ხორუმით გადაკეტილი რუსთაველი გამზირი და ქართველი მოცეკვავეების პერფორმანსი პარლამენტთან - საყოველთაო პროტესტის 24-ე დღე ფოტოებში

• ფოტოები: გიორგი ჟამერაშვილი

"ხორუმით ევროპისკენ“ - ამ ლოზუნგით ქართველი მოცეკვავეები პარლამენტთან ხორუმის ცეკვით მივიდნენ. მათ საკანონმდებლო ორგანოს წინ შეკრებილი აქციის მონაწილეები ტაშითა და ოვაციებით შეხვდნენ.

• აქციის მონაწილეებს მოცეკვავეებისთვის სპეციალურად დერეფანი ჰქონდათ გაკეთებული. მოცეკვავეების ხორუმი დღეისთვის ბოლო პერფორმანსია. შესაბამისად, პარლამენტთან აქცია დაიწყო.

ამ წუთებში, რუსთაველის გამზირზე, ნაძვის ხის წინ, აქციის მონაწილეებს წრე აქვთ გაკეთებული, სადაც ქართველი მოცეკვავეები სხვადასხვა ცეკვას ასრულებენ.

რუსთაველის გამზირზე საავტომობილო გზა გადაკეტილი აქვთ.შეგახსენებთ, რომ თბილისში დღეს 20-ზე მეტი აქცია-მსვლელობა გაიმართა. საბოლოოდ კი, პროტესტის მონაწილეები პარლამენტთან შეიკრიბნენ.

დემონსტრანტები მიმდინარე აქციების დროს დაკავებულთა გათავისუფლებას და ახალი არჩევნების ჩატარებას ითხოვენ.