“მე მხოლოდ კახელი არ ვარ, მეგრელიც ვარ, გურულიც... საქართველო ვარ“ - სალომე ზურაბიშვილი ორბელიანების სასახლესთან “კახელების მარშს” შეუერთდა

საქართველოს პრეზიდენტი, სალომე ზურაბიშვილი “კახელების მარშს” შეუერთდა, რომელიც ორბელიანების სასახლის წინ შეჩერდა.

• “ეს ადგილი ჩვენია, ეს სცენა ჩვენია, ვერ დააპატიმრებენ. ორბელიანების სასახლე, მოედანი, ეს ყველაფერი თქვენია. კახელებს და სხვებსაც დიდი მადლობა. მე მხოლოდ კახელი არ ვარ, მეგრელიც ვარ, გურულიც... საქართველო ვარ. დიდი მადლობა და შევხვდეთ 21:00 საათზე,“ - მიმართა ზურაბიშვილმა შეკრებილებს.

კახელები და ქიზიყელები ერეკლე II-ის მოედნიდან ორბელიანების სასახლემდე აქცია-მსვლელობით ლოზუნგით - “დინჯად, მაგრამ ჯიუტად ევროპისკენ!“ მივიდნენ. ისინი სასახლის წინ პრეზიდენტის მისამართით სკანდირებდნენ: “საქართველო“.

სალომე ზურაბიშვილი ამ წუთებში იმყოფება ორბელიანის მოედანზე, საახალწლო სოფელში დამონტაჟებულ სცენაზე იმყოფება და მსვლელობის მონაწილეებს მიმართავს.

როგორც ცნობილია, პრეზიდენტი სალომე ზურაბიშვილი მოქალაქეებს 21:00 საათზე რუსთაველის გამზირზე მიმდინარე აქციიდან მიმართავს.

იხილეთ ასევე:

• “ინგილო ქალს რეჟიმით ვერ შეაშინებთ... დინჯად, მაგრამ ჯიუტად ევროპისკენ“ - ფოტოები კახელების მარშიდან: საპროტესტო მსვლელობის მონაწილეები ერეკლე II-ის მოედანზე შეიკრიბნენ