რა განცხადებებს ავრცელებს პრეზიდენტი სოციალურ ქსელში - "ეს დაცინვაა.. "პარლამენტი" "ერთადერთ" "კანდიდატს" ირჩევს"

"დღეს "პარლამენტი" "ერთადერთ“ კანდიდატს "ირჩევს", რაც დემოკრატიის დაცინვაა, ეს საქართველოს ევროპულ გზასა და დემოკრატიულ მომავალს ვერასდროს შეაჩერებს!" - ამის შესახებ საქართველოს პრეზიდენტი, სალომე ზურაბიშვილი სოციალურ ქსელში წერს.

"ერთი წლის წინ საქართველომ კანდიდატის სტატუსი მიიღო და დღეს ცენტრალური კომისიის მსგავსი „პარლამენტი“ „ერთადერთ“ კანდიდატს „ირჩევს“, რაც დემოკრატიის დაცინვაა. ეს საქართველოს ევროპულ გზასა და დემოკრატიულ მომავალს ვერასდროს შეაჩერებს!“ - წერს საქართველოს პრეზიდენტი.

ამასთან, საქართველოს პრეზიდენტი წერს, რომ თბილისში ნაძვის ხე პოლიციის მიერ არის დაცული და „დაპატიმრებული“.

"ნაძვის ხე, რომელიც იმ პოლიციური სახელმწიფოს სიმბოლოა, როგორადაც „ქართული ოცნება“ საქართველოს გადაქცევას ცდილობს, პოლიციის მიერ არის დაცული და „დაპატიმრებული“, - წერს სალომე ზურაბიშვილი.

• ცნობისთვის, საქართველოს პრეზიდენტი დღეს სალომე ზურაბიშვილი რამდენიმე წუთით პარლამენტის მიმდებარედ, რუსთაველის გამზირზე გამოჩნდა.

როგორც სალომე ზურაბიშვილმა მედიასთან აღნიშნა, "სამსახურში მიდიოდა", თუმცა ჟურნალისტების კითხვაზე, რატომ გაიარა რუსთაველის გამზირი მაშინ, როცა ორბელიანების სასახლეში ამ გზით არასდროს მისულა, სალომე ზურაბიშვილს არ უპასუხია.

წაიკითხეთ ასევე:

• "სამსახურში მივდივარ" - პრეზიდენტი ორბელიანების სასახლეში ფეხით, რუსთაველის გამზირის გავლით მივიდა: კადრები ადგილიდან