"მიხეილ ყაველაშვილის ინაუგურაციის შემდეგ კი ერთხელ და სამუდამოდ დასრულდება ადამიანთა დაყოფის ხელოვნური მცდელობები" - ივანიშვილი ყაველაშვილს პრეზიდენტობას ულოცავს
ქართული ოცნების საპატიო თავმჯდომარე, ბიძინა ივანიშვილი მიხეილ ყაველაშვილს პრეზიდენტობას ულოცავს.
შესაბამისი განცხადება "ქართული ოცნების" გვერდზე, "ფეისბუქში" გამოქვეყნდა.
"ვულოცავ მიხეილ ყაველაშვილს საქართველოს პრეზიდენტად არჩევას.ვულოცავ ჩვენს ქვეყანას ჭეშმარიტად ქართველ, პატრიოტ და ღირსეულ პრეზიდენტს.დღევანდელი არჩევნების შემდეგ სრულყოფილად ამოქმედდა საქართველოს ევროპული სტილის კონსტიტუცია, რომელიც ქვეყნის სრულად საპარლამენტო მოწყობას ითვალისწინებს.
მიხეილ ყაველაშვილის ინაუგურაციის შემდეგ კი ერთხელ და სამუდამოდ დასრულდება ამ ქვეყანაში პოლარიზაციის, ადამიანთა დაყოფის და რადიკალიზაციის ხელოვნური მცდელობები.
დარწმუნებული ვარ, მიხეილ ყაველაშვილი იქნება ის პრეზიდენტი, რომელიც დააბრუნებს ამ უმნიშვნელოვანეს ინსტიტუციას კონსტიტუციის ფარგლებში და ამასთანავე, ითამაშებს განსაკუთრებულ როლს ჩვენი საზოგადოების გაერთიანებასა და მშვიდობიან თანაცხოვრებაში", - აცხადებს ბიძინა ივანიშვილი.