ოპერაცია "ორმაგი დეზინფორმაციული კამპანიის" გამო, ევროკავშირი თინა კანდელაკისა და სხვა "ინფო-დივერსანტების" წინააღმდეგ სანქციებს ამზადებს - რა დეტალებია ცნობილი

ევროკავშირი თინა კანდელაკისა და სხვა "ინფო-დივერსანტების" წინააღმდეგ სანქციებს ამზადებს - სანქციები, რომლებიც სავარაუდოდ გამოცხადდება ორშაბათს, ეხება იმ პირებს, რომლებიც ჩართულნი არიან რუსეთის ჰიბრიდულ ოპერაციებსა და ინფორმაციის მანიპულირებაში. სიაში 16 ადამიანი და სამი კომპანია მოხვდება.

• მათ შორის იქნებიან პირები, რომლებიც ჩართულნი არიან ოპერაციაში Doppelgänger ("ორმაგი"), დეზინფორმაციული კამპანია, რომელიც რუსეთმა დაიწყო უკრაინაში სრულმასშტაბიანი შეჭრის დაწყების შემდეგ. ის დასავლური აუდიტორიისთვისაა გამიზნული. მსხვილი საერთაშორისო მედიისა და სხვა ავტორიტეტული წყაროების იმიტაციურ ვებგვერდებზე ყალბი ამბები ქვეყნდება.

ევროპელი ოფიციალური პირების განცხადებით, ოპერაციას ხელმძღვანელობდა შპს GC Structural-ის ხელმძღვანელი ნიკოლაი ტუპიკინი. მასში აქტიურად მონაწილეობდა რუსეთის პრეზიდენტის ადმინისტრაციის თანამშრომელი სოფია ზახაროვაც. მათ გარდა, სანქციები შესაძლოა დაუწესონ ტელეწამყვანს და გაზპრომის მედიის გენერალური დირექტორის მოადგილეს თინათინ (თინა) კანდელაკს.

სანქციების სიის კანდიდატებს შორის სამართალდამცავი ორგანოების წარმომადგენლებს შორის არის FSB ოფიცერი არტემ კურეევი. ევროკავშირის თანახმად, ის კოორდინაციას უწევდა დეზინფორმაციის გავრცელების ოპერაციებს ევროპასა და აფრიკაში.

ასევე, ევროკავშირი აპირებს დაადანაშაულოს GRU-ს ოფიცრები: იური სიზოვი, ვალერი ლიპჩენკო და GRU-ს გენერალ -მაიორი ანდრეი ავერიანოვი - ეს ადამიანები მონაწილეობენ დეზინფორმაციულ კომპანიებში, რომლებიც ავრცელებდნენ ინფორმაციას "გენმოდიფიცირებული კოღოების" შესახებ. სიზოვისა და ლიპჩენკოს საქმიანობა მოიცავდა სადაზვერვო ქსელების შექმნას, ხანძარსა და თავდასხმებს კრიტიკულ ინფრასტრუქტურაზე ევროკავშირის ქვეყნებსა და უკრაინაში.

წყარო