მარში სახელწოდებით “ანწუხელიძე“ პარლამენტთან მიმდინარე აქციას უერთდება (ფოტო/ვიდეო)

დედაქალაქში ვეტერანთა მარში და მსვლელობა სახელწოდებით “ანწუხელიძე“ მიმდინარეობს, რომელიც გმირთა მოედნიდან დაიწყო და საკანონმდებლო ორგანოსთან მიმდინარე აქციას შეუერთდება.

ორივე მარშის მონაწილეებს თან აქვთ საქართველოს, ევროკავშირის და უკრაინის დროშები. ასევე, ბანერი წარწერით:”ევროპულ მომავალს ვერ გადათელავთ”. ისმის შეძახილები: “საქართველოს გაუმარჯოს”.

მარშის მსვლელობისაც გაშლილი აქვთ ეროვნული გმირის, გიორგი ანწუხელიძის ფოტო.

• განათლების სამინისტროდან პარლამენტისკენ აქცია-მსვლელობას მართავენ ERASMUS-ის პროგრამების მონაწილეები

აქციის მონაწილეებს თან აქვთ ტრანსპარანტები წარწერებით: “ჩვენს ქვეყანას ევროპული გამოცდილება, მეცნიერება, განათლება სჭირდება“, “განათლება ჩვენი უფლებაა!“, “ვითხოვთ ახალ არჩევნებს“, “ქოცების“ შვილები დასავლეთში, ჩვენ -რუსეთში?!“.

როგორც მანიფესტანტები აცხადებენ, ისინი ქვეყნის “არალეგიტიმური მთავრობის გადაწყვეტილებებს“ და შედეგებს აპროტესტებენ. მათი თქმით, საჭიროა ქვეყანაში ხელახალი არჩევნები ჩატარდეს.

მანიფესტანტების მოთხოვნების უცვლელია. აქციის მონაწილეები საქართველოს მთავრობას მოუწოდებენ, რომ “დაინიშნოს ვადამდელი არჩევნები, დაუბრუნდეს ქვეყანა ევროპულ საგარეო კურსს და გათავისუფლდნენ პოლიტიკური პატიმრები“.

ცნობისთვის, მოქალაქეები უკვე 25-ე დღეა საპროტესტო აქციებს მართავენ. პროტესტის მონაწილეების მოთხოვნაა აქციების პერიოდში დაკავებული მოქალაქეების გათავისუფლება და ახალი არჩევნების დანიშვნა. ცნობისთვის, მასშტაბური აქციები "ქართული ოცნების“ 28 ნოემბრის გადაწყვეტილებამ გამოიწვია, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.

ფოტო: გიორგი ნიკოლიშვილი