"კონცერტები და კორპორატიულები გვაქვს გაუქმებული, რამდენიმე გადატანილი... გვინდა აქცია კონცერტის გამართვა" - რას წერს "მამულიჩა"
პროდიუსერი კახა მამულაშვილი წერს, რომ ლელა წურწუმიას და ბენდ "ჩვენის" კონცერტები და კორპორატიულები, რომელიც დეკემბრის დასაწყისიდან,14 იანვრის ჩათვლით იყო დაგეგმილი გაუქმებული ან გადატანილია.
მამულაშვილის ინფორმაციით, ასევე სურთ აქცია კონცერტის გამართვა, საიდანაც შემოსული თანხა დაზარალებულებს მოხმარდებათ.
"ბევრი ადამიანი მწერს და აქ გიპასუხებთ. Lela Tsurtsumia და Chveni ბენდი კონცერტები და კორპორატიულები, დეკემბრის დასაწყისიდან,14 იანვრის ჩათვლით გვაქვს გაუქმებული, რამდენიმე გადატანილი( დაახლოებით 18 ღონისძიება), რადგან ლელას და ჩემს მუსიკოსებსაც, დიდი სურვილი გვაქვს შევიტანოთ ჩვენი პატარა წვლილი, აქციების დროს დაზარალებული ადამიანების მხარდასაჭერად, გვინდა აქცია კონცერტის გამართვა, უბრალოდ კონსულტაციებს გავდივართ ფონდთან და კონცერტთან დაკავშირებულ ტექნიკურ პერსონალთან და ადგილის მფლობელებთან და მალე შეგატყობინებთ" - წერს მამულაშვილი.
წაიკითხეთ ასევე: