დამნაშავე, რომელიც ბრედ პიტის დუბლიორობას საკუთარი მიზნებისთვის იყენებდა - ვინ არის ლუკ ფორდი: ქალების გაუპატიურების გამო მას 16 წლით პატიმრობა მიუსაჯეს
შოტლანდიელ ლუკ ფორდს, რომელიც სერიულად აუპატიურებდა ქალებს, სასამართლომ 16 წლით თავისუფლების აღკვეთა მიუსაჯა. კაცს 19 საქმეზე წარედგინა მსჯავრი.
35 წლის ფორდი, ედინბურგის უმაღლეს სასამართლოში გასამართლეს. მას ბრალად ედებოდა 9 ქალზე ძალადობა, მათ შორის, ექვსი მათგანის გაუპატიურება.12 წლის განმავლობაში, ფორდი მსხვერპლებზე ფიზიკურად, ფსიქოლოგიურად და სექსუალურად ძალადობდა. მათ შორის, ერთ-ერთ ქალს თავი მანქანის მინაზე არტყმევინა, ხოლო მეორეს სცემა.
- დადასტურდა, რომ მან რამდენიმე ქალს თანხმობის გარეშე გადაუღო სექსუალური შინაარსის ფოტოები და ემუქრებოდა სურათების გავრცელებით, თუ ისინი არ დათანხმებოდნენ მის მოთხოვნებს.
შოტლანდიის პოლიციის დეტექტივი სტივენ გრეი ფორდს აღწერდა როგორც "საფრთხის შემცველ და მანიპულატორ სექსუალურ დამნაშავეს". ფორდი ქალებს ტინდერის გაცნობის აპლიკაციაში ეძებდა და შემდეგ მათთან სექსუალურ კავშირის ამყარებდა. მათ აიძულებდა, რომ ჩასახვის საწინააღმდეგო პრეპარატები მიეღოთ, თუ მაინც ორსულობა დადგებოდა, აბორტი გაეკეთებინათ.
სასამართლო სხდომაზე პროკურორმა განაცხადა, რომ ფორდი იყო დამწყები მსახიობი და 2013 წელს გლაზგოში გადაღებების დროს "მსოფლიო ომის Z"-ში ჰოლივუდის ვარსკვლავის ბრედ პიტის დუბლიორი იყო. ფორდი აქტიურად იყენებდა ამ ფაქტს თავისი მიზნებისათვის, თითქოს მას ვარსკვლავი მეგობრები ჰყავდა.
ფორდი 12 წლის განმავლობაში იცნობდა მსხვერპლებს გაცნობის აპლიკაციებში, უყვებოდა მათ თავის როლებზე და ამბობდა, რომ იქნებოდა მომავალი ბრედ პიტი.
"ის ნამდვილად ფიქრობდა, რომ სავსებით შეცვლიდა პიტს, მიუხედავად იმისა, რომ, სავარაუდოდ, მსახიობს მის გარდა კიდევ რამდენიმე დუბლიორი ჰყავს. მაგრამ ის თავს ისე წარმოაჩენდა, თითქოს მხოლოდ ის იყო ერთადერთი" - აღიარა ერთ-ერთმა ქალმა, რომელსაც ლუკ ფორდმა გაუპატიურა.
გარდა 16 წლიანი ციხისა, ლუკ ფორდი ასევე სამუდამოდ შეიყვანეს სექსუალური დამნაშავეების სიაში, რომელიც საჯაროა.