ირაკლი ღარიბაშვილი მიხეილ ყაველაშვილს პრეზიდენტად არჩევას ულოცავს - რას წერს ექსპრემიერი "ფეისბუქზე"
"ქართული ოცნების“ თავმჯდომარე ირაკლი ღარიბაშვილი მიხეილ ყაველაშვილის პრეზიდენტად არჩევას ულოცავს.
ექსპრემიერი პოსტს სოციალურ ქსელში ავრცელებს.
"ვულოცავ მიხეილ ყაველაშვილს საქართველოს პრეზიდენტად არჩევას!" - წერს ღარიბაშვილი.
- ცნობისთვის, 300-წევრიანმა კომისიამ საქართველოს პრეზიდენტად მიხეილ ყაველაშვილი აირჩია. პარლამენტში, ცენტრალურმა საარჩევნო კომისიამ საჯარო სხდომაზე ხმები ცოტა ხნის წინ შეაჯამა, რის შემდეგაც პლენარული სხდომის დარბაზში შეკრებილ საარჩევნო კომისიის წევრებს ცესკოს თავმჯდომარემ არჩევნების შედეგები გააცნო.
დარბაზში იმყოფება კოლეგიის მიერ პრეზიდენტად ახლახან არჩეული მიხეილ ყაველაშვილიც.ყაველაშვილის სასარგებლოდ ხმა 224-მა ხმოსანმა მისცა. მას მხარი არ დაუჭირა აფხაზეთის უმაღლესი საბჭოს წევრმა, ადა მარშანიამ, რომელმაც თქვა, რომ ყაველაშვილის კანდიდატურა არ მოსწონს.პროცესში მონაწილეობა არ მიუღია ოპოზიციას.
ცენტრალური საარჩევნო კომისიის თავმჯდომარის თქმით, კენჭისყრაში მონაწილეობა მიიღო 225-მა წევრმა, საიდანაც ბათილია 1 ბიულეტენი. პროცედურა პარლამენტის პლენარულ სხდომათა დარბაზში წარიმართა.
წაიკითხეთ ასევე: