"მქონდა პატივი მიწვეული ვყოფილიყავი ტრამპის რეზიდენციაში, ვახშამზე... დიდი სიამოვნება იყო ილონ მასკის გაცნობაც" - რას წერს ბურჭულაძე
საოპერო მომღერალი პაატა ბურჭულაძე წერს, რომ დონად ტრამპის რეზიდენციაში ვახშამს დაესწრო.
მისი თქმით, საშუალება ჰქონდა შეხვედროდა ადმინისტრაციის წევრებს. ბურჭულაძე ფოტოებს აქვეყნებს. ირკვევა, რომ მომღერალი ილონ მასკსაც შეხვდა.
"გუშინ მქონდა პატივი მიწვეული ვყოფილიყავი პრეზიდენტ Donald Tramp-ის რეზიდენცია The Mar a Lago Club-ში ვახშამზე სადაც ესწრებოდა თვითონ, მისი ახალი ადმინისტრაცია და ბევრი პატივცემული სტუმარი.
მქონდა საშუალება შევხვედროდი და გავსაუბრებოდი ბევრ მათგანს. მათ შორის პრეზიდენტის ადმინისტრაციის ხელმძღვანელის მოადგილეს Stephen Miller - ს. დიდი სიამოვნება იყო Elon Musk - ის გაცნობაც. ძალიან გამახარა მათმა შეფასებამ საქართველოში მიმდინარე მოვლენებზე" - წერს ბურჭულაძე.