მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ჩვენ საქართველო ევროპულ ოჯახში გვჭირდება, არა მხოლოდ ჩვენ ვჭირდებით ქართველებს“ - რასა იუკნევიჩიენე
23:26 / 12-12-2024
“ჩვენ საქართველო ევროპულ ოჯახში გვჭირდება, არა მხოლოდ ჩვენ ვჭირდებით ქართველებს, ეს ჩვენი საერთო ბრძოლაა ევროპული კონტინენტის შევსებისთვის “ნაცრისფერი“ სივრცეების გარეშე“, - ამის შესახებ ევროპარლამენტარმა რასა იუკნევიჩიენემ რუსთაველის გამზირზე მიმდინარე აქციაზე განაცხადა, რომელსაც კოლეგებთან ერთად შეუერთდა.
მისი თქმით, ევროპა უნდა ებრძოლოს ადამიანებს, როგორებიც კრემლის სცენარებს ასრულებენ - საქართველოში, მოლდოვაში, რუმინეთში თუ სადმე ევროკავშირის მიწაზე.
“ჩვენ ერთად ვართ, როგორც ევროპარლამენტის წევრები. ჩვენ აქ ვართ, რათა ხალხს ვესაუბროთ და გადავცეთ მესიჯი ევროკავშირში სხვა ინსტიტუტებს, როგორებიცაა ევროკომისია, ევროპული საბჭო, დაიწყონ მოქმედება და თავი არ დაანებონ მათ, ვინც ხალხს არჩევნები მოიპარა, ვინც ქუჩაში ხალხს სცემს, ვინც ძალადობას იყენებს.
ჩვენ საქართველო ევროპულ ოჯახში გვჭირდება, არა მხოლოდ ჩვენ ვჭირდებით ქართველებს. ასე რომ, ეს ჩვენი საერთო ბრძოლაა ევროპული კონტინენტის შევსებისთვის “ნაცრისფერი” სივრცეების გარეშე, რომლებიც რუსეთისთვის გადასაყლაპად არის დარჩენილი.
ქართველი ხალხი არა მხოლოდ საკუთარი თავისთვის იბრძვის, ისინი დანარჩენი ევროპული კონტინენტისთვისაც იბრძვიან, რათა ჰქონდეთ თავისუფლება ისეთი დიქტატურების გარეშე, როგორიცაა პუტინის რეჟიმი, პირველ რიგში. და უნდა ვებრძოლოთ ისეთ ადამიანებს, როგორებიც კრემლის სცენარებს ასრულებენ - იქნება ეს საქართველოში, მოლდოვაში, რუმინეთში თუ სადმე ევროკავშირის მიწაზე.
ასე რომ, ხალხი არა მხოლოდ საკუთარი თავისთვის იბრძვის, ისინი იბრძვიან აქ ევროპული ღირებულებების დამკვიდრებისთვის. და ამ ხალხის მადლობელი ვარ, რომელიც აქ დგას, მე მათ მხარეს ვარ. თქვენ, ქართველი ხალხი, ისტორიის სწორ მხარეს ხართ”, - განაცხადა იუკნევიჩიენემ.
ევროპარლამენტარმა ისაუბრა მისი და მისი კოლეგების ინიციატივაზე, რომ საქართველოს პრეზიდენტი სალომე ზურაბიშვილი მიიწვიონ ევროპარლამენტის შემდეგ სესიაზე, რომლის ჩატარებაც მომდევნო კვირას იგეგმება.
“შვიდმა ჩვენგანმა, ვინც აქ ვართ, უკვე გავაკეთეთ წერილი იმ მოთხოვნით, რომ მომდევნო კვირის დღის წესრიგი გადაიხედოს და იმედი გვაქვს, რომ მოგვისმენენ. [პასუხი] ჯერ არ მიგვიღია,” - განაცხადა იუკნევიჩიენემ.
ევროდეპუტატის თქმით, კოლეგებთან ერთად თბილისში იმყოფება, რათა ევროპული ინსტიტუტებისთვის ნათელი მესიჯის გაგზავნონ: “არა მარტო ისაუბრონ, არამედ იმოქმედონ“.
“ახლანდელი რეჟიმი შეუსაბამოა. ასე რომ, ახალი არჩევნების გარეშე შეუძლებელი იქნება ევროკავშირისკენ გზაზე დაბრუნება. [ევროპული გზა] წერია საქართველოს კონსტიტუციაში.
ჩვენ, ევროპარლამენტის წევრები, მივყვებით [ევროპარლამენტის] მიღებულ რეზოლუციას.
აქ ვართ ფაქტების დადგენის მისიით, ასევე, იმ ხალხთან სალაპარაკოდ, რომლებიც ქუჩაში არა მხოლოდ საკუთარი თავისუფლებისთვის, არამედ მთლიანად ევროპული კონტინენტის თავისუფლებისთვის იბრძვიან. ვინაიდან, ეს მხოლოდ საქართველოს არ ეხება. ასევე, გვაქვს მოლდოვა, რუმინეთი, სადაც იგივე სცენარია. ასევე, უკრაინელები, რომლებიც იბრძვიან ჩვენი თავისუფლებისთვის. რაც ევროკავშირმა უნდა გააკეთოს - მხარი დაუჭიროს ყველა თავისუფლებისთვის მებრძოლს და არ ეშინოდეს, უპირველეს ყოვლისა, პუტინის რეჟიმის დამარცხების, ვინაიდან, ყველაფერი ამ კონკრეტული ცენტრიდან მოდის…
აქ ვართ არა მხოლოდ სოლიდარობის გამოსახატად, ჩვენთვის საჭირო ინფორმაციის მისაღებად, ასევე ჩვენი ინსტიტუტებისთვის ბიძგის მისაცემად - ევროკომისიისთვის ან ევროპული საბჭოსთვის - ძალიან ნათელი მესიჯის გასაგზავნად არსებული ვითარების შესახებ, რათა ვუბიძგოთ მათ მოქმედებისკენ, რათა არა მხოლოდ ისაუბრონ, არამედ იმოქმედონ კიდევაც”, - განაცხადა იუკნევიჩიენემ.
შეგახსენებთ, რომ ცოტა ხნის წინ ევროპარლამენტარები რუსთაველზე მიმდინარე აქციაზე მივიდნენ.
ნიდერლანდელი ევროპარლამენტარი, რაინიე ვან ლანშოტა; ევროპარლამენტარი მიჰალ შჩერბა (პოლონეთი); ევროპარლამენტარი ტობიას კრემერი (გერმანია); ლიეტუველი ევროპარლამენტარი, რასა იუკნევიჩიანე და ევროპარლამენტარი სერგეი ლაგოდინსკი (გერმანია) პარლამენტთან შეკრებილებს მსვლელობით შეუერთდნენ.
მსვლელობისას დიპლომატებს მოქალქეები ტაშით და ოვაციებით ხვდებოდნენ.
ფოტო: გიორგი ჟამერაშვილი
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
