მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
საქართველოს პრეზიდენტი ევროპარლამენტში სიტყვით გამოვიდა: "სამოქალაქო დაუმორჩილებლობის მოძრაობა ორ რამეს მოითხოვს: დამიბრუნე ჩემი ხმა და დამიბრუნე ჩემი ევროპული მომავალი"
12:12 / 18-12-2024
საქართველოში მასიური სამოქალაქო დაუმორჩილებლობის მოძრაობაა, რომელიც მხოლოდ ორ რამეს მოითხოვს: ხმის დაბრუნებასა და ახალ არჩევნებს, - ამის შესახებ საქართველოს პრეზიდენტმა, სალომე ზურაბიშვილმა ევროპარლამენტში სიტყვით გამოსვლისას განაცხადა.
"ეს ძალიან მშვიდობიანი მოძრაობაა, ძალიან მასიური სამოქალაქო დაუმორჩილებლობის მოძრაობა, რომელიც მხოლოდ ორ რამეს მოითხოვს: დამიბრუნეთ ჩემი ხმაო (მოპარული არჩევნების გამო) და დამიბრუნეთ ჩემი მომავალი და ჩემი ევროპული მომავალიო - და ეს ახალი არჩევნების მოთხოვნაა.
ამ გაგებით ეს რევოლუციური მოძრაობა არაა, ვინაიდან არ არსებობს მოთხოვნა თუ ვინ უნდა იქნას გამოგდებული და რომელი ძალიდან. რეალურად ეს არის: "მოდით, არჩევნებს დავუბრუნდეთ თავისუფალ და სამართლიან გარემოში“ და რა არის ქართველი ხალხის სურვილი დღეს, რომელსაც ქუჩაში აჩვენებენ, მაგრამ დემოკრატიულად ვნახოთ ის ბიულეტენში.
და არ არსებობს საქართველოს ორი ნაწილი. იყო მცდელობა შექმნილიყო შთაბეჭდილება, თითქოს სამოქალაქო დაპირისპირებამდე მივდიოდით, მაგრამ ორი ნაწილი არ არსებობს. ერთ მხარეს ქართველი ხალხია და ერთი პარტიის რეპრესიული აპარატი მეორე მხარეს, და ესაა სულ. ამის მეტ დემონსტრირებას ახდენს ის, რომ მმართველმა პარტიამ ძალიან მკაფიო რუსული გზა აირჩია, მაგრამ ახლა უწევს თავის მოჩვენება, რომ ის ოდესმე როგორღაც ევროპას დაუბრუნდება. და რატომ ხდება ეს? ვინაიდან მათი მხარდაჭერების პირველ და ბოლო წრეშიც ხალხს ეს ევროპული გზა სურს, რასაც ადასტურებს ის, რომ საქართველოს მოსახლეობის 80% ან 90% ისევ და ისევ ამბობდა ყველა გამოკითხვასა და ყველა არჩევნებზე დამოუკიდებლობის მოპოვებიდან.
ასე რომ, თუ “ქართული ოცნების” ლიდერებს სურთ, რომ “ოცნების” რამე ნაწილი დარჩეს, მაშინ უწევთ, რომ როგორმე ეს იმედი შეინარჩუნონ,” - განაცხადა ზურაბიშვილმა.
"ფაქტობრივად, "რუსულ არჩევნებამდე“ მივედით. ეს არ იყო ჩვეულებრივი თაღლითობა, რასაც ვხედავთ ხოლმე არჩევნებზე-პოლიციას ვერ იპოვიდით არჩევნების დროს", - თქვა პრეზიდენტმა.
როგორც მან განმარტა, არჩევნების დროს მომხდარ ძალადობის შემთხვევებთან დაკავშირებით შინაგან საქმეთა მინისტრთან საუბარი სურდა, თუმცა ვერ დაუკავშირდა.
"ფაქტობრივად, "რუსულ არჩევნებამდე“ მივედით. ეს გახლავთ არჩევნები, რომელიც სისტემატურად და მასობრივად გაყალბებული იყო, ძალიან მაღალ, დახვეწილ დონეზე იყო გაკეთებული. ეს არ იყო ჩვეულებრივი თაღლითობა, რასაც ვხედავთ ხოლმე არჩევნებზე.
დაგეგმილი იყო ცვლილებები საარჩევნო კოდექსში, რაც გაცილებით ადრე დაიწყო. სრული კონტროლი გადაეცა ცესკოს. იმ ადამიანებს, ვისაც ცესკო ნიშნავდა, დანიშნულები იყვნენ არა იმ წესების შესაბამისად, რომელსაც ევროკავშირი გვთავაზობდა, არამედ, იყვნენ ხელისუფლების მიერ დანიშნულები. ხმის ელექტრონული კენჭისყრა სპეციფიკურად იყო შემუშავებული, კონტროლის გარეშე. საუბარი იყო, რომ მოპარული იყო ევროპელი მოხუცების პენსიები, ასევე "ქოლცენტრების" საკითხები იდგა - 3500 "ქოლცენტრის" საკითხი. დაშინება, ადმინისტრაციული რესურსის გამოყენება, რუსული სტილის პროპაგანდა, პლაკატები იყო, სადაც ერთ მხარეს იყო უკრაინაში განადგურებული ეკლესიები და თეატრები, მეორე მხარეს კი, აყვავებული საქართველოს გამოსახულება. ამან იმდენად შოკში ჩააგდო საქართველოში საზოგადოება, რომ მოხდა მათი დემონტაჟი. ეს არ იყო ქართული ხასიათის შემადგენელი ნაწილი, რუსული კვალი ეტყობოდა. ასევე ფაქტები იყო: "ოპოზიციას სურს მთავრობა დაამხოს“, "ისინი უნდა გაუქმდნენ არჩევნების შემდეგ“, "ოპოზიციური პარტიები უნდა აიკრძალოს არჩევნების შემდეგ", "ლიდერები უნდა იყვნენ დაპატიმრებულები“. დიდი რაოდენობით "შავი ფული“ იყო გამოყენებული. 600 მილიონი ლარი დაიხარჯა ოქტომბრის არჩევნების დროს. პოლიციას ვერ იპოვიდით არჩევნების დროს. მე მაგალითად, ვიხილე ძალადობა, რომელიც სხვადასხვა უბანზე ხორციელდებოდა. დავურეკე შს მინისტრს და ვერ ვერც მობილურით და სამთავრობო ქსელით. ვერც მიs მოადგილეებს დავუკავშირდი, მანაც არ გადმომირეკა.
2 პრინციპი დაირღვა არჩევნების დროს. ეს არის საკმარისი, რათა ვანახოთ, რომ ნებისმიერი შედეგი იქნებოდა განსხვავებული. მილიონი წევრი დიასპორის მხრიდან სტრასბურგშია. სტრასბურგი ძალიან კარგი შემთხვევაა, აქ არ გაიხსნა უბანი, სტრასბურგში ბევრი ქართველია. მთლი დიასპორა მობილიზებული იყო, იცოდნენ არჩევნები წყვეტდა რუსეთისკენ გზას ან ევროპისკენ.
ასევე ფარულობის დაცულობის თვალსაზრისით ნდობის საკითხი - ელექტრონული სისტემები იყო გამოყენებული, პარტიული კამერები უყურებდა საარჩევნო მანქანებს. ამ ყველაფერზე სარჩელი იყო საკონსტიტუციო სასამართლოში. იმედი გვქონდა, რომ ზოგიერთი მოსამართლე გაიგებდა და გაათვითცნობიერებდა, რომ კრიზისიდან გამოსვლის გზა ეს იყო. შედეგები გაყალბებული იყო, კონსტიტუციურად უნდა დანიშნულიყო არჩევნები. იმედი არ გამართლდა. კიდევ ერთი მოთხოვნა იყო მოქალაქეების ჯგუფის მხრიდან სტრასბურგის სასამართლოში, სადაც გაცხადებულია, რომ ჩვენ გვსურს გამოვიყენოთ ყველა სამართლებრივი გზა, რომ მივიღოთ პოლიტიკური გადაწყვეტილება ამ ღრმა კრიზისზე“,- აღნიშნა პრეზიდენტმა.
როგორც პრეზიდენტმა აღნიშნა, "ევროპა თავს უფლებას ვერ მისცემს, რომ ქვეყანას, რომელმაც ახლახან მიიღო კანდიდატის სტატუსი, მისცეს საშუალება, ყველა დემოკრატიული წესები და ნორმები გათელოს“.
"თავისუფალი და სამართლიანი არჩევნები - ეს გახლავთ ერთადერთი დემოკრატიული და პოლიტიკური გზა, რომელიც ამ კრიზისიდან გამოგვიყვანს. მაგრამ ეს საკითხი გეხებათ თქვენც, ეხება ევროპას. ქვეყანამ, რომელმაც ახლახან მიიღო კანდიდატის სტატუსი, ევროპა თავს უფლებას ვერ მისცემს, რომ ამ ქვეყანას მისცეს საშუალება, გათელოს ყველა დემოკრატიული წესები და ნორმები მას შემდეგ, რაც უარყოფა ან იგნორირება მოხდა ევროკავშირის 9-12 რეკომენდაციების. ევროპა ვერ მისცემს საშუალებას, მისი ძირითადი პრინციპების შეურაცხყოფა მოხდეს.
ასევე, საკითხი ეხება ევროპის სტრატეგიულ ინტერესს. დარწმუნებული ვარ, საქართველო იყო, არის და იქნება ევროპისა და დასავლეთის გზაგასაყარი რეგიონში. რუსეთი ცდილობს ამის ხელში ჩაგდებას. რუსეთი იხსენებს იმპერიულ დროს, გენერლების განცხადებას, რომლებიც ამბობდნენ, რომ "ვინც თბილისს ფლობს, ის კავკასიას ფლობსო“. ეს რუსეთისთვის არ შეცვლილა.
თუ საქართველო რუსეთის კონტროლის ქვეშ აღმოჩნდა, მე სამხედრო ინტერვენციაზე არ ვსაუბრობ, საარჩევნო, კონსტიტუციურ ინტერვენციაზე ვსაუბრობ, ფსონი ძალიან მაღალია, რომელიც ეხება შავი ზღვის უსაფრთხოებას, დაკავშირებადობას, რაც შეეხება ცენტრალურ და სამხრეთ აზიას. ეხება, ასევე, სომხეთის ევროპულ მომავალს. ეს გაცილებით უფრო ღრმა პროცესია, ვიდრე მხოლოდ საქართველოს დემოკრატია ან საქართველოს დემოკრატიული არჩევანი.
სირიაში დამარცხების შემდეგ არ უნდა მოიპოვოს საქართველო რუსეთმა. რაც რუსეთს ხელი მოეცარა უკრაინაში, საქართველოში უნდა მიაღწიოს გამარჯვებას? მოლდოვაში წააგო რუსეთმა, საქართველოში უნდა გაიმარჯვოს? იმედი, მაქვს ისევე წარუმატებლობას მიაღწევს რუმინეთშიც, წამყვანი პოზიციები საქართველოში უნდა მოიპოვოს? ეს გახლავთ კითხვები, რომლებსაც თქვენ გისვამთ“, - განაცხადა პრეზიდენტმა, რომლის გამოსვლის თარგმანსაც "ტვ პირველი“ ავრცელებს.
იხილეთ ასევე:
- "ბევრმა ვერ დაინახა და მეც ვერ დავინახე, მაგრამ "ქართული ოცნების“ რუსული გზა გავრილოვის ინციდენტით" - სალომე ზურაბიშვილი ევროპარლამენტში
- "ყველაფერს აკონტროლებს ერთი პარტია და ერთი პირი, რა რჩება ამ კონტროლის გარეთ? - ოპოზიციური მედია, არასამთავრობო სექტორი და მე, რომელიც აქ ვარ და ერთი კვირის შემდეგ აღარ მეყოლება პირადი დაცვა" - პრეზიდენტი
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
