მნიშვნელოვანი ინფორმაცია
9
ივლისიდღის ზოგადი ასტროლოგიური პროგნოზი
ოთხშაბათი, მთვარის მეთხუთმეტე დღე დაიწყება 22:10-ზე, მთვარე თხის რქაში გადავა 12:52-ზე –
ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, ეს შესაძლოა სამომავლოდ გამოგადგებათ. იზრდება ტრავმებისა და ძლიერი ნერვული დაძაბულობის ალბათობა. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე. დღეს მოხმარებული პროდუქტები უნდა იყოს მაღალი ხარისხის და ახალი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლიტერატურის სფეროს წარმომადგენლები, კინემატოგრაფისტები და კინომოყვარულები პარლამენტამდე მსვლელობას მართავენ
18:22 / 16-12-2024
კინემატოგრაფისტები და კინომოყვარულები საპროტესტო მარშს მართავენ. ხელოვანებმა მსვლელობა კინოთეატრ “აპოლოდან“ დაიწყეს.
მათ ხელში უჭირავთ ბანერი: “საქართველო ცოცხალი და დამოუკიდებელია“.
მსახიობები სოლიდარობას უცხადებენ დაკავებულ კოლეგებს, ანდრო ჭიჭინაძესა და ონისე ცხადაძეს და მოითხოვენ, რომ დაინიშნოს ხელახალი არჩევნები. როგორც მარშის მონაწილეები აცხადებენ, ხელისუფლება ხელოვანების დაშინებას ცდილობს.
საპროტესტო მარში რუსთაველის გამზირზე, პარლამენტის წინ დასრულდება.
ამავდროულად, ილია ჭავჭავაძის ლიტერატურულ-მემორიალური მუზეუმიდანპარლამენტისკენ მსვლელობას მართავენ ლიტერატურის სფეროს წარმომადგენლები
საპროტესტო აქციაზე იმყოფებიან: მწერლები, რედაქტორები, გამომცემლები, წიგნის დიზაინერები, ბუკინისტები და პირები, რომელთაც ლიტერატურასთან აქვთ კავშირი.
ისინი გეგმავენ, რომ მსვლელობისას შეჩერდნენ გალაკტიონ ტაბიძის და მიხეილ ჯავახიშვილის მემორიალურ სახლ-მუზეუმთან, სადაც თავიანთ პოზიციას გააჟღერებენ. საბოლოოდ კი, ისინი რუსთაველის გამზირზე დაანონსებულ აქციას შეუერთდებიან.
აქციის მონაწილეებს თან აქვთ ტრანსპარანტები წარწერებით: “ილიას გზას ვერ გაამრუდებთ!“, “თავისუფლების დასაცავად წიგნი უკეთესი იარაღია, ვიდრე არმია“, “ენა, მამული, სარწმუნოება - არცერთს არ დავთმობთ!“
მათ თან აქვთ ევროკავშირის და საქართველოს დროშებიც. როგორც აქციის მონაწილეები აცხადებენ, “ძალა ერთობაშია“ და სწორედ, ერთად უნდა შეძლონ, მიზნების მიღწევა.
“ამ ქვეყანაში უნდა დასრულდეს, იმ უსამართლობების ჯაჭვი, რომელიც უკვე დიდი ხანია ამ ქვეყანაშია და რომელიც “დაგვირგვინდა“ იმით, რომ საკუთარ ქვეყანას ბიძინა ივანიშვილმა საკონსტიტუციო გადატრიალება მოუწყო“, - აღნიშნა მწერალმა, პაატა შამუგიამ.
მანიფესტანტების მოთხოვნები უცვლელია. ისინი საქართველოს მთავრობას მოუწოდებენ, რომ “დაინიშნოს ვადამდელი არჩევნები, დაუბრუნდეს ქვეყანა ევროპულ საგარეო კურსს და გათავისუფლდნენ პოლიტიკური პატიმრები”.
ინფორმაციისთვის, მოქალაქეები “ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. მათი მოთხოვნა უცვლელია - დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
