთ კორეელი ჯარისკაცის ყოფის შესახებ ზოგად სურათს ხატავს.
ითვლება, რომ ფხენიანმა რუსეთში დაახლოებით 11000 ჯარისკაცი გაგზავნა.
სამხრეთ კორეის დაზვერვის თანახმად, რუსეთში გაგზავნილი ჩრდილოეთ კორეელი ჯარისკაცების უმეტესობა ელიტარულ თავდასხმის ნაწილებს მიეკუთვნება და აქვთ “ძლიერი საბრძოლო სულისკვეთება“, თუმცა მათ “არ აქვთ თანამედროვე ომის წარმოების გამოცდილება.“
მართალია, ბოლო ცნობებით, ჩრდ. კორეის ლიდერმა კიმ ჩენ ინმა რეგულარული არმიის მოდერნიზებისა და გაძლიერების პროგრამები გაატარა, თუმცა ძნელად სათქმელია, რამდენად განვითარდა არმია უკანასკნელი 10 წლის განმავლობაში.
“როგორც წესი შემტევ პოზიციებზე მხოლოდ ყველაზე მაღალ და სპორტულ მამაკაცებს ირჩევენ“, - ამბობს ლი ჰიუნ-სუნგი, რომელიც ჩრდილოეთ კორეის სპეცრაზმს 2000-იანი წლების დასაწყისში ავარჯიშებდა. 2014 წელს მან პოზიცია დატოვა, 2019 წელს კი ქვეყნიდან გამოქცევა შეძლო.
როგორც ის მედიასთან ჰყვება, ჩრდილოეთ კორეის ჯარში გატარებული პირველი სამი წელი წარმოუდგენლად რთულია. 28 წლის სუნგი შვიდი წელი ჩრდილოეთ კორეის საჰაერო ძალებში მსახურობდა, სადაც მძღოლი იყო. მისი თქმით, წლების განმავლობაში პირობები მხოლოდ გაუარესდა და ბრინჯი კვების რაციონიდან თანდათან გაქრა.
“ჯარისკაცებს რამდენიმე დღით აგზავნიან მთაში, აძლევენ ბრინჯის მცირე მარაგს და ეუბნებიან, რომ ეს არის გადარჩენის კურსის ნაწილი” -ამბობს ის.
დამატებით დაბრკოლებებს ქმნის ენობრივი ბარიერი.
ცოტა ხნის წინ უკრაინის სამხედრო დაზვერვამ გაავრცელა ინფორმაცია, რომ კომუნიკაციის პრობლემების გამო, ჩრდილოეთ კორეელმა ჯარისკაცებმა შემთხვევით ცეცხლი გაუხსნეს რუსულ ბატალიონს, რის შედეგადაც რვა ადამიანი დაიღუპა.
რესპოდენტის, სახელად რიუს აზრით, ჩრდ. კორეის სამხედრო პერსონალს რუსეთში გაგზავნასთან დაკავშირებით აზრს არავინ ეკითხება. ამასთან, ვისაც ამბიციები აქვს, თვლიან რომ ეს შესანიშნავი შესაძლებლობაა კარიერული წინსვლისთვის.
“თუ გავითვალისწინებთ ჩრდილოეთ კორეაში სამხედრო სამსახურის ყველა სირთულეს, ბევრს, ალბათ, გაუხარდება კიდეც, რომ პირველად ეძლევა საშუალება ქვეყნის საზღვარს გარეთ წავიდეს,“ - ამბობს რიუ და აღიარებს, რომ შესაძლოა თავადაც არ ეთქვა უარი ამ შემოთავაზებაზე.
სამხრეთ კორეის არმიის სპეცდანიშნულების რაზმის ყოფილი მეთაური ჩუნ ინ-ბუმი შეფასებებს ნაწილობრივ ეთანხმება:
“ის, რომ ამ ჯარისკაცებს არ აქვთ საკვები და მაღალი დონის წვრთნა, არ ნიშნავს, რომ მათ არ აქვთ ბრძოლის უნარი. აკლიმატიზაცია სწრაფად მოხდება. არ არის საჭირო მათი ვერ შეაფასება“, -ამბობს ჩუნ ინი.
მიუხედავად იმისა, რომ შესაძლოა 11 000-მა ჩრდ კორეელმა ჯარისკაცმა ვერ შეცვალოს ომის მიმდინარეობა, სავარაუდოდ ეს რიცხვი კიდევ უფრო გაიზრდება. თეორიულად, ფხენიანს შეუძლია მოსკოვის განკარგულებაში დაახლოებით 60 000- დან 100 ათასამდე მებრძოლი დააყენოს.
ჩუნ ინ-ბუმის აზრით, ამ შემთხვევაში ცოცხალი ძალის რაოდენობა შეიძლება გასათვალისწინებელი იქნება.
”ისინი აგზავნიან ძირითადად იმ ჯარისკაცებს, რომლებსაც არ აქვთ გავლენა ან კავშირები ზედა ნაწილში - გულწრფელად რომ ვთქვათ, მათ, ვისი მსხვერპლშეწირვაც საკმაოდ მარტივად შეიძლება,” - ამბობს ჰან ეული.
იხილეთ ასევე:
- ჩრდილოეთ კორეამ გაეროს აცნობა, რომ ბირთვული იარაღის პროგრამას აჩქარებს - რა მიიღო კიმ ჩენ ინიმ პუტინისგან უკრაინასთან ომში კორეელების მონაწილეობის სანაცვლოდ?
- იაფი ძალა, რომელიც საბჭოთა სტანდარტებით შეიქმნა - იბრძვიან თუ არა ჩრდილოეთ კორეელი ჯარისკაცები უკრაინაში და როგორ შეუძლიათ დაეხმარონ რუსეთის არმიას?
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
